由O Camp組爸組媽變左做真正既夫妻: Chapter 24
點解仲唔通嘅。。。
「好嗎衰人？」呢一把好嬌嗲嘅聲線，係Claudia黎。
「你做咩攞咗我部電話！」
「鬼叫你自己大頭蝦擺咗喺我張床到咩？我好心幫你拎住㗎咋！」
「係呀？唔該你即刻熄咗部電話！仲有啊聽日拎返過嚟俾我啊！」
「你想我俾返你？冇得傾！」
「你夠膽話冇得傾？」
「冇得傾！」
呢個時候突然間有人㩒我屋企嘅門鐘，心諗咁夜係邊個呢。我一開門原來係Claudia，同時佢攞咗我部手提電話！
「那衰人比返部電話你呀，唔好再咁大頭蝦啦！」
「唔該你呀！」
呢個時候妹妹見到我Claudia，就好雀躍咁叫：「Claudia姐姐，快啲過嚟玩啦！我買咗好多嘢玩啊！」
同時爹哋媽咪就問：「阿仔，呢個小姐係？」
「我介紹下，呢個係Claudia。係我嘅大學同學黎！呢個係我爹哋媽咪！」
「世伯、伯母你好呀！我係Aaron既朋友雅晴啊！可以叫我做雅晴或者Claudia都得架！」Claudia好開心咁同我爹哋媽咪打招呼。
「呢個就係我成日講嘢靚女姐姐啦！住喺我哋屋企樓上㗎。哥哥成日約佢去街架！」妹妹對住媽咪講，佢一講完搞到我哋兩個面都紅晒。
「Oh係啊！個衰仔有冇蝦你呀？」媽咪問。
「我鬼得閒蝦佢咩？」
「冇，佢都對我幾好嘅！」Claudia幫我打圓場。
「係呢Claudia你地兩個係咪同一屆㗎？」爹哋問。
「係呀！我哋兩個今年O Camp負責帶埋同一隊，不過佢就讀法律，我就讀教育！」
「咁你由細到大都好鍾意小朋友㗎？」媽咪問。
「係呀，希望可以用呢個身份睇住佢哋成長！唔好俾佢哋學壞！遲啲要去幼稚園做實習啊！」Claudia好開心咁講。
「咁得啦，麻煩你幫我教育一下呢個衰仔，佢成日睇埋晒啲卡通片，好似叮噹咁低B！」媽咪指住我講。
睇卡通片邊係低B，呢啲叫童真喎好冇！
「唔係呀我都好鍾意睇卡通片啊！」
「你又唔同嘅，因為你要成日對住啲小朋友！」爹哋話。
「係嘅係嘅！」Claudia話。
「唔止咁呀，仲要糾正佢啲鹹濕思想！我阿哥好鍾意睇埋晒啲AV啊。Claudia姐姐麻煩你幫我糾正下佢啲污穢思想啊，我哋真係好擔心佢啊！」
妹妹呀妹妹你做咩係Claudia面前講我壞話啊！今次真係俾你害死喇！
「妹妹唔准亂講！」我對住妹妹話。
「原來你咁鹹濕嘅！放心啦伯母我會好好幫你糾正番佢啲污穢同幼稚嘅思想架啦！」Claudia指住我講。
「咁靠晒你啦Claudia。呢個重任就要交俾你啦！」爹哋媽咪異口同聲咁講。
「放心交比我啦！等Miss Lam出馬！」Claudia話。
「唔好啦！真係唔使啦！」
「你夠膽話唔好？一定要整治你！」Claudia邊扯住我耳仔講，妹妹、爹地、媽咪係到食花生。
「好痛呀好痛啊！好啦好啦我聽你話啦唔好再整我耳仔呀！」
「咁就乖啦！」Claudia用老師嘅口吻同我講。
「阿仔終於有人搞掂你啦！我哋就放心啦！」爹哋話。
「Claudia如果Aaron恰你既話呢就同我地講啦！會好好咁對付佢架啦！」媽咪對住Claudia話。
「媽咪啊！係呀你唔係要備課啊！」
「係呀！差啲唔記得咗！不過見到世伯伯母冇所謂啦！比我坐多一陣先啦！」
「姐姐你咁快走啦，又話同我玩！」妹妹扭晒計。
「因為姐姐要備課啊，如果唔係會比小朋友同啲家長鬧嘎！」
「係攞快啲返去啦！」我陰陰咀笑。
「你好想趕我走咩？」Claudia對住我講。
「啊仔你送人地上去啦！」媽咪同我講。
「唔使呀嘛？五層樓咋喎！」我黑人問號。
「叫你送啦送啦咁多嘢講！」爹地、媽咪妹妹一齊講。
「好啦行得！再見啦世伯伯母！得閑再落嚟搵你地！」Claudia同爹哋媽咪道別。
「得閑落嚟食飯啦！我煮番幾味俾你食啊！」
「只要你教返好阿哥就得架啦！」妹妹就同我講。
我於是就送左Claudia上去⋯⋯不過我哋唔搭lift，入咗後樓梯到。大家請放心我哋冇搞嘢，只係純傾偈。
「你爹哋媽咪幾好人啊！」我話。
「梗係啦！佢哋見到你就好似多咗半個仔咁，你開心啦得到我爹哋媽咪嘅歡心！」Claudia話。
聽完Claudia咁講我，我都忍唔住偷笑。原來佢爹哋媽咪都幾鍾意我。
「咁⋯⋯你以前嘅男朋友係點㗎？」
