由O Camp組爸組媽變左做真正既夫妻: Chapter 40

「細佬你地去咗邊度咁耐嘅？我哋食完啦食埋你哋嗰份呢！」子瑜問。

「子瑜你咁貪心嘅食埋哥哥嗰份？好啦你哋仲想係邊度玩啊？」我問子瑜子謙。

「我地想去玩具反斗城度睇玩具呀！」子瑜話。

「你哋班貪心鬼啊！不過唔可以買咁貴喎！如果唔係嘅話你哋媽咪會鬧嘎！」Claudia問。

「我哋出去睇玩具啦！」



「好耶！」子瑜子謙話。

我哋四個人就去咗玩具反斗城到睇玩具。我拖着子謙睇高達同Lego，而Claudia就拖住子瑜睇Barbie。見到子謙就好似我細個既時候，見到玩具就好開心。

「Aaron哥哥你細個買唔買玩具同遊戲機架？」子謙問。

「都有嘅不過比較少囉。」

「點解嘅點解嘅？」子謙問。



「我邊有你哋咁幸福啊？以前細個屋企唔俾買玩具架。唯一嘅娛樂就係打籃球，踩單車，游水，練自由搏擊同睇書咋。」

「咁你以前咪好悶囉？」

「都係架！基本上除咗返學放學就好少出去玩架啦！你有冇睇啱玩具？」

子謙就拎左盒自由高達模型同Lego大冒險比我

「你都買到幾多野個喎！哥哥送比你啦！」



「哈哈！我哋返去搵表姐同家姐啦！」

我就拖住子謙返去搵子瑜同Claudia。見到佢地兩個人滿載而歸。

「子瑜你買左咩啊？」我問子瑜。

「我買左Barbie公仔最新系列！」

「係啊你買左Barbie啊咁叻女啊？」

「子瑜子謙頭先你媽咪wtsapp我叫你地返去食飯啊。」Claudia話。

「吓邊個車我地返何文田啊？」子謙子瑜問。

「我車你地返去啦！」



「好耶！Aaron哥哥車我地！」

我地就返去停車場攞車，之後去到何文田。

「子謙子瑜你地住邊座大廈啊？」

「你係帝庭園樓下停低啦！」Claudia話。

「收到！帝庭園有落！」

「你做咩扮紅Van司機啊？」

「嘻嘻！請乘客扣好安全帶！左邊既車門將會打開！」



「笑啊你扮mtr廣播啊！到啦我地！你係前面停低啦！」

我就係帝庭園門口停低左，見到外貌應該係千萬豪宅黎，真係估唔到子瑜同子謙屋企咁富貴。

之後有個打扮高貴既女人企左係到，唔知係咪子謙同子瑜既媽咪？

「多謝Aaron哥哥同表姐今日陪我地玩啊！」子瑜子謙話。

「唔使客氣！最緊要你地開心姐！」

「Aaron哥哥我地下次可唔可以同你玩啊？」子謙子瑜問。

「當然可以啦！不過你地要應承哥哥要比心機讀書同要聽話啊！」

「我地要勾手指尾先！一言為定！」子謙子瑜話。



「好好好！」我就同子謙子瑜勾手指尾，而Claudia不斷係咁偷笑！

「好啦帶你地搵返媽媽先！拜拜Aaron哥哥先！」

「拜拜Aaron哥哥！」

「子瑜，子謙！辛苦你啦今日！」個女人行去我地到。

「媽咪我地返黎啦！」

「細姨你好啊！」Claudia話。

「Auntie你好啊！」



「Hello！你係雅晴既朋友啊？」Claudia姨媽問我。

「係啊Auntie你好！我叫Aaron啊！」

「哈哈！以為雅晴識左新男朋友添！睇黎子瑜同子謙幾鐘意同你玩喎！佢地有冇麻煩到你啊？」Claudia姨媽問我。

「冇啊！佢地好乖啊！我同佢地玩得不知幾開心！」

「係啊！好啦唔打擾你地啦！我帶子謙子瑜佢地返去啦！拜拜雅晴！拜拜Aaron！」

「拜拜！」我同Claudia向佢地道別。

子瑜同子謙就跟左Claudia姨媽上左去。。。我又乘機Kiss左Claudia一啖。

「喂啊！佢地未上去咋！」

「怕咩喎！你已經係我女朋友啦！你唔想比人知咩？」

「唔想你教壞子謙子瑜咋！費事佢地係學校亂咁搞野！同埋我唔想比細姨知住，始終佢會同媽咪講。我驚媽咪唔知點。」

「咪早啲幫佢地上一堂男女關係堂囉！」

「你就想！你唔好教壞佢地啊！如果唔係既話我細姨會罵我架！」

「好啦！不如我地拍下拖仔先再同Miki食飯啦！你想去邊先？」

「我想落旺角行下街食下野！」

「又去旺角？」

「好耐冇去啦！對上一次去係同你仲有班組仔組女一齊去！」

「不過我地上次只係食飯都冇行街，今日我地就可以名正言順咁拍拖啦！」

「真係頂你唔順啊！記得今晚約左Miki食飯啊？」

我：「係喎！不過我地拍下拖先啦！」

我地於是落左旺角Langham到泊車。。。。。之後就出左去彌敦道嗰邊。