男神呢個稱號令我食左唔少女(有甜）: 蜓兒

我打開兩隻眼，無錯，我又返到黎同梓恩搞野嘅個間房，而梓恩唔知點解仲係到，我唔知佢係唔想走定係走唔到。

我摸一摸個後腦，當我以為會有一堆血嘅時候，結果係咩都無，空歡喜一場，然後我就拍拍屎忽行去梓恩隔離。

我一直係到回想緊頭先到底發生咩事，我就好似發左場夢，夢入面我同一個女仔係到講野，講講下佢仲喊到失唔到聲，可能係見我太靚仔，覺得好幸運。

梓恩：「你要搞就搞啦，我無野講。」佢瞇埋兩隻眼，好似啲準備接受死刑嘅人一樣，已經生無可戀，放棄掙扎。

我伸出隻手摸一摸佢塊面，依舊仲係咁白滑，而我之後做左一樣野，就係鬆開返佢兩隻手，佢好驚訝咁開返眼望住我。



梓恩：「點解嘅...？」

我：「對唔住，係我做錯，原諒我。」我拎起啲校服比佢，雖然比我整爛左，但都遮到就算啦。

梓恩：「衰人！！！！」佢一口氣扔走左啲衫，一拳一拳咁用力打落我到，我雖然痛，但我知，佢比我更加痛。

我伸出兩隻手係後面攬住佢，而佢由原本打我，慢慢變到攬實我，我將佢個頭推落自己心口到，再摸一摸佢個頭。

梓恩：「點解要咁對我喎...你要搞嘅話我咪比你搞囉...點解要咁樣強姦我喎...」佢眼濕濕咁抬頭望住我，呢個樣係超級可憐，一野打動我個心。



我：「對唔住...對唔住...係我唔啱...」我再用力攬實佢，呢個女仔我完全唔想鬆開手，我完全唔想比佢走到，我完全唔想有其他人掂到佢。

乜原來一個就死嘅人，係人生最後嘅關頭，都會出現一啲最美好嘅野架咩？

無錯，我都係決定去死，即使佢點講都好，都無辦法改變到我嘅決定，我要救返佢地個嗰心態係點都唔會變。

Tracy：「你地...係到...搞緊野...？」點解呢句野好似唔知邊到聽過咁，不過最重要嘅係點解Tracy會係到。

我：「點解你會係到架？你唔洗返學咩？」



梓恩：「係我打電話叫佢黎救我架...邊個叫你頭先咁對我喎...」原來佢仲係喊緊。

Tracy：「宜家無事就好啦，難得走左出黎，一於返屋企訓覺先。」佢拎轉身準備走。

我：「唔好走。」

結果佢就行左返黎，坐左係我右邊，唔知點解我覺得佢本身就無諗住走，係到等我叫佢留係到。

不過無諗過嘅係，臨死前都可以見埋Tracy，我諗呢個係上天比我嘅恩賜，最後嘅一份禮份，等我無任何遺憾咁離開。

我訓左係地下，佢地又跟住我訓係地下，望住呢間課室嘅天花板，啲人最鍾意扮到自己若有所思咁樣，我都一樣，我就唔信你地唔係啦。

Tracy：「你諗緊啲咩呀？」佢拖起我隻手再講。

我：「如果我死左嘅話，你地會點？」我好認真咁問呢個問題，同埋好想知佢地嘅答覆。



梓恩突然彈左起身，哄塊面個黎咀落我到。

梓恩：「我唔準你講啲咁嘅野呀！！！你再講嘅話我就黐住你個嘴，等到以後都無得講野！！！」

Tracy：「唔好攞呢啲野黎玩啦，不過如果萬一若然你真係死左嘅話，我...會陪埋你一齊去死...」

當我仲同梓恩咀緊嘅時候，佢講呢句野真係嚇左我一跳，搞到我即刻拎過去望住佢，而佢只係笑住咁望住我。

當你聽到有人話會陪你一齊死，你會覺得開心定係傷心？

我：「唔好傻啦，我唔值得你對我咁好，咁偉大，你應該要好好咁係到繼續生存落去。」

佢企左起身，我同梓恩都一齊望住佢，而佢只係含情脈脈咁對我講左句，



Tracy：「蜓兒愛燕大於海，與燕共死彷塵埃。」