[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.21(2)

突然來襲嘅大風，迎面而來，呼～嗚～嗚，風力強勁，呢一下嘅感覺，就好似風，正喺度為啱啱死去嘅嗰位感染者而喊，十足小女孩見到自己手上嘅雪糕跌咗落地，然後喊到收唔到聲咁。

唔知呢位感染者，有冇仔女呢，唔知佢地依家點呢？

冇咗呢個一家之主，佢地一家一定過得好慘，小朋友冇咗父蔭嘅保護，媽媽冇咗正常嘅感情生活。

但都係迫於無奈啦，邊個叫佢地處於呢個咁可怕嘅地方？

又有邊個叫佢地要滿足自己嘅需求，而喺未掌握情報嘅情況下外出？我咁講會太mean？





唔會，因為的確需要鬧。人其實可以壓制自己嘅慾望，又何解要去搞出咁多要求？一切隨緣唔好咩？

逆來順受，喺呢個地方真係好重要。

一來，你要喺冇食物嘅情況下忍耐，就算有嘢食儲備，都唔可以選擇一次用曬。

二來，你會有可能遇上其他嘅人，佢地會有壞嘅一面，你有可能自己中伏，被軟禁又好點都好，你又唔可以作出反抗，只可以選擇卧薪嘗膽，呢種就係「逆來」。「順受」可能係一種好廢嘅方法，但為咗保全性命，他朝親手報仇，咁又可能係更加好嘅事。

一路上，我地遇到最少都4，5隻感染者。





暫時好彩都係LV0-LV1嘅，但係我嘅警戒心都係放心唔落。

總係覺得之後會唔容易，最擔心係感染者會一直進化落去。

「始終有一天，我們會以不同方式離開。」

真係又有少少莫名嘅感觸。

我地一日留喺呢個地方，一日就困住喺新手村之中，過住乏味嘅生活。





或者去到外面會係一個全新嘅世界，或者會係一個截然不同嘅煉獄。

但永遠都需要一隻開荒牛去開拓更深入嘅領域。

係天堂，定係地獄都係未知數。

思考過程中，我地逐漸接近本陣。

又係攞你命三千嘅樓梯，兩級，四級，十級，五十級，二百級。

「等我一陣，我就快要斷氣。」

行到HIHI地，終於到咗。

例牌抱怨一句，「頂你咩！死人M，又要我爬二百幾級樓梯，返到去你仲唔起身比我打兩拳，你唔使指意再起身啦，幫你提早收工！」





阿火：「邊個係M？咁憎佢做咩？」

WN：「唔係啊，講下笑咋，我同佢不知幾好朋友，之前有咩佢都會同我吹下嘅。

佢係我地最勁揪嘅Leader，唔好睇佢人矮矮諗住佢好廢，其實佢係超廢XD」我又忍唔住把口，抽咗佢幾句水，隔離嘅隊友聽到都笑到癲咗。

Alex：「咪講笑啦，雖然佢依家真係唔知咩事暈鬼咗咁耐，但係佢點睇都冇咁廢啩，至少唔係好似你講咁樣囉。」

阿日：「咪係囉，繼續吹，本大爺繼續聽你9up。」

場面瞬間變咗，大家都非常之輕鬆，一班人傻下傻下咁喺度笑到癡筋。

「喂，你班人，快趣啦，入黎再吹過，再唔快啲我一棍打爆你地個頭。」守門嘅同學，阿餅同埋阿宏。





「黎啦黎啦，催乜啫，阿M醒未啊頂你地，仲得閒笑笑笑，笑乜春。」我帶有少少激動咁去回禮。

「咪咁掃興啦，大佬，擺曬架子咁做咩啫。」阿宏話。

哇頂，雙面人咩，咁快變面，嚇親寶寶。

「算啦算啦，知你地大壓力，同埋守住呢到...淆底啦。」我取笑。

「邊度有淆底啊，你就淆底！」

「Fine，當我冇講過。」我壓制自己就快笑到爆肚嘅心情，扮作毫無表情咁答佢。

十三：「你班人都幾搞笑下喎，窒黎窒去咁樣，你地咩關係？」

WN：「慣咗改唔到，平時我地都係咁樣溝通，我地係同學。呢一個地方係由我地自行組織起黎嘅，中間冇其他人幫，最多都係同其他班同學交流下心得同埋少少經驗咁。你地係喺邊度黎架？同埋報一報上名來，比我地內部統整人數。」





阿火率先開口：「我地係從黃大仙黎嘅，因為我地屋企又冇糧食，又冇食水，同埋留喺屋企又冇咩可以做到，但係我地又唔想等死，想喺離開之前為呢個香港盡一分力。」

十三：「我就冇佢有咁遠大理想啦，反正我就係求兩樣嘢，有嘢食同埋可以同我兄弟生存落去，等待一線希望，希望香港成功被治癒。」

WN：「報一報你地全名同埋歲數。」

阿火：「我個名叫林嘉炎，脾氣出名火爆嘅，不過呢排嘅嘢太突然，火爆唔起。我今年中六，18歲。嗜好做IT，搞電腦我最在行。」

十三：「我係林飛，讀中六，17歲。唔好問我我個名點解叫十三，我自己都唔知，可能係因為我長年學號都係13號啦，反正人地幫我改嘅，冇咩特別。嗜好係打交、格鬥，可以擔當搜索隊，呢層我冇問題。有求於你地，我都唔好意思遊手好閒唔做啦。我識do，隨時叫我啦。」


WN：「強力隊友，get！」

阿日：「加油啦，我地呢度唔係善堂啊。每個人都有唔同責任，做完嘢先可以得到回報。」





阿火&十三：「加油，多多指教。」

一陣笑聲下，我地就咁喺度想當年，再對比一下依家？心酸。

幾時會回復正常？