男神呢個稱號令我食左唔少女(有甜）: 蔡煒燕
我：「啊啊啊！！！！！！」返到現實嘅我，無力咁向住個窗到咆哮，身邊嘅同學都係到望住我。
我行埋去阿彥個位到，拎起佢個書包不斷咁喊，實在無法相信佢就咁樣離開左我嘅人生入面，點解個天要咁對我...？
我個腦一直諗起阿彥同我打波嘅畫面，每次射完三分波佢都會拎轉面唔睇入唔入，以為自己真係同Curry一樣。
仲有丘以男...呢一個睇落去好似好恐怖嘅女仔...其實唔係...佢係一個會為左自己深愛嘅人而死嘅女仔黎...佢同其他女仔一樣...都會呷醋...都會想拍一場拖...
接受唔到...我真係接受唔到...我出到去課室一直係到跑，我唔知自己想去邊，只係由一樓跑到上二樓，二樓跑到上三樓咁樣。
直至跑到去三樓，亦即係中四嘅樓層，我停低左腳步，慢慢行到4A班嘅班房入面，心入面不斷諗住「唔好...唔好消失...唔好...」
我行到入去，原來宜家係上緊堂，所有人都望住落我到，個老師以為我黎搵人，我環顧四周都唔見珮思...因為以男死左...所以佢都唔見埋...？
「絕望、沮喪、頹廢、失落、悲哀、孤獨、無力、痛苦、緊張、自責、悔恨、懦弱、恐懼、惆悵、仇恨」
我終於體會到乜野叫做失去一切嘅滋味，所謂人生如夢，夢如人生，我只係想問...點解我個嗰夢...要係一個惡夢...？
我同老師講我行錯課室之後就出返去，一個人企左係條走郎到，想喊又喊唔出，只係dup低個頭咩都唔想諗。
我慢慢行到去半牆個到，由四樓望落地下嘅操場，個腦出現左一句說話「不如我就係跳落去死左佢就算」。
反正呢個世界都無任何野再值得我留戀，即使我仲有梓恩、桐桐同埋Tracy都好，佢地終有一日會離開我，咁不如我先下手為強，等自己離左佢地先。
我個人已經企左係埲牆到，原來跳樓自殺嘅人，係跳落去之前會懷疑自己到底跳完死唔死得去，唔死嘅話實會痛死。
超人可以係天上面到飛、Iron man可以係天上面到飛、飛隼可以係天上面到飛、多啦A夢可以係天上面到飛。
唔知叫阿燕嘅我又可唔可以好似一隻燕子咁係天上面到飛呢，或者只可以飛一次，不過夠哂架啦。
我瞇埋雙眼，攡開雙手，準備向呢個咁醜陋嘅世界講再見，亦都係向阿彥同丘以男講我宜家就黎搵你地。
珮恩：「阿燕...？你係到做緊咩...？」係珮恩把聲黎？！！
我激動到即刻打開隻眼望過去，但係反應大得滯，我個人已經向前傾，成個身都已經趺左落去，我隻手即刻捉住埲牆。
珮恩：「阿燕！！！你點呀！！！你唔好嚇我呀！！！」佢望落黎，個表情仲好驚慌。
我：「珮恩...我仲以為你死左...原來你無死到...真係...太好啦...」我就黎頂唔順要鬆開隻手。
珮恩：「鬼個話比你聽我死左呀！！快啲比隻手我呀！！！」佢伸前隻右手想我捉住，但係我無咁做。
我：「唔啦...我已經...我已經失去左太多野...我生存係到都無意義啦...可以係死之前見到你一面...我都心滿意足架啦...」
珮恩：「唔要呀！！我唔要呀！！！求下你...我求下你捉住我隻手呀！！！」佢已經喊哂咁同我講。
我：「有時候死亡並唔係一個終結，而係一個新開始，如果死亡可以彌補到我嘅罪孽嘅話，我願意咁做。」
珮恩：「我唔比你咁做呀！！！你話過你要同我地三個永遠都係埋一齊！！！你唔可以走數架！！！」
我：「對唔住...希望你地會原諒我...同埋仲有一件事...就係...我會一直...愛住你地三個...」
我放鬆哂兩隻手，身體已經慢慢向下趺落，我望住珮恩個樣笑左一笑，直到呢一刻，我都估唔到身為一個食家嘅我會對三個女仔動心。
珮恩：「蔡煒燕！！！！！！！」
https://www.youtube.com/watch?v=OfnhDUBWVl4
若果你 未覺荒謬
被傳聞談論的瘋子挽著手
很感激 喜歡我十年仍不休
