由O Camp組爸組媽變左做真正既夫妻: Chapter 1

自我介紹一下。。。。。
我叫AARON。中文名叫梁智勇。今年21歲
個樣同髮型好似謝霆鋒，身高180左右。
平時最愛既就係運動，打機(GTA同FIFA)同車(18歲就已考左電單車同私家車)。由細到大我都好鍾意運動，特別係籃球同埋跑步，係中學時期係籃球校隊同田徑校隊嘅代表。

而家係港大讀year 4，major係LAW。都係我大學嘅最後一年
由於我屋企住係沙田大圍既村屋（本身係該區原居民黎），再加上一直都抽唔到Hall住，搞到日日都要揸成個鐘車先返到學。
至於成績都算OK既，不過不失。不過同啲尖子比就差得遠啦，暫時黎計應該都有second-in既

好多人以為我讀神科就一定有好多女圍埋黎，但係我成個大學生涯一直都無拍過拖。



唔係因為我毒，而係因為我以前個女朋友Winnie因為係英國發生交通意外離開左我，所以自此就對愛情冇信心。就算遇到鍾意嘅人都唔敢有表示。

但係可能我平時比較平易近人同幾有義氣，所以係大學都識得幾多朋友同會上好多莊，比起其他人來講我個大學生活都算多姿多彩。而且我辦事能力同效率都幾高，所以平時有啲大學嘅大型活動都會搵我幫手，亦都受好多同學同Professor既愛戴。

由於而家係放緊暑假，所以就唔使返學。不過對我黎講，其實已經係我人生中最後一個暑假啦！

呢一日，我留係屋企好悶，不過又唔想出市區行街。於是都係留返係村口到打下籃球就算。

打完行緊返屋企途中，突然間有人wtsapp我



打開一睇，原來係我同學Oscar（今年係YEAR 4 English Studies同應屆Oriential Community主席，我當年Year 1 O Camp同我一組 ）

「喂勇哥好耐冇見啦喂！得唔得閒出黎旺角到行街飲野啊？」Oscar問。

「我而家係屋企WO！出到黎都要成粒鐘WO！」

「唔怕啦，我等你啦！到時係朗豪坊門口見啦！記住要黎WO，不見不散。」

於是我即刻返去沖涼換衫，攞左我條toyota車匙（白色Corolla 100仔，1993年款）就行去攞車，呢部車係我爹地媽咪結婚嗰年買嘅新車








不過好彩今日唔係公眾假期，條獅子山隧道同窩打老道冇咩車行，加上朗豪坊個停車場都唔係好多車泊係到，所以就用左半個鐘就搞掂(出門口到泊車﹞

去到朗豪坊地下，Oscar就已經到左。

「喂AARON哥，我係到啊。」

「喂大哥，做咩咁得閒約我既？」

「冇啊掛住你啊ma，你咁快係大圍嗰邊黎到出到黎旺角既？搭火車都冇咁快BO?」



「我揸私家車黎架ma。為左你我捱貴D行獅隧先咁快出到黎咋！」

「嘩！有料wo。」

「冇計啦，我嗰到坐火車出旺角仲要行好多路架。所以被迫要揸車攞。不如我地搵達地方坐低飲下野啦，有D肚餓。」

「好啊！我都有D肚餓。不如試下彌敦道新開戈間樓上CAFE啦。最多我請埋你啦！」

「好啊！」

我地兩個行左去嗰間CAFE到。。。。。。。。。

一入到去間CAFE，個格局就好似返去90年代咁個款。。。



就連個老細D衣著都似華DEE。。。。。。

不過好彩D野食都唔算貴，同堆D服務質素都幾好

我就叫左個海鮮燴意粉加凍啡，而Oscar就叫左天使麵加凍檸茶。

食食下途中。。。。。Oscar突然間問我。。。。

「喂Aaron哥，其實我。。。。有件事想搵你幫幫我手。」

「有野你就講啦，唔使怕醜WO！我地咁FD！」

「咁我就開門見山啦，其實呢我地SU就黎緊就會搞個大O（即係學生會O CAMP）。我想搵你做我地其中一組既組爸。唔知你有冇興趣呢？」

「嘩！你咁睇得起我啊！BTW唔係之前已經公開招募左組爸組媽既咩？」



「唉講起就嬲啦，之前有兩個組爸組媽放左飛機。我又唔想比non-local學生做啊MA。同埋我覺得你帶D組仔組女都Carry到，所以咪想搵你做攞。」

「既然你咁睇得我，好！我做。不過係幾時？」

「應該係8月左右。」

「好啦，不過你到時要搵個好D既拍擋比我BO！」

「當然啦！搵個女神級比你好冇？」

「聽住先啦！到底係邊個姐？」

「嗱遲D我會call晒你地開會架啦！到時你咪知係邊個啦。總之比個女神做你拍擋啦！」



其實，我對今年既O Camp都冇乜期望。因為根據過往嘅經驗，O Camp所以你叫我有冇咩得著，我可以答你話冇。不過我見Oscar平時好照顧我，有咩都會搵第一個我先。所以在情在理我都會幫佢手既。

