[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.13 【心態決定境界】

開工開工，我已經等唔切想早啲翻去。

俾個驚喜佢地咁啦。

食完呢啖安樂茶飯，我地踏出安樂窩，開始進行任務。

「你估邊度最多研究對象？」

「我點知啊，科學怪人。」





「我都唔知。咁慢慢搵囉，我估就好快會見到第一隻架啦。」我在說着實話。

「必須啦，都過咗咁耐啦，傳染速度高成咁唔方有好事。」的確如此呢。

「真係有啦，你睇，我地行埋一邊先啦。」說時遲那時快，真的有目標了。

「一隻散緊步，一隻冇動作。」

「嗯，我都見到。暫時我見到嘅應該得兩種感染者，呢度有一隻係第一次見嘅。第三種，我要記錄低先。」





「點分辨？點對付？勁唔勁？」

「依家我打算暫時用0～5級嚟劃分，如果之後仲有出現更多種嘅話我會再改改我嘅資料。

三種之中，暫時最弱嘅我就列為0～1級物種。

第一種，應該係生前有嚴重疾病或者年紀老邁嘅感染者。

佢地嘅動作非常之生硬，同埋聽力好低，步速好似一個老人家咁。





我將眼前嘅呢一種年輕版嘅0～1級感染者列為1～2級嘅物種。

估計速度依然低迷，智商低下，聲音觸感偏低。

要睇定啲先，如果唔係就會判斷失誤。呢件並唔係普通事。你想唔想測試一下？不過有少少危險。」

「試下無妨，我狀態可以，走得甩嘅應該。就算唔得都有你啊嘛，係咪先，你唔會陰我掛。」阿樂擺出100%的信心於我身上。

「唔會。咁行啦，我去整啲聲出嚟試下佢地先。」

「啪啪—啪啪」我抄起在家中順手拿走的木棍，一下一下地打向旁邊的石壆。

「......」感染者方向鴉雀無聲。

「咩事？真係聽唔到聲？我明明都扑到好大聲下喎。」我的思維完全趕不上他們那可悲的聽力。





「好似，真係...」阿樂在忍笑。

「Oops，咁佢地唔好彩了。」

「嗯？此話何解？你唔係想打怪啊？」

「當然啦！當然係講笑啦！之前都有研究過呢種，不過既然冇咩威脅，我地可以睇下點樣整多啲相，同埋資訊俾佢地大家。」

「我覺得你可以近距離去睇睇喎，我喺後面影多幾張相同睇下水咁啦。」

「好啦。你記得留意附近，我覺得如終都唔太安全。為防等陣出現高等級嘅感染者就我地兩個攬炒。」

「好啊，你速去速回，費時引到佢地集結起嚟，我地唔好處理。」





我鼓起勇氣，向前攞起相機同埋電話，準備影相。

「嘮咿嘰咕嚕咕嚕--」眼前兩位感染者好像在密謀着甚麼。

「喺度up乜咁開心啊？做咩唔同哥哥一齊吹水？頂，正經啲先得。」

「喂，兩位，望鏡頭，笑( ^ω^ )。Good take！係咁先啦，bye～」還是不改自得其樂的習慣。

「行啦行啦，之後再行下，我唔信呢度淨係得咁弱嘅感染者囉。」我秉持一貫的風格，不斷在危險的邊緣試探。

「咁有信心？我覺得你唔使刻意去搵喎，呢邊都唔似會出現啲新嘢。」阿樂反駁，並不認為還有需要去挑戰死神。

「唔使驚啦，唔一定有嘅。」

「咪啦，驚咗你啊！翻咗去先啦？定係去潛入其他地方？或者你親身去了解一下大家嘅陣地先？呢啲好似緊要啲。」





「算啦，你驚我都無謂勉強你，其實都真係危，我都唔會攞你條命去較飛，直到你搵到希望為止。」

「咁好死，平時又唔見你咁？」


「世界變緊架，我都係用翻合適少少嘅態度去面對現實啫。」

「是鬼但你，依家都好夜下，我覺得再遲少少就會有一波大型聚集。

之前兩日，我都見到十點打後會出現更加多嘅怪，唔建議你翻去再出嚟。

最好日頭行動，為確保安全，要做架啦，忍下手唔好出去啦。」

「你都唔明架啦，有啲嘢有時話唔埋架，話唔定下一日，就已經係世界嘅終結呢？





依家嘅日子，真係要好好感受下，重新俾自己嘅肉身感受曾經活過嘅訊號。

咁你依家知我點解要咁做啦？

以往嘅我就係浪費咗太多時間，虛度咗唔知幾多光陰。

不過，唉，講多都唔想。

但係不得不否認，根據之前幾日嘅觀察，呢個時間後感染者數量會倍增。」

在阿樂的面前，我當然不會跟他說中學前的事。

就連身邊最親的朋友都不清楚，我又怎會胡亂告訴別人呢？

是要討甚麼？討別人來可憐嗎？我不需要。