由O Camp組爸組媽變左做真正既夫妻: Chapter 68

「到底我地去邊到啊？」我問。

「陣間你咪知囉！今日你要陪本公主成日架。」Claudia同我講。

我就跟住Claudia，入左皇室堡。首先我地去左玩具反斗城。

「B啊快啲揀個公仔啦！」Claudia叫我。

「做咩啊想我送俾你？」



「正經啲啦！要送俾人㗎！人哋係女仔黎！」

於是我就同Claudia一齊揀咗個Hello Kitty公仔，當然俾錢嗰個人係我啦！因為要送俾人嘅關係，所以我就叫售貨員包好佢。

「B啊，你係出邊等我呀！」

「OK！」

我於是就走返返去，見到有個比卡超公仔，就即刻走過去俾錢，但呢一隻我就冇包到。有時都要對大嘅好啲嘅！攞埋嗰兩個禮物就即刻走人。



「你去邊度咁耐啊？」Claudia問。

「冇啊漏咗野咋嘛！」

「你後面收埋啲乜嘢啊？快啲攞出黎！」

「攞俾你都得！不過你要瞌埋眼！」

「好！」Claudia瞌埋眼。



過咗5秒鐘之後我就叫佢打開眼。

「送俾我㗎？」Claudia問。

「B，半個月快樂！」

「多謝你呀B，錫晒你！」Claudia講完就keep左嘅嘴唇。

過咗一陣，Claudia就帶咗我上去一個兒童天地。



見到一班小朋友同家長係到，我估計呢班係Claudia既學生同佢地既家長。

「原來係你既學生生日！」



「係呀快啲行啦！」

果然不出我所料，有10個小朋友行咗出嚟大叫：「Miss Lam你好！我哋好掛住你啊！」

班小朋友講完，搞到我同Claudia笑得好開心，唔知點解見到佢哋好似冇晒煩惱咁樣，然後嗰幾個小朋友喺度問Claudia同我既關係。我就答：「我係Miss Lam既老公囉，即係你哋嘅爸爸同媽媽之間嘅關係。」

點知我一講，啲小朋友不斷喺度嘻嘻哈哈大笑，而Claudia同班家長就喺度食花生，覺得我講嘢好搞笑。

「今日係邊位小朋友生日呀？」我問。

「係黎秀盈小朋友生日呀！」其他小朋友話。

我就見到秀盈，佢打扮到好似公主咁樣。主角生日係唔同D嘅！去到佢面前，就送咗份禮物俾佢！



「多謝哥哥同Miss Lam！」秀盈話。

「唔使客氣，不過秀盈你要記得返屋企先拆喎！」我回應秀盈。

「點解嘅？」秀盈問。

「因為送禮物嗰個人會唔開心囉！所以返屋企先拆啦！」我就話。

秀盈雖然唔明白我意思，不過佢都好乖，經過Claudia同佢家長既講解，將份禮物交返比家長。而家長們都好識Do，覺得我做左一個好好既示範，講真我真係好鐘意小朋友架，如果有幸同Claudia共諧連理，生左個小朋友既話，我一定會好好咁樣對佢地，讓佢地能夠有一個健康既成長環境。

同時，我見到啲秀盈佢地好鐘意跟住我同Claudia，睇黎Claudia係學校裡面好受學生、同事、家長既歡迎，而我呢個哥哥唔應該做律師，去做埋幼師啦哈哈！

而呢個生日會就係一片歡笑聲到完滿落幕。