[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.15(4)【幫助】

「喂，阿餅。點啊，頭先我叫你做嘅事，有冇咩阻滯？」我依舊焦急，想着要快點完成任務。

「Ermmm，恕我失言。It seems like a piece of，後面隻字我唔太想講出嚟。你明白嘅。」

阿餅的毛病又犯了，只要有不安的情緒，他就會噴出一堆英文。

「點解咁講。出咗咩事。」我臉色慎重。

「基本上，大家都無辦法再同佢地嘅家人正常聯絡。」這真的是很大的問題。





「正常聯絡嘅定義係咩？」我也有些少不懂。

「其中有一半同學呢，就打唔到電話俾佢地屋企人，而當中嘅一半就係打出去就直接話訊號故障又點又點咁，而另外一半就係直飛留言信箱。」

「咁即係一半出現咁嘅情況。咁仲有另一批呢？」

「佢地係打到出去，但係通咗之後，唔係全部人情況一樣。

一啲人就係打到出去，同屋企人通到電話之後，突然出現咗唔屬於任何佢地或者大家認識嘅人，出咗嚟講嘢。





有幾個仲直接聽聽下電話暴走咗，我地都唔知咩事。

之後就聽講話係傾傾下電話裏頭嘅屋企人突然大叫，仲要跑到癲咗咁。我估都兇多吉少。

依家情況越嚟越嚴重，外面嘅感染者已經越嚟越多，數量日益增長嘅同時，我地嘅武器係完全冇同佢地抗衡嘅能力。

一但感染者大舉進攻，我地就係咁先啦。」阿餅完完整整說出現時的情況。

「暴走咗喺咩事？即係崩潰咗？」





「大概可以咁樣理解，佢地嘅狀態，不容樂觀。我地要盡快睇睇情況，我唔敢擔保佢地會點。」阿餅擔心不已，大概也是念在了同窗之情吧。

「我地一齊去睇睇。」正當我打算就此走去了解事態，阿餅與其他在一旁偷聽的同學阻止了我。

「咪啊咪啊，你唔可以咁樣過去，你會死得好慘。」Malvin告訴我。

「咪住先，點解你會喺度。」我心想着，區區普通人，怎麼會把我搞死。

「仲使問？我讓咗位俾佢地啦。嗰班人真係好恐怖架，我勸你都係唔好赤手空拳過去。」他似乎受驚了。

「乜鬼？點都好啦，我唔會攞嘢架，點講都係同學一場，唔可以咁樣對待佢地。」我反對拿武器對付自己的同學，同時亦在思考到底他們是怎麼了。

「算，你自己揀。」聽着我的選擇，Malvin也無可奈何。

「你認真咩，我都真心覺得你需要武器。」阿餅也是持有同樣想法。





「究竟佢地出咗咩問題，暴走成點先需要到武器。」

「哈，你最好唔明啦。頭先明明就係你幫手收拾佢地嘅。」阿餅笑我。

「吓，我頭先收拾佢地？做乜我會唔記得。」我還以為今天是愚人節。

「唔記得？咪講笑啦，你頭先好勇，見到佢地突然發神經之後同佢地糾纏咗唔短時間喎？」阿餅滿頭問號。

唔會係L佢幫我掛，頭先又唔講出嚟？我心中思考着。

「真係唔記得咩？嗰陣時係你最快察覺然後出手救咗喺佢地旁邊嘅同學架。之後，十三同Alex都走出嚟壓制咗兩個喎，你仲一個禁兩個添。」

「係咩？唔記得了。」





「可能你突然唔記得啫，完咗件事之後你就暈咗啦。」這肯定是L的手筆，不用想了。

看到我的精神不佳，他應該幫我撐下去了，也剛好遇到這件突發事件。

不過完了後就倒下去了？他應該也是很累了。