「唔好提佢啦！我同佢喺埋一齊嗰陣我爹哋媽咪唔鍾意佢，搞到我哋兩個拍拖要地下情。不過好彩之前同佢分咗手，我哋三個嘅關係先好返好多！你講得岩，長痛不如短痛！」
「咁為人父母當然會緊張自己嘅仔女啦，更何況你係獨生女，佢哋過分緊張都係理所當然嘅。」
「你咁了解父母嘅心嚟嘅？」
「我爹哋同我講架！佢仲話雖然我哋而家未有仔女唔會明白，但係當我為人父親嗰陣就會知㗎！」
「你咁好人一定會搵到好嘅女朋友既！不過有樣嘢你要老實咁答我！」Claudia突然間個語氣變得好嚴厲，搞到我巧驚驚。
「你到底想點先？」我問Claudia。
「乜你哋啲男人好鍾意睇AV架咩？咁你哋會唔會亂嚟㗎？」
呢個答案真係好難諗。因為睇AV對我哋呢一代人來講係人之常情嘅事。如果我誠實咁答Claudia，佢會當我係一個鹹濕佬；如果我講大話嘅話，佢一定會知道，到時以後都唔睬我。
但我諗緊點答Claudia嗰陣，佢已經越行越埋。
「到底有定冇呀？」Claudia問。
既然佢問到我，死就死啦！
「咁呢啲嘢係人之常情嘅，最緊要唔好亂咁黎咪得囉！」我就答Claudia。
「我再問多你一樣嘢，一定要誠實啦！」Claudia再問我。
「如果我依家除晒D衫俾你睇，你會唔會強姦我㗎？」Claudia問我。佢一問完搞到我支巨龍再次升起。同時成個人亦都好緊張，唔通個傻妹想俾我食佢隻豬？
我冇答佢，只係點左頭。
「咁就要睇下你表現先，如果你乖嘅話我都可以考慮吓嘅！好啦都夜啦！上去啦！」Claudia笑盈盈對住我講。
「我送你上去啦！」
Claudia點左頭，我就陪佢一齊行上樓梯返去。去到門口前，佢就攬住我唔放，而我唔知點解會自動自覺咁樣將佢攬得好實，好似要面對生離死別咁。
「好啦我真係要入去啦！你都早啲休息啦！今晚好開心呀！」
「傻妹我可唔可以以後多啲搵你啊？」
「梗係要多啲搵我啦！人哋掛住你㗎嘛！你唔好唔記得你應承過我要車我返學校架！好啦我入去啦拜拜！」
Claudia講完之後就入咗佢屋企門口，臨入去前仲向我甜笑同單眼，而我都走番落去。
我就用返鎖匙開門，一入到去。妹妹已經係門口遞手叫我過嚟，不停係咁嘻嘻哈哈大笑；我再望房間既走廊，爹哋就手指指咁樣指住我，又係不停咁樣而哈哈大笑；我再望埋坐喺梳化嘅媽咪，佢又係係咁喺到笑。
「做咩啊你地三隻衰嘢鬼上身啊？」我黑人問號。
「阿哥過嚟坐低啦！」妹妹拖住我隻手坐低。
「講咩事？」我問。
「約咗姐姐拍拖啫做乜咁神秘啊？」妹妹問。
「你哋三隻衰嘢跟蹤我？」我問。
「都估到啦你隻衰嘢！」爹哋、媽咪、妹妹三個異口同聲咁講。
「如果我約咗佢拍拖呢我就會同你地三個講嘅，不過唔好意思喎你哋搞錯啦喎！我返房先啦！」
妹妹又捉住我隻手，逼我坐返低。
「到底你地開始咗幾耐啊？」媽咪問。
「有冇車人哋返學啊？」爹哋問。
「邊個Kiss邊個先啊？」妹妹問。
「邊個Kiss邊個有乜所謂啊？你哋有心做我嘅切都切夠啦！」我投晒降咁講。呢個時候我已經想走，可惜又比明察秋毫嘅妹妹捉返埋梳化到。
「坐低啦！」佢哋三個又異口同聲咁講。
「做咩事先？」
「喂呀仔你覺得係咪依家係時候要搵返個正經嘅女仔，有返個好嘅歸宿呢？」媽咪問。
「人哋係幼稚園Miss都算係一個好歸宿嚟㗎！唔係女人要搵一個好歸宿㗎，男人都要㗎啊仔！」爹哋話。
「得得得，多謝各位大人嘅關心！我沖涼先啦！」
呢個時候我已經擺脫左佢哋嘅防守，直接即刻沖涼瞓覺。
不過老老實實我點會瞓得着啊？我而家個腦只係掛住Claudia，如果我真係扑左佢，我會好好咁樣珍惜同佢一齊既日子。
我八卦下開咗ig黎睇。見到Claudia已經將佢同以前男朋友啲相全部delete晒，睇嚟佢真係好決絕捨棄呢段感情。見到佢能夠重新開始，我感覺到好欣慰。
同時佢又po左張新相，係一個男仔側面照，topic淨係寫住一個♥️。咁快佢又搵到新仔？但係再望真啲，個側面咁似我嘅，再放大啲原來真係我黎！
唔通個傻妹真係鍾意我？不過無論點都好，我係佢心目中原來咁重要。Miki講得啱，緣份呢樣野係一早已經注定左。我諗除左Winnie，唯一令我著迷既，係Claudia。
我知呢一次可能係我人生最後一次同女仔表白，所以就算要我用盡我一生嘅運氣，我都要嘗試。
林雅晴，讓我慢慢喜歡你啦！