《遊夢玩家》［夢想］［網遊］［電競］（全程廣東話）: 第二章 新手⋯⋯唔係咁玩㗎！

「長駐角色用邊個好呢⋯⋯」樂天明正喺度苦惱緊用邊隻職業嚟練技術，包括研究佢嘅屬性升級，天賦升級，技能升級，三方面嘅點數平衡，睇吓可唔可以打到無限暴擊。

喺遊戲裏邊分咗戰士型嘅Breaker（戰士）、Loader（武器大師）、Driver（騎士），法師型嘅Writer（法師），刺客型嘅Hacker（刺客），創意型嘅Enter（機關師）同Builder（工匠），射手型嘅Shooter（射手），輔助型嘅Supporter（輔助）總共九款職業，其中每個都有佢發展嘅空間，甚至某啲傳說級人物都係因為專攻某一個角色而獲得唔同稱號。

不過對比起編寫技能或武器所需要嘅龐大數據量同創意，樂天明放棄咗法師、工匠同埋機關師，而且對於佢嚟講其他職業佢都了解得七七八八，要佢揀落手真係有啲難。

「不如諗下新手嘅時候用邊隻最好？」雖然已經唔係開得好大聲但勉強聽到隔離枱嗰個同佢講緊嘢。

「新手如果需要快速通關嘅話，最主要係速度，殺怪嘅速度先唔講，移動去到每一個地方所需要嘅時間可能都係一個考慮嘅因素。但我都需要一啲經驗喎⋯⋯」樂天明仲係困係一個思考嘅死循環裏邊。





「取捨囉⋯⋯人生總有啲嘢係得唔到，但總有啲嘢係得到，你要經驗定係要速度？」隔離枱嗰個依然喺度教導緊樂天明希望佢可以有所開竅。

「不過今日開新嘅Server喎⋯⋯」樂天明差啲唔記得每過一年嘅職業聯賽就會有新嘅伺服器開啟。

「但係唔會好多人咩？」樂天明考慮到新Server一定會有好多人，到時候分分鐘連接任務都有啲難。

「對於一個鍾意呢一個遊戲來講嘅人，一定鍾意擦副本最快時間，新嘅Server容易以最快速度引人注目。」隔離枱嗰個人依舊喺度解釋，樂天明都俾佢說服左。

「我戴吓你擦副本啦⋯⋯」隔離枱嗰個甚至邀請佢一齊去擦副本，令到樂天明諗住轉個頭去多謝佢，點知一望就係啱啱打消佢意志嘅嗰位店員，佢完全唔明白對方點解要咁做。





「睇到你之前嘅戰績PVP 50%勝敗率，你都有唔錯嘅功底啊！孺子可教。」樂天明睇咗一下對方嘅操作，淨係用咗30秒就已經擊敗左係舊Server嘅敵人。

「早響啊嘛！其實你都鍾意玩呢隻game。」樂天明突然之間對眼前呢一位神人有咗憧憬。

「因為你提返起，我先決定再玩返姐。」店員講番一句嚟作補充。「咁決定好未？」見到樂天明仲係未揀到想用嘅職業佢催左一下。

「Driver（騎士）啦！」樂天明最後揀咗呢一個，店員都講咗句：「睇嚟你明白我講咩啦喎。」但係樂天明見到對方最後揀嘅居然係Loader（武器大師）就唔明對方點解要咁做。見到樂天明猶豫嘅眼神店員無奈咁講咗一句：「你始終都係新手，六個人一隊嘅關卡你會唔會六隻一樣呀。」樂天明最後都係尷尬嘅咁樣笑左一下。

就咁樣佢哋係凌晨12點嘅時候等待緊新Server嘅開幕，店員隨即諗翻起幾年前新Server開幕嘅時候總係會有人喺度倒數，但如今變成咁安靜嘅網吧，佢嘅臉部上面表現出無奈，到底係咩事令到當年嘅熱情慢慢消退。就連佢自己都回答唔到呢個問題。





3、2、1！

新Server開幕左，兩人隨即就撳咗開始遊戲嘅按鈕，只見選擇咗角色造型之後，去到新手村，遊戲畫面依然有好多玩家出現，但其實大家都知道除咗固有玩家，即係除咗七大公會嘅玩家之外，基本上已經冇人再玩呢個遊戲。呢個就係呢一款遊戲現時嘅慘況。但顯然樂天明並唔在意呢啲嘢，佢即刻沖左去接任務盡可能盡快去到十級，然後去擦副本。令到店員會想起當其時10年前嘅場面，兩個人鬥快去擦副本最快紀錄，結果都係自己贏，諗返嚟真係可笑。

隨後新Server裏面嘅人爭住打怪，爭住升級，樂天明好唔容易去到十級，但對於店員嚟講好似濕濕碎咁，易過借火，但睇嚟佢哋兩個都嚟遲左，遊戲公告顯示出嚟「十級副本-廢都核心由王朝-雄霸天下以5分鐘32秒完成。」

