由O Camp組爸組媽變左做真正既夫妻: Chapter 22
同家姐道別左之後，我就走返去元朗廣場攞返部NSR250電單車。返去大圍到搵嫲嫲佢哋食飯。
而今次我就唔走荃錦公路，就直接去博愛交匯處上返去大欖隧道出返荃灣，再好似今朝咁又係入返城門隧道直落大圍。
話時話，得閒揸吓電單車游車河，睇日落，都係一種好好嘅放鬆方法。只可惜當你有咗老婆仔女之後，你就會因為佢哋嘅擔心而會放棄你最鍾意嘅電單車。
好似我呢啲A1，就好似一隻冇腳嘅雀仔，天空海闊任我飛！如果坐我後面嘅係一個我鍾意嘅人，你話幾好呢！
我是一隻小小小小鳥 想要飛呀飛卻飛也飛不高
我尋尋覓覓尋尋覓覓 一個溫暖的懷抱
這樣的要求算不算太高
返到去大圍嘅屋企，見到嫲嫲佢哋煮好晒飯，都係例牌三餸一湯！雖然只係一啲簡單嘅飯餸，但係有時難得一家人聚埋一齊，開開心心咁樣食飯，其實已經好足夠啦！
「乖孫做咩仲唔埋黎食飯呀？」爺爺問。
「嚟啦！」我就走埋去飯廳嗰度食飯。
「咦阿勇你做咩拎住個頭盔嘅？」姑媽問。
「我頭先揸返架電單車去元朗咋嘛！私家車又擺低咗！」
「揸電單車危險呀！你學晒你爺爺同你爹哋啲衰嘢！」我又比嫲嫲挪瑜。
「阿勇有前途呀，有其爺就必有其孫呀嗎！佢咁鍾意揸電單車都係因為我咋！」爺爺喺度同嫲嫲講。
「同你比，個個男人都咁好㗎啦！」嫲嫲又喺度串番爺爺。
其實我揸車都唔係想因為同人地鬥快，始終呢個世界有樣野叫做一山還有一山高。只係有時代下步，放鬆下自己。
「好啦唔好講啦飯餸都凍啊！」姑丈話。
我哋就開開心心咁樣食飯。食完飯之後就Wtsapp沙皮狗。打算還返架電單車俾佢。而佢同我講就話叫我呢幾日攞返住去用先，遲啲等我架GDB整好先比番佢。
食完飯之後，我就幫姑丈姑媽洗碗。一邊洗碗一邊傾偈。
「阿勇你部電單車唔係賣咗啦咩？做咩又會買返嚟嘅？」姑媽問我。
「冇啊！因為我架私家車攞咗去比沙皮狗到整，佢咪叫我攞返我部電單車揸住先囉！」
「你同你爹哋真係一樣。好鍾意車！」姑丈話。
「願聞其詳？」我問姑媽。
「我記得當年你爹哋啱啱入大學嗰陣，靜雞雞瞞住你爺爺嫲嫲同我買咗架電單車。結果唔夠一個禮拜就比我發現左。不過亦都係因為電單車，先同你媽咪嘅關係可以有進一步嘅發展！」
「點解呀？」
「因為你爹哋以前成日渣架電單車同你媽咪游車河！只不過後來因為有咗你同曉晴先唔再玩電單車！不過有時玩還玩啊！注意安全呀！」
「知道啦姑媽！」
「係喎阿勇啊！你可唔可以幫我問沙皮狗有冇舊款既Benz賣啊？」姑丈同我講。
「我幫你問吓！你想要咩款先！」
「最好就係80年代尾至90年代初嘅E仔，好似你爹哋嗰款！」姑丈話。
「好啊我幫你問吓！你都幾有taste喎！」
「當然啦！身為一個大學教授！要有返啲生活品味嘅！」
我喺度諗有返啲生活品味？其實姑丈身為一個中國文學係嘅教授，佢唔應該買架Benz，佢應該買番架紅旗車！咁先至符合國情啊嘛！
「哈哈哈！」我喺到嘻嘻哈哈咁大笑。
呢個時候，Claudia wtsapp我。
「Sorry啊Aaron！我出咗去同爹哋媽咪食飯，要起碼十一二點先番，你可唔可以等我呀？」
「好啊好啊！當然要等靚女啦！」
「又口花花囉！我知本小姐都有魅力嘅！」
「係呀係呀！你今日食咩餸啊？」
「今日出去食自助餐！下次帶你去食啦！不過你請！咁你食咩餸啊？」
「有你帶住我，食咩都心甘命抵！冇啊去咗爺爺嫲嫲到食飯，食完飯就返屋企！」
「唔好渣快車啊！路上小心！我係屋企等你啦！」
Claudia就Off左。呢個時候爺爺同我講：「乖孫你返去太古怕唔怕夜啊？」
「唔怕啊！我返去好快咋嘛！見呢排醒你醒得少，醒你兩千蚊同嫲嫲去飲茶！」我講完就喺銀包拎左兩千蚊俾爺爺。
「多謝你！你爹地有你呢個孝順仔真係佢嘅福氣！」
「路上小心啊！」
「知道啦！好啦我返去啦！下次飲茶再講啦！」
「你返到去Wtsapp同我講一聲啦！」姑媽同我講。
「收到！」
