[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 《我係一個平凡至極嘅中三學生，但從個一日開始......》Ch.1海濱一行（♡完♡）

行到黎呢一個海旁，

呢一度係屬於好多對情侶相見嘅地方，

但同時又係分手嘅地方，

呢個地方嘅味道，真係難以形容，

空氣中同時夾雜甜蜜溫馨嘅感覺，





但另一邊箱又感覺到，

一種不斷彌漫住恐怖片嘅氛圍，

好彩聽住旁邊嘅街頭歌手唱住本土廣東話歌，我先可以抽身，將我嘅專注力轉移一下，

聽到從以前到而家都家傳户曉嘅旋律同歌詞，我嘴角微微上揚，嶄露着一絲嘅微笑，

因為我一直相信，





香港樂壇嘅一團火係永遠唔會熄滅！

音樂響起，係黃宗澤嘅《最後祝福》，

呢首可以話係我嘅飲歌之一，
唔知點解黃宗澤嘅歌係有一種與別不同嘅感覺。我忍唔住哼起咗呢首歌「我這樣討厭，他完美如此，能共你好好地相處。」呢種淡淡嘅憂傷係黃宗澤先可以表現到出黎，完美演繹我呢一種單身貴族嘅痛苦，諗到呢度，我嘅眼眶已經濕咗一半，經過嘅人都向我投以古怪嘅眼光，我只好忍住眼淚，繼續勇敢前行。再向前行一段路，聽到一首優美嘅旋律，原來係台灣某樂團嘅舊歌，果然係街頭歌手，都有番咁上下水準，吉他又係高端嘢，把聲又係一流，很好，有feel。

好彩我行完呢一條海濱長廊，都未有見到任何一個大媽係度擺檔，我真係鬆一口氣，耳根頓時清淨了。行完咗呢一條長廊，呼吸完新鮮空氣，真心relax，望下隻表，原來已經11點，係附近搵咗一間subway，快快趣食咗個靚靚潛艇堡，補充完空蕩蕩嘅胃，我又恢復power啦！趁人少少嘅時間，我立即根據我嘅時間表去搵巴士搭，去到石澳hea一下先！Oops，其實我唔想講架，我係一個完完全全嘅路癡嚟。搵咗接近半個幾鐘，我已經進入咗緊急狀況，urgent!urgent!我都冇辦法，唯有唔情願咁攞起我嘅手機，請教GOOGLE大神，終於比我搵到路，行到就快斷氣，大熱天時，我呢種宅男總係經不起時間嘅考驗，體力已經有少少不支，但我計劃好嘅嘢係唔會改變架，呢個係我嘅最終底線，我係唔會打破自己嘅原則！






順帶一提，今日係星期六，同平時嘅星期六唔同，因為呢一個係冷清到不得了嘅星期六，附近嘅環境陰陰森森咁樣，路上面連砵砵車都唔多一架，平時我好鐘意睇下經過嘅車輛係唔係高檔貨品，不過小弟愚昧，只係識得法拉利、保時捷、寶馬同勞斯萊斯，好彩有一點完全相同嘅就係係我身邊經過嘅寥寥數人，都係快步行過，呢點係繁忙嘅香港人日常嘅動作，不過喺今日卻比我一種好詭異嘅感覺，可能係我嘅錯覺啦，但係我始終感覺到危機正在倒數中，硬係凝住自己好快會遇到一D超乎常理嘅現象，步入網絡小說中主角嘅後塵，去到呢個地步，我不禁手握一把冷汗，只有深呼吸先可以平靜到我依家嘅心情。可能我平時睇得網絡小說太多啦，成個人都顯得有少少疑神疑鬼，希望我嘅感覺只係短暫啦，希望如此……


旁白君：主角此時此刻正係巴士站到等緊巴士，從佢緊張嘅神情，我呢個旁白君都知道佢可能煩緊一D唔知咩新鮮嘢，唔知佢清唔清楚危機正在向佢招手呢，嘻嘻嘻，接住落黎好戲要開始啦，唔講住啦，我係時候買定花生爆谷等睇戲啦，呢場戲一定好精彩，好驚險，未到最後都未必會預計到主角同接下來嘅危機會出到一D咩古靈精怪嘅招數，請觀眾們拭目以待啦，呵呵呵~

(ꨄCh.1完ꨄ)