由O Camp組爸組媽變左做真正既夫妻: Chapter 71

我地兩條麻甩佬，講黎講去都係講下車，粗口，又或者身邊既另一半。記得岩岩入大學O Camp識左Johnny哥，就係呢條粉皮成日帶我地同Oscar去老蘭到蒲。一到Weekend，係老蘭既街頭一定會佢既縱影。亦都因為老蘭同HKU，佢先識到Joey姐。而自稱《溝女王》既Johhny哥，自此之後就收心養性，對Joey好專一，兩個人更加成日係我地面前出雙入對。

過左一陣，Claudia同Joey就返左黎。見到佢地買左好多野，就知女人就係一個天生購物狂！

「B啊，我買左手鍊比你啊！」Claudia對我講，搞到我好霖。

「多謝你啊B！」我Kiss返佢。

「我幫你戴啦！」Claudia講完就幫我右手戴上手鍊



我細心一看，原來手鍊刻住「A&C」，同時我都見到佢右手戴住手鍊，睇黎同我嗰條係情侶款。既然係女朋友幫我戴既，我呢一世都唔會除落黎。

「鐘唔鐘意啊？」Claudia問。

「好鐘意啊！」我笑住同返Claudia講。

「好啦梁生梁太，今晚去唔去奧斯卡既飯局啊？」Koey問。

「你地都去咩！？」我同Claudia問。



「係啊！我地五男五女都去啊！不過要過去九龍城嗰邊。你地有冇揸車啊？」Johnny問。

「冇啊 ！要返太古攞車！各自去啦 ！」

我地兩Pair情侶就分頭行事，我同Claudia就坐MTR返去屋企攞車。而Johnny同Joey直接揸車去九龍城。

當我諗緊揸我部掃把佬定Claudia架Fit嗰陣，Claudia就同我講：「媽咪攞左我架車，借左比細姨用啊幾日啊！！」

頂！姐係焗我揸掃把佬啦！唔通攞爹地架Estima或者世伯架Land Crusier咩？



果然不出我所料，返到停車場，架Fit、Estima同Land Crusier都唔見晒，得返我架掃把佬係到。


係喎！不如比Claudia揸掃把佬啦，於是我就比左條車匙佢。

「做咩啊B？」Clauida問。

「比你玩一陣啦！」

「真架Yeah！錫晒你啊B！」Clauida就給我一個吻。

我地兩個就上左車，Claudia就做司機，我做乘客。

「B啊？你架車係咪都係一樣咁揸咋？」Claudia怕怕醜醜問我。



「大同小異啦！不過唔使揸咁快，同埋較返好個位置！」

我等Claudia較返好位置，講解返啲掣係邊到，始終每架車既設計都唔會一樣。

「準備好未啊？」Claudia問。

「好！」

「撞爛左唔好打我啊！」

「放心啦！比自己多啲信心！唔好撞到人地就得啦！」

「出發啦！」

我就期待緊Claudia呢個女主人點會駕馭我架掃把佬⋯⋯