[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.16【監禁】

「是但啦。都過咗，咁我地都係去睇下先啦。你地擔心嘅話就攞武器啦，我唔會逼你地嘅。」聽完一席話後，我也不便多說了。

「行啦咁。喂，十三得未啊？」阿餅拿了一個扳手。

「行啦行啦。」十三拿了一個自家的丫叉。

我還是赤手空拳。

「你地用咩方法去困住佢地？」我還是無法思考出，聽起來這麼可怕的人可以怎樣被困住。





「就咁用繩同索帶綁住佢地喺樹下面。」到底是怎樣做到的？

「唔怕走甩？」困惑不已。

「話係話恐怖啫，但係都仲係人，唔會話超出咗咩人體工學嘅數據。」看起來很專業，反正我聽不懂。

「希望係咁。」我覺得不太靠譜就是了。

啱啱進入「監禁」佢地嘅區域，就見到四個看似回復「正常」嘅同學俾我地綁喺四棵樹下面。





「就係佢地四個？」我直接詢問。

「就係佢地四個。」他們兩個也是照直回答。

「睇落幾正常？」我絲毫不覺他們曾經發過瘋。

「你睇落正常，頭先發曬老皮發曬癲啊，而家可能訓着咗，或者佢地真係等緊我地過去。」

我完全唔在意佢地係人係鬼，徑直上前觀察。





望向前面，係一個我唔太熟悉嘅樣貌。

佢好似叫咩林紫桓？

完全對佢冇印象咁滯。

「試圖⋯」試圖？甚麼神開頭。

好似仲有嘢想講？

我再耐心等候。

但佢似乎再次昏迷咗。

我再走到第二棵樹之下。





今次嘅人，我終於認得。

係陳子因。唔係太熟，不過都有得講兩句咁掛。

平時喺課室都冇咩存在感，可能會有人唔記得佢嘅存在。

「唔好⋯」詭異的兩個字，從來沒有聽過這兩個字獨自成句的。

「試圖、唔好⋯唔通仲有資料？」我用心酙酌這四個字的意思。

「M你諗緊咩？」阿餅見我的思考模式開啟，並帶同十三一起走到我跟前。

「你地冇留意佢地講嘅嘢咩？試圖、唔好。頭先林紫桓同埋陳子因講嘅。」





「冇聽到，我地見你又諗緊嘢先過嚟睇下。」十三回答。

「聽埋後面兩個，可能會有新嘢。」我不放過任何的情報。

「好啊。」

第三棵樹。

呢棵樹嘅主人，係邊個？

唔識佢。

「命運⋯」是命運？

「試圖、唔好、命運，最後一個我覺得會有關鍵字。」阿餅推論。





「冇錯，咁快啲啦。」最後一組字難道是挑戰嗎？

第四棵樹。

係班上面出名嘅麻煩人。

個名唔想記住。

「改變⋯」句子成立了。

「唔好試圖改變命運。」我們三人同時說出這句句子。

「你地呢刻會面臨災難，知唔知點解？」正當我們打算討論話中含意，突然間麻煩人又說話了。





「係因為，你，同埋你啊！哈哈哈哈哈哈！」這人把手指向我和十三。

「做咩周圍望啊，係你兩個啊。想救番呢個地方嗎？

想救番呢個Home Kong嗎？

解鈴還需繫鈴人啊，呢個都唔會話係mission impossible嘅，至於走向會點，我唔知啦，機會就俾咗你地啦，自己把握好啦～」

如此突然，讓我們不知如何給出反應。正當我們想更深入了解，那麻煩人就再次昏迷，並響起萬雷轟頂的聲響。

「你明唔明佢咩意思？」我問十三。

「點解佢只係講你同十三兩個？咁我算點？」阿餅表示不滿。

「冇人知架，又或者條友俾我地綁到傻咗呢。」十三說得言之有理。

「不過點解佢地唔一早講，要喺我地三個一齊嚟睇嘅時候先講呢？」阿餅回想，這也許是個重點。

「天知地知，就係我地唔知。」我回答。

「可能只係想俾我地一啲所謂嘅情報啫，佢地依家咁嘅情況一定係俾其他人控制咗。

無端端唔會有人遠程控制思想掛？

所以話個控制方法好大機會關電話事。

可能係通話中嘅事件發生，令佢地嘅身心崩潰，進而陷入癲狂狀態。

雖然呢個推論比較科學，但係呢個世界已經唔可以用科學嚟去進行推測。

又或者係通話當中收到干擾，黑客入侵電波訊號，對佢地進行催眠，控制咗佢地嘅精神，同埋自主控制權。

後者雖然唔肯定有冇咁高科技，但機率學話我知點都有可能。」阿餅又開始進行更深入的學術性分析。