[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.6【回到現實】【你有一則新訊息】

【車禍現場】
「哇哇哇，真係返到嚟。」

眼前嘅景象令我跌曬眼鏡。

「唔好啊！你⋯你唔可以就咁走咗架！我仲想同你一齊打波踢波吹水！

好想同你去睇多啦D夢！好想同你過暑假！嗚—嗚—唔好啊！」M應該崩潰了吧。

算啦，我都唔怪你，你都盡咗力。





唔好為呢件事難過，我會擔心。

你要好好地生存落去。

過埋我嗰份生活。

「我錯咗，我錯咗，我錯咗。

原諒我，原諒我，原諒我。」





「我係一個剋星，點解，點解啊！

個個都要離開我！

係咪我前世做得太多衰嘢啊！」

個個？咪住先？

點解佢會咁講。





「我要改變，

我要改變，

我要補償。

我救唔到你地，

我唔可以咁樣苟且偷生。

我一定要做番啲嘢。」

你想做咩？「唔好啊！唔好傻啊！」





佢執起咗地上散落嘅玻璃碎片。

「嗯？」佢突然之間停咗手。

係咪發現咗我？

「我塊玻璃呢？冇咗？」

吓！咩事。

M手上嘅玻璃，失蹤咗。

「哈哈，連個天都唔敢收我。

喂！惡魔！喂，閻王，快啲收人啦！」





毛骨悚然。

我只掛住聽佢講嘢。

絲毫冇注意到，佢嘅眼角暴雨連綿。

佢再執起一次玻璃。

又再次消失殆盡。

今次，佢放棄咗玻璃呢個選擇。

轉而，冚頭落去馬路。





「啊！！！！！」佢準備用全力。

我可以做到啲咩。

幫佢？Just do it！

我踏住大腳步向佢跑去。

「唔好咁啦！」我再次大叫，唔理佢聽唔聽到。

我伸一伸手，打算為佢阻擋痛楚。

手一放落去，就發覺自己原來，連地板都冇辦法觸摸。

頂。頂硬上！





我向前一撲。

「喂！你喺度做咩？」一旁嘅救護人員突然注意到呢個方向。

佢見狀，一下拉起咗一心尋死嘅M。

呼～好彩。

「哈哈，都係唔得。係咪你啊，L，你喺附近？係咪你救咗我啊。」

哈哈，並非如此，而係天命不可違。

可能你注定要經歷失敗，但隨之而生嘅，係你要經歷呢次嘅試煉，再次重生，為我搵出真相。

「多謝你，我知你喺左近架，我⋯頭先⋯盡⋯」說話未畢，就已經開始哽咽。

得啦得啦，都話囉，我冇怪你。

以後冇我呢個兄弟陪你，你要好好地生生性性啊！

唔好我一唔喺度，你就冇曬朋友，冇曬社交圈子啊！

記住有咗女朋友之後要同我講聲啊！加油啦你。

【別讓世界改變你的微笑。】
【用你的微笑去改變世界。】

咦，頭先話上嚟搵線索點解會早死咁耐架。

係喎，我咪一早見到啲嘢囉。

算啦，最後一次，行下呢個香港啦。

死咗，都仲可以將靈魂留喺呢個地方。

我真係好鍾意呢度。

望一望附近，消防同埋救護車已經包圍封鎖呢度。

路上行人已經被通知離開。

附近嘅唐樓呢？

好似，都係冇人。

1樓，

2樓，

3樓。

至少冇行跡奇怪嘅人。

「叮—叮—」手機鈴聲響起。

點解會有手機聲？

我唔係已經俾車車死咗咩。

摸一摸褲袋，仲真係有部電話。

睇一睇，仲真係我之前用開嗰部。

鈴聲都係一樣。

「你有一則新訊息。」