[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 《我係一個平凡至極嘅中三學生，但從個一日開始......》CH.2石澳怪談

旁白君：好好彩，我今日心情好靚，就等你個傻仔happy多一陣啦，一陣咁大把咋，我真係好人(≧▽≦)。（旁白君自戀中）

無驚無險，又到一點，我總算安全咁黎到石澳，望住呢個地方，有種零舍脱俗嘅感覺，係呢度避世真係唔錯嘅選擇，街邊嘅茶餐廳，平時都會坐滿外國遊客，仲有某國旅客，可以講話甚少香港人會坐低食嘢，可能分分鐘嚟都唔會嚟。今日真係奇怪，只有小貓三四隻。

呢個時間，呢個地點，映入眼簾嘅景物係幾咁美妙，加上附近人少少，唔會阻到我盡情去影相。好在，我帶咗我嘅C牌相機（呢樣嘢宅男必備啦），如果唔係我都冇辦法記錄低呢個moment，眼前嘅景色，少說都有三四年冇見過，高大嘅杉樹，依附係樹身嘅藤蔓，完成咗一個絕美嘅映襯。我急不及待攞起相機，對好焦，放大1.5倍，簡直perfect!呢一刻成為咗我呢幾年其中一個最難忘嘅回憶碎片，好似有人特意為我營造咗呢一刻咁，我真係覺得好神奇。

----------------（由於線路繁忙，主角視角暫時中斷）-------------------


旁白君：哎喲，不錯喔。呢個靚仔有返咁上下嘅智商，一直跟住佢可能會搵到我尋找咗多年嘅嘢。唔講住，我人工收唔足，我要搵我老板攞返夠錢先，byebye~嘻嘻。





（如此一來，主角相機已經充滿咗呢度嘅相片，但主角遲遲冇發現到相片中隱藏咗嘅信息。）


----------------（線路已修復，主角視角已經重新連線）--------------------

雖然我表面感覺到呢種違和感，但始終呢一日係我修煉多年出山嘅大好日子，我盡量逼自己唔去諗其他嘅問題，盡情享受今日，盡情享受呢度嘅景色同自己安排好嘅節目。但係就算我如何想去擺脫種感覺都做唔到，因為個氛圍亦都開始逐步扭曲，緊張感係體內不斷爆發，作為一個宅男，我完全冇呢個能力去解決問題，因為平時只會做功課同打機無限loop，冇機會接觸更多嘅嘢，我真係開始後悔同恨自己，恨我點解平時唔多D學嘢，「書到用時方恨少」真係冇講錯，我，Mr.M，正正印證咗呢句嘢。

我只能夠盡量放鬆，FF一下，放鬆一下，oh yeah，舒服曬。我再次鼓起勇氣向前踏出比起頭先冇咁沉重嘅步履。行咗唔知幾耐，個人都有少少暈下暈下咁，係我有呢個感覺嘅情況個下，我見到眼前突然出現咗一個大沙灘，但係同樣，人煙稀少，荒涼至極，真係荒謬，明明就係星期六，就算市區有幾少人都好，沙灘正常都係好熱鬧架喎，搞邊科，我心裏面有千千萬萬個問號走黎走去，我開始亂咁搬出網絡小說嘅情節，進入異空間啊，比真人show整蠱等等。呢D想法看似唔合理，的確係咁，但又如何呢，呢個世界本來就唔合理。





（「我們處於這瘋狂的世界，並不是偶然，而是絕對」我地係呢個唔合理嘅世界裏面力爭上遊，必定會搵到自己嘅強項同用處，天生我材必有用，冇人係生而無用武之地。）眼前嘅海灘只有幾個人，突然一位男士喺我身後拍我膊頭，我嚇咗一跳，我鼓起僅餘嘅勇氣同佢溝通，佢口出一句：「你好，我來自武漢！」我嚇到立即向後仆低，不幸地我撞到後腦，當即昏迷過去。我心裏面忍唔住鬧齊曬佢全家，但係個陣我已經暈低咗，無力X爆佢。

（𖠌待續𖠌)