[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.33【朋友，我當你一世朋友】

「不過你嘅眼球部分，都仲有血絲出現喎，點搞。」十三其實自己也自身難保，身上的傷痕也是不能統計。

「唔緊要，我未驚過。」話說正常人早就應該變異了，抑或是倒地不起了。

「咁又係，有咩你會驚先得架。」他們三人同時發起毒舌攻擊。

「你地要驚我就差唔多。」我把可能帶病毒的手臂遞向他們。

「妖，死開啦，唔好靠害啊。」也是，萬一真的具傳染性，就唯我是問了。





「算數，行啦我地。我行前，你地殿後，依家後面應該就Clear，前面係危險少少。我行先話唔定班感染者會當我係佢地同類呢，咁你地就可以安心咁樣行啦。冇得反對。」我提出了由自己去冒這個險。

「咁你都決定咗囉，無謂反對你，費時浪費時間。」他們也清楚不可能會成功把我勸到。

「啱啊，你要死先我唔介意。」阿Long回復正常，不再擔心。取而代之的是壞笑不斷。

「好啊，我做你地嘅牧羊少年。」這是詞窮的我能夠說的膚淺字句。

「你地準備好未？」





「準備我地唔使準備，坐定定等你挑機！」阿樂說出了一句我很熟練的口號。

「咁我可能要屈大家機啦。唔好意思啊各位。」我驕傲起來。

「唔好咁串，一陣變咗感染者睇你點收科。」

我地好似當冇事發生過咁傾住偈行街。

「六點。」





十三嘅行動非常迅速，立即向六點鐘方向揮手刀。

「呼—」手刀速度如風一般，傳到耳中。

雖然係好勁，可惜我地講嘅六點，唔係六點鐘有感染者嘅意思。

「你做咩啊，我唔係講六點鐘方向有感染者啊，係講緊真係到六點啊！蠢材。」我們三人耻笑這位笨小孩。

「吓，早響啦。」十三有點想向我批手刀。

「唔係有心玩到你，我純粹想報個時啫，你太過敏感啦。」我這次真的是想純粹地報時。

「行啦，仲笑。」十三臉也紅了。

我地好似經歷咗一個世紀嘅戰爭。成場戰爭，就得我地四人留守到最後，並肩作戰，經歷戰場上的生死。





呢一刻，我地就好似即將回歸自己地方嘅浪人。

【一世朋友，真係一世都可以做好朋友。】

走上天橋，呢度係我地進入抗戰嘅第一步。

已然成為一條血路。

回頭望向天空，冇錯啦。

係代表未知嘅灰色。