男神呢個稱號令我食左唔少女(有甜）: 真相
係揭曉秘密之前，個嗰所謂嘅規則訂立者再三警告我，如果未準備好嘅話真係唔好嘗試打開。
「呢一個秘密，就係我經過左好多年終於得出嘅答案，亦都係死亡事件嘅真相，點解個嗰女仔可以令到所有男仔集體自殺，個一班男仔又點解會接觸到個
嗰女仔，同埋點樣先可以阻止再有同樣嘅事情發生等等。老實講我自己每一次都係冒住生命嘅危險去搵有關嘅線索，再慢慢將佢地組合、推理、拼湊而
得出最有可能接近真相嘅答案。至於點解會係一個秘密，係因為個嗰女仔一直都仲係學校，雖然呢間中學都已經建立左幾十年，但係我相信佢無走過，
而我地係唔可以比同學知道佢嘅存在，否則就會發生第二次死亡事件，慶幸嘅係經過一次嘅死亡事件之後，佢嘅能力慢慢減弱，正如我所講我一見到
佢嘅時候佢好快就會消失，證明佢只可以係現實出現最多三十秒，又或者更少時間，所以同學先唔會咁易見到佢。」
姐係話佢雖然無辦法成日出現，但係佢一直都仲係學校到...唔知係邊一個地方...唔知係邊一個角落...唔知係邊一個廁所到同我地玩緊捉衣因...不過如果見到佢嘅話，我地就可能會死...
「另外，我地之所有會去搵有潛質嘅人，又或者簡單啲講你就係比選中嘅人，係因為我地想完全消滅佢，為左所有男仔嘅著想，為左呢間中學嘅著想，甚
至...係為左呢個世界著想...我地一定要殺死佢，佢對我地黎講係一個威脅，係一個隱憂。所以我希望你明白我地想你做嘅野，雖然係辛苦左你地，但係我
地都係迫不得已，求你諒解我地。」
原來係咁樣，我終於明白點解我地要搵定繼承人，就係如果我地任何一個消滅唔到佢，又無下一個人去接手嘅話，個嗰女仔就一直無人去阻止佢，又或者嘗試去接觸佢。
我已經知道自己嘅使命，雖然我中學頭五年都無做過野，但係我知道宜家輪到我去繼承上一手，亦都係曾經我最愛嘅人。
「黎到最後嘅關頭，希望你係決定消滅佢先再知道去睇呢個真相。跟據我嘅調查...係算啦，要講我點樣調查應該都有排講，不如我就直接講點解咁多男仔
會因為佢而死。個嗰女仔識得一種掌握人地思想同埋控制人活動嘅能力，佢會慢慢一個一個咁搵佢嘅獵物，扮到自己係一個正常嘅女仔，係青春期因為
想拍拖而打扮到自己好靚，然後去接觸一個又一個嘅男仔，去同佢地傾計出街睇戲，只需要一日就可以完全咁將佢地控制，除非個嗰女仔運用能力，唔
係嘅話啲男仔根本唔會發現自己嘅自主意識已經比人搶走左。直到死亡事件個一日，佢終於一次過控制所有男仔由天台跳落去，佢嘅目的係啲咩，我起
碼用左超過五年時間先得出，就係...」
當我諗住揭去第二頁嘅時候，發現將紙係一片空白，仆街唔係咁大整蠱呀嘛？最重要嘅野你唔寫落去？屌唔係喎...係有人將個一頁撕爛左...又係邊一個咁做...？
後面亦都已經無哂任何文字，咁點算...？我宜家要做啲咩...？屌我根本就唔知我最應該要知嘅野，點樣先可以消滅個嗰女仔，點樣先可以打破宿命，點樣先可以知佢幾時出現。
我：「屌！！邊個咁撚仆街撕爛左張紙呀！！」我嬲到用腳一樣踢落啲Locker，不過我想講好撚痛。
女仔：「咪我囉，唔通我會比你知我嘅計劃同埋點樣消滅我咩，傻豬豬黎嘅。」
我聽到之後諗住拎轉面屌柒佢，但係我諗起明明呢到除左我之外，一個人都無，咁把聲又係出自邊個...？
我唔夠膽拎去後面，我宜家第一時間好想即刻跑走，但係我隻腳驚到郁都郁唔到，一直係到震，我個頭亦都開始不斷飆冷汗。
女仔：「我係到呀，你望上黎睇下我。」唔好望...唔好望上去...唔好望上去呀！！！
我個頭不由自主地抬起，好似有隻手推我望上去一樣，結果有一個女仔坐左係Locker頂，而佢兩隻眼都係黑色嘅。
無任何腳步聲...就突然憑係出現係我面前....姐係話...佢就係...令到出現「死亡事件」嘅女仔...
我：「哇！！！！！」我嚇到大叫左出黎，老實講我差少少就瀨左尿。
女仔：「你同下面個嗰女仔見到我嘅時候，真係差好遠呢，佢比你冷靜得多。」
我：「你唔好搞我呀...唔好呀...對唔住呀...係我錯...係我錯...原諒我...唔好搞我...」我瞇埋眼唔夠膽望住佢，我覺得自己宜家離死亡好似好近，隻眼就黎忍唔住喊。
Emily：「你點樣呀！！我宜家行緊過黎！！唔洗驚呀！！！」
女仔：「嘖，估唔到我同你浪漫嘅時光咁快就要完，真係好唔捨得添。」我隻眼比人用力打開左，一打開就直視佢兩隻黑色嘅眼。
我眼前嘅畫面突然變左，唔再係八樓嘅個間課室到，相反嘅就變左係一間男廁到，入面有五個男仔同一個女仔，而我就慢慢咁行近佢地睇下佢地搞咩。
睇左一陣我先知道，個五個男仔係到輪奸緊個嗰女仔，我第一時間諗住阻止佢地，但係我隻手穿過左佢地嘅身體，姐係我咩都做唔到，只可以一直睇住個女仔比人輪奸。
最後啲男仔恐嚇完個嗰女仔之後就走左，而佢一直訓係地下到喊，睇到我個心都好痛。
佢慢慢咁企返起身，佢個表情好似扭曲左一樣，隻眼突然變成黑色，講左一句說話就行返出去。「所有男仔不得好死」
眼前又變返做八樓間課室，個嗰女仔已經唔係到，我係地下到見到張紙，寫住「你宜家知我點解要咁做啦，我等你黎殺死我」
姐係話...呢一個....就係佢嘅目的...？佢之所以想殺死所有男仔嘅原因...？