我就攞返個頭盔同背囊，出咗門口攞返架NSR，返咗去我太古城嘅屋企。如果唔記得拎手信返去嘅話一定會比爹地媽咪同Claudia鬧到飛起。
離開咗屋企，就轉上獅子山隧道出番九龍。就係過收費隧道嗰陣，有架車開着高登閃鳩我又喺到呠。我心諗你係咪趕住去死啊？
再望一望個倒後鏡，屌你老味原來係一架豐田Previa，仲要係掛住強國車牌嘅左軚FV車。直覺話俾我知見到呢啲死人FV牌嘅大陸佬要避之則吉，如果可以離幾遠就要離幾遠。
算，見我今日心情好。就讓你過！點知嗰條友又亂鳩咁cut線過黎我到，我都算！交左隧道費之後，我哋兩個就平排行駛。
突然間嗰架死人FV車既司機開着車窗行埋黎我到，見到係一個係咁話我架車行得好慢，又串我哋香港人手車好垃圾。屌你老味呢度香港嚟㗎！你想死嘅就返大陸啦！
好！你係要玩野！我就同你玩大佢！
我冇出聲，直接對住佢舉中指。然後佢就落車攞支鐵通過嚟襲擊我，趁佢行埋黎嗰陣，我已經開車準備入隧道。
當然呢啲咁嘅大陸人咁輸打贏要，點會咁易罷休啊！佢就好快咁樣追到上嚟，睇嚟佢真係想同我攬炒！
不過話時話Previa嘅馬力都幾大，佢就好似一隻癲狗咁樣追住我，又喺到亂咁cut線。睇嚟嗰個司機已經發咗顛，想將我置之死地。
出到去九龍塘窩打老道，我就選擇落咗橋。點知嗰架大陸Previa仲跟埋我落嚟，睇嚟佢真係一個鄉下佬！點解？你知啦如果選擇落橋嘅話，去到浸會大學同歌和老街對開就會有一個紅綠燈。見到前面已經係黃燈，隔離就有兩架車，我就收油轉過去第二、三線中間到停低。
唔夠10秒鐘，嗰架大陸Previa已經衝到上嚟。呢個Moment交通燈已經黃燈轉為紅燈，同時就有一架衝鋒車沿住歌和老街駛過黎。而嗰架大陸Previa本來就想剎車，可惜為時已晚，就一野撞落架衝鋒車個車尾到，然後再衝前多幾十米撞落天橋底，成架車即時變咗廢鐵。睇怕佢唔死都重傷啦！
而呢個時候衝鋒車就響左警號，本來我同另外兩個司機都想食下花生睇吓嗰條友炒成點，而嗰幾個阿Sir就叫我哋登記完身份資料，錄完口供就走先，唔好喺度食花生等睇戲！
我就直行上返去窩打老道，經公主道、康莊道落紅隧過返港島。再行返維園道，東區走廊落返太古城。
一返到屋企，爹哋媽咪同妹妹喺到睇緊電視。
「啊仔你終於返嚟啦！」爹哋問。
「係呀，老佛爺差啲話唔俾我返嚟，要我陪佢哋過夜！」
「咁你咪順下佢老人家意囉！」媽咪話。
「係呀，媽咪你啲嘢我拎咗返嚟啦！」我邊講就變拎啲老婆餅同臘腸出嚟。好彩啲老婆餅係用真空盒包住，所以先唔怕整爛。
「啊仔你使唔使買咁多啊？我只係要少少咋喎！」媽咪話。
「唔係呀，剩低嗰啲俾我朋友㗎！」
「話時話喎，你做咩攞返個頭盔嘅？」爹地問我。
「我啱啱揸返架NSR返嚟，沙皮狗啊架車要下個星期先有得攞！所以叫我攞返架電單車用住先！」
「你渣還渣！記得小心啲呀！安全最緊要！」
「知道啦爹哋！妹妹呢？」
「個妹妹準備緊DSE啊！你估好似你咩懶鬼！」媽咪話。
「係喎爹哋，頭先姑媽姑丈問我邊度有得賣老爺嘅Benz E仔？你可唔可以同你玩車既朋友聯絡下。」
「使乜啫！比返我個架佢咪得囉！我嘅咪即係你姑媽嘅！比返我個架俾佢啦！」爹哋話。
「但係你嘅亦都即係我嘅！係咪啊老公？」
「係嘅係嘅！」
「老公啊不如俾返部Benz家姐啦，我哋係時候要換過㗎新車啦！」
「睇啱左先比啦！我諗今次要換七人車！到時我同家姐講！」
呢個時候，Claudia就打電話俾我。我估計佢應該係屋企，叫我拎嘢上去俾佢。
「親愛既林雅晴小姐，你終於返到屋企喇！」
「係呀啱啱返到，你可以隨時上嚟㗎啦！記得帶嘢啊！」
「好啊， 陣間見啦！記得開門俾我啊！」
「知啦長氣鬼！」
我一收線，爹哋媽咪同妹妹已經係我隔離偷聽緊我講嘢，仲不停喺到奸笑。
「阿仔有女仔約你出街喎？」媽咪問我。
「朋友姐，我好快就返㗎啦！」
「肯定係靚女姐姐搵你啦！」妹妹話。
「你快啲出去啦，唔好叫人哋等你啊！啲女仔唔鍾意人哋遲到㗎！」爹哋話。
「知道啦！」我講完就着返鞋，拎返袋老婆餅同臘腸想去Claudia屋企。