呢個時候，我爹地突然間CALL我

「喂爹地搵我咩事啊？」

「阿仔你而家係邊啊？你而家即刻黎太古城搵我同媽咪啦。」

「我而家係旺角WO。到底咩事啊？」

「你到時咪知攞。總之要快啦！」

「你老豆咁急Call你咩事啊？」Oscar問

「我都唔知。我而家要去搵佢先。有咩今晚係WTSAPP到講啦。」

「好啦，我都要返大學開會先。下次先再坐下你車啦。」

我即刻好似保特咁既速度飛奔去返朗豪坊攞車⋯⋯⋯⋯

之後用左20分鐘既時間，經紅隧過海到左太古城。


Daddy又WTSAPP我⋯⋯⋯⋯

「仔，你到左太古城未啊？」

「到左，你係邊個位置啊？」

「你泊好架車之後就係第35座樓下到等我同媽咪啦。」

我之後就停車場泊好車。。。行去第35座

不過太古城真係好大，要用google map先搵到第35座係邊到。

行到第35座樓下，見到Daddy媽咪已經係樓下等緊我。

我問Daddy咁急call我咩事

Daddy：「仔，我同你媽咪睇岩左兩個打通左個單位。仲已經落埋訂，我帶你上去睇下啦。」

我突然呆左，比唔到反應..........

跟住我地三個同個地產經紀（我老豆個舊同學）就上左去

個lift之後停左係19樓

「到啦阿仔。」爹地話

我地行左去A座門口，之後開門

入左去之後我嚇左一跳‧‧‧‧然後我嘩左一聲

呢到竟然係兩個單位打通（加埋應該都有2000幾呎），比起間舊屋大成兩個double。仲要望晒成個東區走廊同埋東九龍景tim。

「點啊阿仔？你鍾唔鍾意呢到啊？呢到就係我地既新屋啦。」媽咪話

「點解你地會買呢到既？」我黑人問號

「因為我同媽咪之前同時收到通知話調去總部到返工（我父母都係政府高級公務員，薪酬好高）。不過呢兩個單位其實係我地早係SARS（即係2003年）嗰時買架，不過一直都冇話比你知哈哈！只係一直租左俾我個日本朋友！下次有機會介紹俾你識！」爹地話

「唔止咁啊，我地而家仲買埋兩個車位。以後揸車去邊到都方便啦。」媽咪話



「咁大圍嗰間屋係咪唔住啦？」

「比你姑媽住，因為佢同你姑丈下個月會返香港做野。同埋佢地會照顧你爺爺嫲嫲。或者到時做度假屋攞，有咩唔緊要既野就放係到啦！」

「我地只要買返d傢私電器同埋改埋d水電煤單同整返上網就可以住得架啦。」

「預計一個月左右就入得伙。不過到時要你日日都要搬野啦喎！反正你又唔使返學，你又有私家車，搬屋就靠晒你啦！」

「咁好快姐。」

「好啦時候都唔早啦，我地要返大圍啦。驚妹妹冇飯食啊。你車埋我同媽咪返去啦。」

於是我就車埋佢地返左大圍間村屋......

「阿仔你架車好似就黎散咁喎！」突然間媽咪就話

「有散咩？唔覺既！」

「梗係啦你個衰仔日日攞架車飛黎飛去！唔踩到紅區都唔肯轉波，成架4A-FE偈都被你踩爛啦！」爹地話

「我日日都係咁渣架啦 ！你以前車我返學都係咁快架啦！」

爹地即刻無聲出，因為佢同我一樣，有時趕時間或者心情唔好一定渣得好快。但係佢會教我渣車要快既前題最重要定，同埋要小心行人同馬路炸彈。應快則快，應慢則慢。而係同學們既眼中，手車最安全既係我，同時最辣既都係我。

「仔渣車最緊安全啊！你知啦梁家得你呢粒仔！」媽咪話

「放心啦全港九新界既路我行晒架啦 ！返到屋企架啦！」

返到屋企之後，Oscar突然間wtsapp我

「喂到底咩事咁急住走啊今日？」

「冇啊，我老豆今日話叫我去太古城到睇樓。之後就即刻扑槌買左兩個相連單位同兩個車位。仲落埋訂簽埋約啦。」

「嘩！有錢啦你。到時記得帶我上去參觀下你間新屋啦！」

「好！」

「係喎記得兩個星期後返SU開會啊。唔好放飛機啊！」

「你記得比個好d既拍擋比我就得。」

「得啦！唔同你講住啦。我要訓覺先！」

「88！」

其實我都唔係抱太多期望，只要唔係d難相處既人就算.............