近日舊同學說我已 耿耿於你心六百週
很可惜 這一世未能長廝守
但事實如若告訴你或更內疚
我愛過哈囉吉蒂嗎似乎沒有
好對唔住，我無辦法同你地行埋落去，要怪嘅就只可以怪我太過懦弱，接受唔到好朋友嘅死亡。
狄更斯是漫畫嗎 仍然少女誤會了嗎
迷戀蔽眼才給美化 但其實真懂得我嗎
那動人時光 不用常回看
能提取溫暖以後渡嚴寒 就關起那間房
最動人時光 未必地老天荒
難忘的因你太念念才難忘
容易抱住誰十年 最難是放
同你地四個一齊嘅時刻，係我人生中最幸福嘅時光，雖然我地相處時間唔多，但係就好似煙火一樣，動人得黎又閃爍。
真心講 想起那段情仍不枉
若路上重遇會笑笑問你近況
你每晚更新的臉書卻無謂看
離別了若想心安 先不要每夜重翻舊案
望著更好的地方 為下段愛戀吸收陽光
那動人時光 不用常回看
能提取溫暖以後渡嚴寒 就關起那間房
最動人時光 未必地老天荒
難忘的因你太念念才難忘
容易眼淚流十年 難在擦乾
還在嘆息那愛戀不到氣絕便已安葬
(怕掛念太猖狂)
敎兩人心裡有道不解的咒沒法釋放
再見啦珮恩、桐桐、Tracy、梓恩，希望你地會搵到一個...比我更加好嘅男仔陪住你地。
個個也探問愛戀不老的秘方
(個個也探問愛戀不老的秘方)
唯獨壯烈離座 可百世流芳
(難道抱著殘像 可百世流芳)
你未忘 我未忘 猶勝伴在旁
(你未忘 我未忘 情信亦泛黃)
不心安 清早與夜來亦望望
收不到信號過兩秒又再看看
你說過常聯繫對方
從前號碼 等於老地方 不敢拆掉再裝
(那動人時光 不用常回看)
(能提取溫暖以後渡嚴寒 就關起那間房)
猶如絕症 天天有預感 幸福即將再降
(最動人時光 未必地老天荒)
(最纏綿那黑影 即使每夜遊蕩 其實一早已給安葬)
情人若你也未忘
約定誰過十年暗渡陳倉 再續夜航
別瘋狂 下個一月
願如期團聚於 冰島某地方
(讓前塵沉澱於 福島某地方)
當我再次回望自己嘅人生，由傻仔變成一個男神，再由男神而變成一個食家，雖然一切都係比人安排好，但都無辦法改變我做過嘅一切，傷害過無數咁多個女仔，破左幾多個處，屌過幾多個閪。
我一直都話，個天比左一樣野我，我就預左佢會拎返一樣野走，我嘅好朋友、我嘅愛人、我嘅中學生涯，都一一比佢拎走哂。
可能你會問我，洗唔洗死咁嚴重呀？你宜家愈玩愈大，玩到都唔知你做緊乜。我只係接受唔到失去一切美好事物嘅感覺，我呢個人本身就應該要死，宜家仲害死埋阿彥、丘以男、甚至我係嘅老師...全部都係因為我而死。
我：「忘記我...」呢一句，就係我臨之前對珮恩講嘅野，然後，我就因為高處墜下，同埋個頭落地先而死亡。
XX：「我已經講哂所有野比你聽，黑眼女仔、死亡事件、黑眼女仔老豆、你嘅出生、規則訂立者等等，你仲有無野唔明？」
：「無啦，咁我宜家係咪可以進行啦？」
XX：「我再重申多次，你可以將時間變返今年九月嘅時候，仲可以修改以前嘅野同埋之後發生嘅野，但係代價就係，用你自己條命做交換。」
：「嗯，我決定左架啦，快啲進行啦。」
志霖：「你真係要咁做？用生命黎成全呢個世界？」
：「係呀，最重要嘅，係我想阿燕仲可以生存落去。」
志霖：「唉...阿燕呢個on9仔又係，居然會揀左死。」
：「唔好怪佢啦，佢都係太過傷心姐，唔講啦，要開始啦。」
XX：「好，咁你可以講你想點樣進行修改啦。」
：「首先就將宜家直接跳去十二月，蔡煒燕、丘以男、趙浩彥三個人都無死到，死亡事件同埋丘以男老豆都唔存在係呢個世界，丘以男以中六插班生嘅形式入黎呢間學校，蔡煒燕失去對我或者呢幾日嘅任何記憶，差唔多啦...呀仲有，蔡煒燕仲以為自己係一個食家。」
XX：「你肯定無任何錯漏？修改左就無得再改，除左有第二個人進行修改。」
：「嗯，咁樣就可以啦。」
XX：「明白哂，修改正在進行中，你連命就作為交換一次修改。」
：「再見啦阿燕，我愛你。」