[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.32【下一秒便終結】

（M視角）
「終於，終於完啦。呢一切都終於俾我地終結。」我氣喘如牛。

相信係感染者嘅病毒攻擊對我造成咗一定嘅影響。

「阿M，你睇下你隻手臂。」阿Long帶哭腔說。

我嘅手臂。哈哈，已經成為咗一件犧牲品。

感染者啱啱爪落嚟嘅一下，真係好痛。





入心入肺嘅痛楚，不斷向我嘅感官防線進行挑戰。

再望真啲，傷口已經慢慢變黑。

一條又一條嘅黑色線，喺我手上面逐漸擴散。

呢個應該係病毒感染前嘅先兆。

「喂，唔使咁喎，小事啦，最多咪變感染者！係咪先。」我一向看得豁達。





「你睇下佢，十三已經開咗最終形態添啦。身上面唔知有幾多傷口啦。」我不在乎自己的傷勢。

「做咩講我啊。」他的身軀，已化做鳳凰，但聲音依然是最初的十三。

「佢就真係型啦。最後一秒開咗呢個形態。」阿樂也說。

「十三，你係咪⋯殤組織嘅人？」我的氣息越來越弱。

「係啊係啊，你唔好講嘢住啦。抖抖先啦，佢地大家仲等緊你。仲有你女神，都等緊你帶住榮耀凱旋回歸。你要振作啊。」十三看我的情況這樣差，也要我趕緊閉嘴。





「哈哈，我果然冇記錯。00381，林飛，18歲，殤組織中級掌舵人，現於穿越部服役。我應該冇背錯？仲有你，阿樂，15歲，痕組織，第三級印記特務，現於殺手部服役。」我肯定資料無誤。

「你，你係咩人？點解會知得咁清楚？」阿樂十三驚聞。

「喂阿M，你咁樣講出嚟為乜啊，講咗同冇講有咩分別？我唔認為會有影響。」阿Long看不懂我這神來之筆。

「我係咩人，點解知得咁清楚唔重要，總之依家我地係同一陣線。我嘅身份，係唔可以外露嘅，點都好，你地知好過唔知。」我嚇嚇他們。

「算啦算啦。你如果咁樣都冇事嘅話，乜都唔重要啦。」他們都說。

「行啦，我真係冇嘢，依家即刻去慈中搵佢地，交代翻所有嘢俾佢地知。同埋安排好所有資料俾佢地。我呢個情況，呢個身體，唔知頂到幾耐。」我感覺到血液在我的喉中不斷上落，像是要大量地吐血。

「快啲啦咁，我地兩邊各自陣營都要睇翻實，依家情況非常之差，我地唔可以出咩甩漏。」十三用他的智慧來回答。





「你記唔記得一樣嘢。十三。」我貿然地問起這個問題，但也許這是最好的時機。

「咩嘢？」十三好像忘記了。

「你睇下你自己，變咗咩形態？」我嘴角翹起。

「咪鳯凰囉，做咩啊？」他沒有印象嗎？

「啊！嗰陣時本陣！我話見到鳳凰！依家真係實現咗呢個場景。」十三有點驚喜。

「係，好彩你記得。」我對此並不樂觀。

「你嘅係咩？」十三也直腸直肚地問我。

「天機不可洩漏。」我扮作神秘，其實也有點逃避的意欲。





呢個未來，真係唔值得去期待。

「如果係唔好嘅，點解唔嘗試下改變？我覺得呢個預視頂多都係同我地講個形勢先，唔一定十足十未來咁樣架？話唔定你再用力啲，就可以扭轉乾坤，扭轉宿命呢。」阿樂用反命運說的道理跟我分析。

咁又係，話說我自己都唔相信定命說呢件事。

只係老人家啊，神棍啊作出嚟嚇下人啫。

「隨心～」我忘卻了手上的傷疤。

「話時話，點解你冇乜事咁嘅？」阿Long頭上長出了一堆問號。

「你又冇錯喎，我好似真係冇乜事咁，只不過你地提一提我隻手又痛翻咁。」我向他們說出事實。





「收工啦你，仲講笑。」