男神呢個稱號令我食左唔少女(有甜）: 志霖
我個人跪左係地下，因為我宜家仲未搞清楚到底發生緊啲咩事，而Emily好快就過左黎，我隻眼流住眼淚咁望住佢。
Emily：「你無事呀嘛？係咪呢條屍體嚇親你呀？唔洗驚唔洗驚，有我係到。」佢衝過黎攬住我。
我只係一直用力攪住佢，至於啱啱發生嘅所有野，我都無透露一個字比佢聽，因為我驚佢一聽完會有陰影。
我拎轉左張紙，發現原來仲有字係上面，「其實...珮恩...就係我嘅...第二個身體...👿」
我隻眼擘到最大，我無辦法相信佢講嘅野，無可能嘅...珮思嘅身體...邊到會係...屬於個嗰黑眼女仔..？
我唔相信...我唔相信...佢呃我架姐...邊到有可能喎...根本就只係一場惡作劇...佢驚我會消滅佢先呃我佢就係珮恩黎......
Emily：「你睇緊啲咩呀？比我又睇下。」佢好似想搶左我手上張紙黎睇，於是我即刻撕爛左張紙。
我：「大家都無得睇啦宜家，同埋只係垃圾黎架姐，我地快啲走啦。」然後我就捉住佢行返出去。
至於個一本筆記薄，我無拎走，要知嘅野我都知道哂，我諗除左個嗰M之外應該唔會有人知道本筆記薄嘅存在。
但係我個腦仲有好多問題，個嗰M到底係邊個黎...？規則訂立者又到底係邊個...？佢地宜家又係邊到...？定還是規則訂立者已經死左...？
臨走前我再望一望個嗰女仔條屍體，我真係好掛住佢...如果唔係我....佢就唔會死...我好自責.......
不過我相信最大嘅源頭來係黎自黑眼女仔，雖然我同情佢嘅遭遇，但係佢為左報仇而造成集體死亡事件，呢一點唔可以原諒。
所以...係我考DSE之前，我一定會將呢個黑眼女仔殺死...為左保護所有人，唔可以再比佢出黎對大家造成威脅。
只但係...我一啲頭緒都無...我對佢嘅野除左背景同能力之外根本就一無所知...要點樣殺死佢、要點樣搵到佢、要點樣搞掂佢，我都唔知。
不過佢係點樣知道呢本筆記薄嘅存在...但係又唔撕爛埋死亡事件嘅背景，佢到底想點...？
我帶著不同嘅疑問咁同Emily慢慢行到落去地下，我地落到去嘅時候集隊啱啱好完左，啲同學行緊上返班房。
睇黎我又要扮自己肚痛去廁所黎做藉口無去到集隊，唔係又實比人屌柒我。
我同Emily各自行上返課室，當我行到上自己個層嘅時候，有個男仔企左係我前面，而佢就係志霖。
志霖：「唷，做咩啱啱集隊嘅時候唔見你嘅，係咪去左同個嗰圓框妹扑野呀？」佢仲一如既往都係咁乞我憎。
我：「關唔關你事先？我唔想去咪唔去囉，同埋我宜家要入課室，咪撚阻鳩住我。」
志霖：「我有野要同你講呀，呢到唔方便，我地去男廁再講。」佢已經捉住我咁拉我行去男廁，但係我唔夠佢大力，只可以死死氣跟住佢。
我：「有咩要講就快撚啲講，唔好係到蹝時間，我再唔返去就比人屌。」我一面唔耐煩咁講。
志霖：「你頭先係咪上左去八樓最後一間課室？」佢好認真咁望撚住我，直頭好似想食撚左我咁款。
我：「都唔知你講乜，八樓都唔比上去，我點樣上去呀先生？我答左你啦，我走啦。」我孭返書包準備行出去。
志霖：「你仲記唔記得我講過一句野，睇得出你有潛質成為一個食家嘅人，其實係我。」
我聽到之後停低左係門口，拎返轉頭望住佢，我諗起本薄寫嘅野，「呢一班就係經過我地嘅挑選之下，覺得佢地有潛質成為男女神嘅人，可以講係解決到問題嘅人」唔通...佢就係個嗰規則訂立者...？
志霖：「你放心，我唔係你諗咁樣，個條友一早就死撚左，而我只係繼承佢工作嘅人，亦即係你係上面見到嘅....M，M For Mysterious。」
