由O Camp組爸組媽變左做真正既夫妻: Chapter 39

「子瑜，子謙你哋想玩咩先呀？」我問子瑜子謙。

「我地要玩波波池同sir滑梯先！」子瑜子謙話。

「好啊咁你地兩個去玩啦我哋喺度睇住你地啦！」Claudia話。

跟住佢哋兩個去咗玩波波池，而我同Claudia就坐埋一邊睇住佢地

「唔好意思啊本來我今日真係想同你拍拖行街，不過佢哋兩個突然間嚟咗所以我行唔開要睇住佢哋！」Claudia唔好意思地講。



我邊摸住Claudia個頭同佢講：「做咩同講對唔住喎傻妹！其實我覺得咁樣幾好啊！睇嚟佢哋都幾鍾意同我玩喎！」

「我以為....你唔鍾意小朋友添。」Claudia面紅咁講。

「點會呢？因為我都係一個大細路黎。我同你講過我鍾意你既所有野，包括子謙子瑜。」

我見到Claudia笑得好開心，應該感動到想笑。我諗佢將來會係一個好媽媽黎。而我就係最寵愛佢地既老公。


「多謝你啊！我真係好開心有你呢個男朋友！」



「不過唔知我哋個小朋友會唔會好似子謙子瑜咁得意呢？」

「你就想啦！要我同你生小朋友？冇人陪你生。」

「哈哈！」

「不過我覺得如果你做人爸爸嘅話應該會錫啲仔女！」

「你都唔差啦BB，我覺得你似子瑜同子謙既媽媽多過似表姐。」



「你依家即係話我老啦係咪先？」Claudia扮嬲咁打我

「係賢妻良母。」

「算你識講嘢啦！佢哋出嚟啦！」

「表姐我地想砌玩具啊！」子瑜話。

「Aaron哥哥一齊砌啦！」子謙邊講邊扯我件衫袖。

「好啦我哋四個一齊砌啦！」

我哋於是走去做玩具區到砌玩具



「子謙子瑜你哋想砌乜嘢啊？」Claudia問。

子瑜同子謙冇答到我哋，繼續專心喺度砌。我就叫Claudia唔好出聲由得佢地

子瑜&子謙：「我地砌好啦！」

「你哋砌咗啲乜嘢啊？」我問。

「砌咗我哋四個人呀。」子謙問。

「我砌左表姐同Aaron哥哥你啊！」

「連我都砌左啊？咁好既你地！」

「砌成我哋點樣啊？」Claudia問。



我同Claudia見到之後都係咁不停地笑。覺得既創作力好豐富。

「見你哋咁乖，哥哥請你地食野呀！」

「好耶！Aaron哥哥請我哋食野！」子瑜子謙話。

「嘩你就好啦有哥哥請你食野！行啦我哋！」Claudia話。

於是我就拖住子謙，Claudia就拖住子瑜，而子瑜拖住子謙，四個人一齊行去Ikea到食野。呢一刻我同Claudia好似佢地既父母，享愛星期日既家庭樂。

行下行下，咁岩見到Donald同Stephy。兩個人係到手拖手。拍拖就拍拖啦！

「嘩，一家四口黎行街啊？」Donald話。



「咩啊！」我話。

「兩個大人拖住兩個小朋友，仲唔係家庭樂。你地兩個一早有左小朋友既。」Stephy話。

「呢兩個係我表弟同表妹黎架，如果要生既話就問佢啦！」Claudia指住我。

「係啊！雖然我地而家冇，但好快就有啦！」我話。

「講返做咩你地會行黎MegaBox既？」Claudia問。

「我地兩個拍拖拖囉！」Stephy挨住Donald講。

「Aaron哥哥去食野啦！」子謙拉住我。

「好啦！下次見啦！」我同Donald講。



「拜拜！」

之後我地行去IKEA到坐底食野。我見佢哋兩個都唔係好餓，所以淨係叫咗兩個餐


我就Share我個餐比Claudia食，而子瑜同子謙就Share一個餐。咁我應承過佢地食野。

「Aaron哥哥你點解會帶我地來呢度食嘅？」子瑜問。

「同埋點解你同表姐會食一個餐既？」子謙問。

「因為想俾你地見多啲唔同嘅嘢囉。」我話。

「知唔知呢度除左食嘢仲可以買乜嘢架？」Claudia問子謙子瑜。

「傢私？定係玩具呀？」子瑜話。

「你答得啱啦呢度除咗買傢俬仲可以買玩具返屋企架。」我話。

「我要去廁所！好想去wee！」突然間子謙想去洗手間，於是我就帶子謙去廁所方便一下。同時我去埋一份。

「Aaron哥哥你點識表姐架？」我洗手嗰時，子謙突然間問我。

「我同你表姐一齊讀書架係大學同學黎！」

「咁哥哥你住係邊架？」子謙問。

「我都係住你表姐嗰度架，不過住佢樓下咁解！」

「你地兩個咪好方便日日都見囉！」

「係呀好方便架！我哋成日都見架！平時返學都會見到。下次叫你表姐落黎我屋企玩啦！順便介紹多個姐姐比你識。」

「Aaron哥哥你屋企有咩玩啊？同埋你有冇兄弟姊妹架？」子謙問。

「有PS4同switch囉！不過你要問左你表姐先得！我有個妹妹啊，不過大你地好多。下次帶你地去見佢啦！」

「好啦！我哋到時一齊玩！我哋返去搵表姐啦！」

我就拖住子謙返去搵Claudia同子瑜。