[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.13(6)

時間20：20

「末日加油站」嘅第一次小型演唱會完結！不過呢一次嘅演出都算比較克制，唔夠盡興，又唔可以大聲講大聲唱，又要時刻注意附近嘅感染者有冇突然出現，好黑人僧啊！

活動期間如果我冇睇錯或者記錯嘅話接近一半人，都攞起咗手機記錄呢個神聖嘅時刻。我第一次係大家面前開口，唱起咗一首首本來默默無聞嘅歌，依家喺呢個亂世之中首首扣人心弦，叫人直呼神曲！可能係我嘅歌喉比到人一絲滄桑嘅心態，唱得出原先嘅感覺啦。

對於呢一次嘅演唱會，大家表現都好雀躍，紛紛放低咗手頭嘅工作，黎睇我嘅演出，真係好希望呢個【災難】結束咗之後，我可以試下將全部嘅演出留個底，等我可以好好地喺音樂之路上，搵到屬於我嘅一席位，唔使再喺人海中漂流，毫無目標，毫無意義咁樣浮浮沉沉。

相信呢一個【災難】之後，樂壇對於我呢一種新人會有好大嘅需求，就算我唔比人賞識，亦都會嘗試靠自己嘅一雙手去打拼！我絕對唔會放棄呢一條藝術之路架，我嘅夢想已經好明確，我要靠自己嘅實力去創作，除咗寫故事之外，都要向歌唱呢一方面進發！絕不棄權。





話說我都係第一次下咁大嘅決定，希望終有一日可以實現。「水滴石穿」相信大家都聽過呢一句說話，同樣理解，可以係話一點點，一點點嘅努力，就可以披荊斬棘，穿過難關，成功向夢想邁進一步。

千祈唔可以睇小一步，因為經過長時間嘅積累，終有機會睇到曙光，到達目的地。

好可惜嘅係，喺出面巡邏緊嘅朋友仔們冇機會聽到呢次嘅live，雖然依家情況唔太好，我相信都會有下一個機會嘅，拭目以待啦。當然呢一次嘅演唱會並不是我一個人嘅舞台，大家都好踴躍參與表演，享受為數不多嘅安穩日子。

但喺大家正開心緊嘅時候，我嘅思緒依然好亂，擔心之後嘅生活，擔心所有人嘅安危。

「點解我會咁關心大家架！」呢個其實係一個優點，證明到我骨子裏係一個非常重情重義嘅人，呢樣我一早就好清楚，雖然我到依家都仲未完全摸清我自己嘅性格。





同時亦都係一個致命嘅弱點，口講係唔想理任何事，但內心又一直掙扎，雖然喺末世啫，但唔代表全香港人都受到感染啩，當中嘅倖存者當然都有好有壞啦，遇到好嘅倖存者都仲可以，但係有攻擊性嘅倖存者就係另一種講法啦，一但佢地捉走我嘅同學，用黎做威脅我地嘅籌碼，但我都冇嘢好講，實在高招，佢開咩條件都好總之救到人就係啦，代價呢樣嘢是但啦，人先至係最重要嘅！