[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.21 現實

「係囉，係咪見到啲嘢啊？」

當然見到，仲見到你地差少少因為我而死添⋯

好彩，最後都係有驚無險，如果唔係我一定會內疚一世，或者原地自殺。

「冇嘢，頭先有少少頭暈眼花咁樣，停咗停啫，冇事。我地頂多陣，等援軍啦。」

正當我想再次起行，突然見到附近出現咗唔熟悉嘅面孔。





唔通佢地就係我地今次行動要搵嘅人？

我正想帶領隊友去接觸佢地，見到佢地手中嘅武器，我遲疑不決。

如果佢地係惡意倖存者，咁樣我地走埋去咪死硬囉？

喺我思考嘅過程中，突然出現幾個感染者，向兩位倖存者嘅方向行走。

我決定都係幫下佢地，費時佢地真係好人，比感染者食咗就唔好。





「呯，呯，呯」三下響聲，附近嘅感染者應聲倒地，我地用咗近戰武器。

棒球棍，棒球棍，仲有棒球棍，非常好用嘅一樣兇器。

「你地係咩人？」我同兩位隊友左手攞住氣槍，右手就攞住棒球棍。

「咪⋯咪⋯咪住先，大佬，我地冇惡意架。

我地係跟住指示過黎呢度，等接應架。佢地張地圖比到呢度就冇咗啦，話咩到時會有人準時接我地去佢地陣地。」





「哇，你地兩個，咁樣就爆曬啲嘢出黎？你唔驚我地係套料嘅人咩！你地咁樣咁冇防備心，真係好容易害死自己，更加可能會害死人。」

「唔⋯好意思啊，我見係你地頭先救咗我同我老死，先至咁樣架咋。不過你地咁講，應該我地兩個就冇信錯人啦，你就係接頭人？我係阿火，佢係十三。」

我之前同你地嘅人講過，唔信你就問下或者check下啦。

我揭開咗記事冊，上面記錄咗今日要救嘅人。

阿火、十三，的確有呢兩個人。

WN：「跟我行啦。」

遠處突然出現兩個人影，仔細睇睇，非常熟悉。

係喎，我唔記得咗頭先叫咗增援添。





佢地快步走向我嘅方向，睇落佢地都幾急咁。

趕黎嘅同學：「喂WN，係咪你叫支援？」

WN：「係啊，頭先我嘅感覺唔係幾好，諗住會有惡意倖存者或者感染者出現。

點知到頭來都係一場鬧劇，只係一個純粹嘅誤會。對唔住，曬咗你地時間同心力。

依家我地就接到人啦，就喺我旁邊，你地自我介紹下先。」

同學：「仲自介？返到去先啦！比你做埋show先走好冇？」

係喎，差少少唔記得，我地仲未喺一個最安全嘅地方。





WN：「Fine，講真我都差啲唔記得我地依然暴露喺一個大環境之中。」

阿火&十三：「Let’s go.」

一路行返去，情況都算接受到。

「Watch out！有嘢。」

「開槍！攞棍！」

Bang！開咗一槍。

眼前嘅感染者，我地當然好想佢地一下爆頭，咁就當然唔得啦。

「唔係啩！你咁都射唔中！係你前面少少咋喎。」





「咁多嘢講，怕咗你啊。」

Bang！再一槍。

今次即中目標，仲要正中紅心。

「Perfect！中曬，仲要爆頭。喂！你地衝上去打爆佢啦。」

「得啦，麻鬼煩，一下就爆啦。」

佢講得冇錯，因為頭先射咗一下就已經打到佢半殘。

呢一下打落去，爽啊，隻感染者好順利咁比我地擊殺。





佢個「人」頭，被打到凹陷，中間裂開，腦漿飛濺。

咁究竟佢地呢種「生物」，係已經死咗？

定係仲有自我意識，仲未死透？

之後真係要好好地研究一下。

見狀，我地上前查看呢位可憐嘅感染者。

睇下佢身上有冇可以證明到佢嘅身份，為佢嘅離去留低一個記錄，比大家知道佢曾經存在喺呢一個荒謬嘅世界中。

人命真係脆弱啊！

我地保持警惕，費時佢突然又彈起。

我地攝手攝腳，行到去佢面前。

果然，不出我所料。眼前嘅感染者只係一具行屍走肉。

早就已經失去咗溫度嘅身軀，伴隨住無神嘅眼睛，令人心寒。

左搵右搵，都係冇任何嘅身份證明。

唉，注定佢要無聲無色咁樣死去，只可以話佢唔好彩啦。

再見啦，世界上會有人記得你架，唔會完全遺忘你。