我：「你話規則訂立者已經死左...？同埋M就係你...？你有啲咩證據先...？」
志霖：「死亡事件係真，黑眼女仔仲係呢間學校，咁樣講宜家你仲信唔信我係M？」仆街...又真係比佢Up得出喎。
我：「咁...你叫我睇哂筆記簿入面嘅野...又有啲咩目的...？同埋點解個嗰女仔條屍會係上面...？」
志霖：「咪正如規則訂立者所講，要你地去殺死黑眼女仔呀嘛，而條屍係我比你嘅一個驚喜，係咪見到都覺得好興奮呢？」
我：「佢係因為我而死，我一啲都唔興奮之如，仲好撚自責呀仆街。」
志霖：「點撚樣都好啦，係佢自己忍唔住去愛人，根本就唔關其他人事，總之宜家你要接任佢嘅工作，去殺死黑眼女仔。」
我：「咁我要點做喎？殺死佢嘅方法個一頁已經比佢撕爛左，我根本就唔知可以點做。」
志霖：「老實講我都唔係好知，不過我有啲野係可以同你講，就係點解你地會要有所謂嘅繼承人。」
志霖：「首先，黑眼女仔因為死亡事件其實已經令到佢嘅能力減弱左好多好多，簡單啲講就好似由10成到得返4成，所以佢先無辦法可以再造成多一次嘅死亡事件。」
志霖：「而另外經過規則訂立者嘅調查，人與人之間相愛就會令到佢嘅能力慢慢提升返，而受傷就會令到佢嘅能力降弱。」
我：「其實你知唔知自己講緊啲咩？可能你知，但係我一句都聽唔明。」
志霖：「我打個比喻啦，佢因為比人輪姦過，而好憎男仔，所以當佢見到男仔同女仔拍拖，佢嘅仇恨值就會增加，你可以當仇恨值就係供應佢能力嘅一樣野。」
志霖：「相反，當佢見到男仔因為失戀而受傷，佢就會覺得好撚抵死，提升嘅反而係滿足感，於是能力就唔會上升。」
我：「咁都係要男仔受傷姐，我宜家係令到女仔受傷喎。」
志霖：「我都話我係打個比喻囉，其實係所有人相愛都會令到佢仇恨值增加，所有人受傷都會令佢滿足感增加。」
我：「我想講你反而愈講愈抽象，咁總之我宜家要做嘅野係啲咩呀？」
志霖：「我相信圓框妹就係你嘅繼承人，係咪？你首先要教識佢點樣令到人受傷，咁黑眼女仔嘅能力就唔會提升，而點樣可以殺死眼女仔...我都唔知...」
我：「最重要嘅野你又唔知，而且又比佢撕爛左，咁姐係話我地見到佢都唔知點樣消滅佢，我地暫時惟一做到嘅，就係抑制佢嘅成長。」
志霖：「嗯無錯，因為...規則訂立者就係比佢殺死...就係我眼前...」到底呢個黑眼女仔又幾恐怖...
我：「唉...咁我地真係無哂辦法...只可以一直搵繼承人...同埋佢頭先係八樓到出現左...」
志霖：「真係？！！咁佢有無對你講啲咩？！又或者傷害你？！！又或者控制你？！！」
我：「你唔好咁激動先，佢只係帶我返左過去，比我睇佢比人輪姦嘅畫面，話比我聽點解佢要咁做...同埋...」
志霖：「同埋啲咩？乜野都係好重要，你快啲同我講！！」
我：「Er...佢隻眼真係好恐怕...黑得黎好似一個黑洞一樣...」我都係唔夠膽同佢講佢話珮恩係佢第二個身體...
志霖：「我就未親眼見過啦，不過話時話，佢有無同你講佢叫咩名？因為規則訂立者都係叫佢做黑眼女仔，又或者佢知都唔同我講。」
我：「無呀，我頭先仲諗住問你添，個陣我驚到只係叫佢唔好傷害我。」
女仔：「你地想知我嘅咩名？直接問我咪得囉，洗乜咁麻煩姐。」
呢一把聲...點解....點解同黑眼女仔把聲咁似...我同志霖嘅反應一模一樣...同一時間望住對方，再慢慢...慢慢拎過去把聲到...
我地見唔到任何人係個到...但係...我地係塊鏡到...見到個嗰...黑眼女仔...