由O Camp組爸組媽變左做真正既夫妻: Chapter 61

上到去，Claudia就帶左我入佢間房到，不過世伯伯母係到，要做甜野呢係冇可能架啦。你估而家拍AV咩？

「B啊？」Claudia問我。

「做咩啊？」

「假設問題，如果我有左你既BB，你會唔會唔要我架？」

見到Claudia呢個惹人憐愛既眼神，就好似一隻溫馴既小貓貓，搞到我會對佢朝思暮想。講真我真係好想同Claudia組織一個幸福美滿既家庭，有一班可愛既子女，你話幾好呢？唔通我因為想呃蝦條而追佢咩？唔會架嘛！如果我有心想食Claudia既話，一早食左啦。更何況我鐘意唔係鐘意佢艷麗既外表，而係佢善良既內心。雖然係HKU真係有好多國色天香既女仔，但係最緊要搵岩一個適合自己既人，咁樣呢段愛情先會天長地久。係咪啊哈姆太郎？？





「無論發生咩事都好，我都會永遠係你身邊。照顧你同我地既BB！」我摸Claudia個頭對佢講。

「點解啊？」

「因為我真係好愛你，唔可以冇左你！唔係因為責任，係因為我對你既愛終生不渝。」

「傻B！幫啲小朋友改功課先！」Claudia講完就去咗書枱度改佢啲嘢，咁我呢個男朋友就唔出聲，等佢專心啲工作。而我就上YouTube睇下啲日本甩尾片，見到嗰啲人係山一過彎就會收唔切掣跣胎，然後成架車撞左埋牆搞到成架車散晒。有時喺度諗，甩尾依家野真係要好高技術先做到，你估真係可以好似拓海咁勁咩？



不過如果喺香港街頭甩尾嘅話，根本係冇可能嘅事。因為香港人多車多，就算有都係只不過得貨櫃碼頭同大型空地先可以玩到。之前睇新聞就係有兩個KA機師揸住架保時捷911 GT3喺貨櫃碼頭到玩甩尾，結果就係成架車炒上石壆，再反彈落嚟着火，當場監生燒死。所以話如果真係唔識嘅話真係唔好亂咁玩，否則嘅話真係好危險。

呢個時候，Oscar就wtsapp我。

「點啊主席！」我問Oscar。

「一家四口去完街啦？」

「咩一家四口姐？嗰個係Claudia既表弟同表妹啊！」



「Oh！表弟表妹！」

「你架朋友號幾錢呀？」

「唔係好貴姐！10蚊雞！你嗰架掃把佬應該都幾貴！」

「差唔多啦呢個價錢，話晒都係日本水貨。香港當年代理都無返！不過你架車真心好睇，但怕唔怕唔夠力？」

「有時都唔夠力㗎，所以我都好少上山頂嗰啲！下個禮拜不如我哋組爸組媽食餐飯！」

「咁我問咗Claudia先，如果佢得我就得！」

Oscar就收左線，而Claudia就叫我過去張寫字枱度。我就問：「做咩啊B？」

「你睇吓啲小朋友畫啲嘢好得意呀！」Claudia邊講邊攞住佢啲學生嘅畫作俾我睇。見到啲小朋友畫作雖然簡單，但係睇落有一種好治癒、好溫暖嘅感覺。如果我有啲咁可愛嘅小朋友，你話幾好呢？



「係喎真係好得意呀！佢哋有你呢個老師好幸福！」我打趣咁講。

「不過你係律師，我係老師！所以你叻啲！」

「律師有鬼用咩，你呢個老師可愛啲！」

「嘻嘻！」

呢個時候，妹妹wtsapp我。而Claudia就幫我開咗視像通話。

「做咩啊妹妹？」我同Claudia問。

「冇呀睇哥哥你去咗邊呀！妹妹擔心哥哥！」



「Angela你想唔想嚟姐姐屋企啊？我同你哥哥一齊緊！」

「好啊！我要去姐姐屋企！幾多樓幾多座啊？」

「24樓D，你上嚟啦！我同哥哥等你！」

「好啊，一陣間見啦！」