遊戲廣場裏邊嘅人都喺度議論紛紛，5分32秒根本就難以達到，冇估錯應該只有 Dynasty-王朝嘅陳霆洪先做得到，樂天明睇到結果之後只好失望地去乖乖擦副本然後繼續升級，但店員翻查紀錄片之後就發覺，呢個紀錄有兩項缺陷，第一，隨着第六版嘅升級，任何傳奇技術都會顯示公告，但今次冇，即係表示對方冇使用到無限暴擊，而且第二得佢一個人喺度打大Boss，呢個唔通係測試？

但就算係測試唔打破佢，店員嘅心總係有啲唔舒服。

「我哋試吓擦下，求其搵多四條友，我哋就上。」店員呢一鋪比樂天明嘅意志仲要堅定，

喺廣場上邊見到好多人喺度聚集並招募隊友，其中一隊人見到店員同埋樂天明佢哋兩個嘅帳號時光倒流同天中明燈。

「唔好意思！我哋join唔join得？」店員帶頭問咗一句。





「OK～爭兩個啱啱好！」隊伍嘅隊長回答左話Ok，佢哋就開始準備打副本。

「後生仔⋯⋯Driver（騎士）唔好升大技，升晒普通技，速度承載，等陣千祈唔好亂咁開技，天賦點輔助隊友，屬性點速度，最高睇吓可以去到幾多，我哋喪跑，跑去大Boss嗰度，但等埋我先好開打。」店員好仔細咁樣講清楚戰術同埋屬性分配店員好仔細咁樣講清楚戰術同埋點數分配，雖然樂天明並唔係好明白，但佢相信住對方。

「好！」樂天明記住左對方咁樣嘅設定，最後副本攻略開始！

「等陣極大機會會出現隱藏Boss⋯⋯小心啲⋯⋯」樂天明固然相信着坐喺隔離嘅呢位隊友，但係隊伍當中嘅其他另外四位就唔太相信只係喺度慢慢打細怪。兩個人完全唔理啲細怪，沖咗上去打大Boss，四位隊友完全對呢一波操作感到無奈。

樂天明嘅天中明燈率先抵達大Boss所在位置，非常之唔好彩地大Boss注意到天中明燈係佢面前，並且準備攻擊佢。

「大、大佬，我唔開技得唔得㗎？」樂天明開始有啲懷疑策略嘅可行性，唔通真係計漏咗一步。

「兩下，一下！開得！」天中明燈係啱啱好技能範圍距離施展左速度承載轉移自身速度變成對方嘅MP值（能量值）。





「一個循環，兩個循環⋯⋯」時光倒流以重箭萬擊並使用十刀萬擊其中微調當中攻擊速度，計準左技能冷卻時間，連貫性地使用呢兩招。

「唔係啩，我講吓笑咋，但⋯⋯」無限暴擊其實係一招全香港不出四人可以打出既一招傳奇技術，雖然眼前真係好似隨便就可以打到出嚟，但係樂天明嘅眼中甚至其他玩家嘅眼中都非常明白，呢招係癲㗎！要係冷卻時間同操作時間上加上數值控制，大腦基本上要通過幾輪思考先至可以達到咁樣嘅操作，就係面前出現左附近幾個喺度打緊機嘅人都不經意地係店員嘅後面望住佢部電腦。

「Final！」隨着遊戲公告發出最新一輪嘅公布「 十級副本-廢都核心由時光倒流 天中明燈以4分鐘56秒完成，恭喜時光倒流使用無限暴擊！」呢一下完全震驚伺服器嘅所有玩家。

「你點解會知道個Timing嘅？」樂天明突然之間問咗一句，表示佢嘅懷疑因為佢從來未聽過除咗三大精算師以外嘅人可以知道打出無限暴擊嘅Timing，為咗解決對方嘅懷疑店員隨即講咗一句話：「休息10秒我哋再試多次⋯⋯」

遊戲公告突然之間顯示「隱藏Boss來臨！血夜人偶！」結果樂天明用舊嘅方式嚟支援店員，今次連同隊伍裏面嘅另外四位都想執雞，不過非常可惜，兩人打出完美嘅操作，再次完成完美暴擊，打敗咗隱藏嘅Boss，遊戲公告再次發出「十級副本-廢都核心隱藏Boss 血夜人偶由時光倒流 天中明燈以34秒完成，恭喜時光倒流使用無限暴擊！」引起左七大公會嘅注意到底時光倒流同天中明燈係邊個。

「你到底係？」係完成成個副本之後，兩個人休息左一下。

「後生仔，啱啱你個時機都捉得唔錯⋯⋯我個名喺度⋯⋯」睇見店員關閉左遊戲，返返去服務台嗰邊，樂天明睇咗一下服務台個名。夏時，佢個名叫做夏時，呢一個令到樂天明深深記住嘅名，係之後旅程嘅一個里程碑。

不過係夏時結束遊戲之後佢嘅腦裏便只係諗住一樣野：當年佢嘅嗰套算法居然仲可以用到真係奇蹟，隨後就睇咗一睇天中明燈嘅屬性單⋯⋯