[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.7【客戶服務員】

仲有new message添，真係笑到我。

依家咁高科技架咩？

一個未知嘅電話，卻又附帶香港+852嘅區號。

「喂，點啊。有冇搵到咩？」

一個奇怪嘅訊息。





「你係邊個？」

「呵呵，你估下？我仲可以係邊個？」

「唔知喎。」

「咪玩啦，我咪頭先個客戶服務員囉。」

「喔！乜原來係咁。冇啊，上到嚟，根本冇異狀。」





真架。真係冇異狀架。

「但係，你好似好唔開心咁？」

傻的嗎？有邊個對於自己突然離世會開心？

咪住先？佢話我唔開心係咩意思？

係佢一直監視住我？





定係佢純粹喺文字中讀出我嘅心思？

「做咩咁講？你gup緊我？」

「冇冇冇，我只係奉命行事，提醒你啲嘢啫。」

「點解我一定要信你？」

「因為只有我幫到你。我好似未自我介紹？

多多指教，我係黃月晴。

你接住落黎嘅好幫手。

另外你仲有一個保鑣，之後你會見到佢。





我依家就唔劇透住先啦，萬事小心啦~嘻嘻。」

孤身一人？會唔會比較好。

「唔好啦。我習慣一人。」

「隨便你點講都好。我就係你嘅好幫手，可以話係助理。

直至你完完全全搞清楚發生咗咩事，同埋幫助你返回陽間。」

「Fine！」我翻曬白眼，真煩。

「唔好覺得我煩啊！我工作需要。」





咩事，點解佢會知道。

呸呸呸，佢工作需要啊嘛，好正常，一定見過唔少我呢種案例啦。


「再提提你，呢個回到陽間嘅時效好睇你嘅意志力，你嘅意志力越強，所換到嘅時間就越長，好好把握時機，穩住自己心態。

最緊要，唔好放棄希望。

知道嗎？

就算失望，不能絕望。

你應該知道呢段歌詞。





機會，係突如其來，但依然要靠你自己嘅一雙手先至可以打造奇蹟。

Never give up！

嗯哼～

呢句，我更加相信你非常之熟悉。」

冇錯⋯的確非常非常熟悉⋯

呢句，就係M嘅至理名言。

「好啦，我要通知你嘅就咁多，記住記住，今次係第一次回到過去嘅案發現場。之後每做一次，就會有唔同嘅條件。」

「得啦，唔該曬。」





「係咁先，我今日收早。有咩事call我啦！」

意志力？

以我嘅意志力唔知可以頂到幾耐呢？

4個鐘？8個鐘？

都係唔好浪費時間，

快手啲去行返一轉好過，

等陣去咗醫院先。

我跟上救護車，

救護員幫我檢測生命跡象。

「吓！佢⋯事主仲有氣息，呼吸微弱，需要啟動呼吸機續命！情況唔樂觀！」

救護員突然講嘢。

「快啲，快啲救佢！我唔可以俾佢離開呢個世界。」

我咁嘅樣，唔得架啦，放棄我啦。

「嘟-嘟-嘟-嘟-嘟-」探測機突然高叫。

「唔得啦！病人情況危急，我地依家要幫佢急救。準備除顫器。」