況且就算比我遇到一個組媽或者一班組女，我都未必會同佢地建立關係

因為"愛情"呢樣野對我黎講已經唔再重要，而家最想既就係快啲讀完書同出黎做野。除左Winnie，我唔會再鐘意第二個女人。

突然間我諗到媽咪同我講架車好似散咁，明明副4A引擎用左廿幾三十年都冇事。到底係咪真係要換車呢？唔知點解今日架車好似好無力，1600CC行西九龍公路同東區走廊完全比唔到反應。估計係時候要幫架車開追悼會啦！

但大拿拿攞成十幾廿萬買部新車。家陣發左達咩？自問自己依然係學生哥一名，咪揸住屋企人嗰部先囉！就算換車都等我出左黎做野先換啦！

雖然話唔打算換車姐，但係由細到大我都好鐘意揸車。特別係鐘情Ｄ日本本土版既跑車。有時得閒無野做就日本既拍賣網睇下而家既JDM跑車去到咩價錢左右。

上到去Facebook其中一個專賣JDM車既專頁 ，見有架SUBARU既GC8 22B同TYPE R版﹝即係文太嗰部﹞，而且睇落里數低，外型同內裡都Keep得唔錯，一開始我都以為大家都係GC8既兩門版。我再望下去，屌！原來大家個價錢差咁遠！TYPE R版原來只係20萬樓下，但22B估唔到炒到成80萬。可惜我始終覺得買兩門版既車好似有啲唔多實際咁。最終我都係放棄左。

GC8除左頭先我講嗰兩款外，仲有四門版房車同埋旅行版房車。


Subaru 22B


文太既GC8V


如果要講我最鐘意既車款就係掃把佬STI排第一，點解？因為我就係貪佢行全天候四驅，馬力大之餘又好輕身，泊S位又可以用少兩手軚，後面又可以車多三個人，車爹地媽咪妹妹去飲茶一定唔會投訴，真係好處多多。唔係話三菱露筍路好，只係相比掃把佬之下佢個樣太MK，而掃把佬就比較斯文低調，輸出較露筍為穩定。所以如果兩款只能揀一款既話我會揀掃把佬。

雖然而家露筍又面臨停產得返掃把佬仲生產緊，但係我自己又唔鐘意掃把佬而家出既STI，因為而家出既S206，S207又重又唔好揸，電子野又太多，反而我自己好鐘意十幾年前GC8同GDB系列嗰種簡單既機械感，而且無論係維修保養還是二手市場價都可以接受得到。

當我睇到入晒神嗰陣，爹地突然間敲門。做仔嘅點解唔敲門俾佢啦？

「爹地！」

「仔！咁夜仲未瞓嘅？」

「冇啊上下網睇下車咋嘛！」

「啱啦！睇中左邊㗎？你架100仔我諗都係時候要湯㗎啦！」

「唔係呀架車都幾好嚟㗎！」

「你當我同你媽咪系傻嘅咩？架車就嚟散呀，車架又散，避震又霖，個波箱又打得柴。再加上你又就嚟畢業出嚟做嘢，冇架戰車點溝女呀？」

唔通爹地真係決定俾我換車？雖然架100仔就嚟打得柴，但係始終我同佢相處左20年，都始終唔捨得！對我來講呢架車已經唔止係一架車咁簡單，而係好似我屋企人咁重要！

「咁搵沙皮狗整返咪得囉！」（佢係我堂阿叔，喺大圍到有間好大型，專改JDM既車房，平時屋企嗰兩架車都係搵佢整。）

「不如換過架俾你啦！你睇啱左掃把佬啊？」

「睇下姐....」

「掃把佬幾好啊！如果靚嘅二手盤我都可以接受到嘅！新車就.......唔好諗啦！」

「新嗰啲我又唔多鍾意，始終太多電子野！」

突然間爹哋指住我部MacBook電腦，就喺到講：「仔GDB好似好啲喎！你咁後生，呢啲車啱你啊！GC8始終年紀大啲好難保養。」

「GDB分好多種架！有前期中期後期！我自己就比較鍾意前面、中間嗰期。」

GDB，分前期、中期、後期。

前期

中期

後期


「你自己揸主意啦！不過講明先啊你買到車之後一定要溝翻條女返嚟！」

原來爹地又係想我快D識返新女朋友......好奸啊佢。

「得啦得啦你好長氣啊！」

「記得呀聽日攞架車去沙皮狗到整啊！你知啦你而家又放緊假，幫手搬啲嘢去太古城先，然後先去佢度整車！」

「Yes Sir！」

聽完爹地咁講，睇來GDB就好似好少少。好，就GDB啦！

之後我就瞓咗覺.......