男神呢個稱號令我食左唔少女(有甜）: 你好

曾經有人同我講過，愛一個人愛到願意可以陪佢一齊死，呢啲人並唔係專一，感性大於理性，視伴偶如一切，而係天真可笑。

我：「老師，如果你死左嘅話，我一定會跟住你死，等到你係天堂可以見到我，唔洗自己一個人。」

女仔：「燕，你係咪覺得，愛嘅盡致就係見到自己心愛嘅人死左，就會有一種「無左佢，咁我生存落去都無意義」嘅思想？」

我：「乜唔係咁樣架咩？我見啲人都係咁樣，同埋證明佢地真係好愛自己嘅男朋友或者女朋友。」

女仔：「無錯，無可否認佢地係好愛一個人，但係佢地好天真同埋可笑，你唔覺得成件事好荒謬架咩？」



我：「我唔覺喎老師，呢種人反而值得我地欣賞，淋漓盡致咁徹徹底底愛人，試問呢個世界又邊到有咁多人做到喎？」

女仔：「我之所以覺得呢種人天真可笑，係因為佢地無諗過死左嘅個嗰人嘅感受，自作聰明。」

我：「點解我唔係好明你講咩，請老師事斯語矣，加以說明。」

女仔：「我理解個啲人嘅心態，但係乜你覺得死左個嗰人係上面見到你為佢而死，佢會開心咩？」

女仔：「佢地唔會，佢地只會覺得內疚，覺得自己害左人，就係呢種人令到佢地死左之後，都有一個遺憾，個遺憾就係令你都死埋。」









我：「多謝你。」我起身行去咀左佢一啖，見佢咁愛我就算啦，同埋重要嘅係，佢之後都唔會再記得我。

Tracy：「好啦，我地唔好再講呢啲野啦。」



梓恩：「咁...不如我地去行下街啦，反正都遲左咁多，今日上唔上堂都無所謂啦。」

我：「好好好，你地行先啦，我去完廁所就會跟返你地架啦。」

Tracy：「你快啲喎，唔好要我地等咁耐呀。」

我：「嗯，不過你地要記住，我最愛嘅人，一直都係你地。」

呢一句說話，如無意外，就會係我對佢地講嘅最後一句說話，如果可以嘅話，我會想同佢地講多幾句，「我愛你地」。

我望住佢地兩個翹住手咁行嘅背影，欣慰嘅係，佢地唔知會發生啲咩事。可恨嘅係，呢個背影我無機會再見得到。

「個天比一樣野我，我就預左佢會拎返一樣野走。」

突然有水滴左落隻手到，原來係我喊緊，原來我仲會流眼淚，原來我仲會因為某個人而流眼淚。



上次流眼淚係幾時呢...我都唔記得啦，不過都唔係好重要姐，我嘅眼淚，都唔係好重要姐，不過呢幾滴眼淚，證明左，我愛佢地。

我慢慢行上去八樓，無諗過八樓咁撚污糟，佢有三間課室，直覺話比我聽係最後一間，於是我就行到個間。

當我一打開對門就見到，個嗰女仔條屍係我下面，正常人應該會嚇親，但係唔知點解我就好似一早見過，所以無咩特別反應。

我：「老師...無諗過連你係到，可以臨走之前見到你一面，都算係我人生最後嘅運氣。」

我好快手就搵到志霖所講嘅皇冠係邊到，佢係一個金白色嘅皇冠，仲好似有一個嘴，就咁睇都幾恐怖。

皇冠：「你好。」屌佢突然出聲，嚇撚到我成個人彈起，如果佢有埋眼耳口鼻，我實會即刻心贓病發作。

我：「Hi。」我又真係夠膽同佢講野。



皇冠：「你係咪黎改變呢個世界？」

我：「係。」