男神呢個稱號令我食左唔少女(有甜）: 秘密基地

返到學校之後，一入到班房梓恩就即刻拉住我隻手行返埋位。

我：「做咩咁急拉住我？想搵我扑野？我話左唔得架。」

梓恩：「唔係呀，我已經諗好一陣去邊到啦。」

等我仲以為佢會講「係呀，我已經諗好一陣去邊到扑野」添，空歡喜一場。

我：「哦原來係咁，快啲講黎聽下。」



梓恩：「不如我帶你參觀下我嘅秘密基地好唔好？」

我：「秘密基地？聽落去好似啲小朋友先會玩嘅野黎架喎。」

梓恩：「我佈置得好靚架，除左我之外無人入過去，我想你做第一個。」

我：「哇，咁我咪好榮幸有機會可以破你個基地處囉。」

梓恩：「正經啲啦，點呀？如果你唔想走嘅話就算啦，或者我再諗第二個地方。」



我：「唔好唔好，我都好奇你嘅秘密基地又會係點嘅樣，放學即刻去啦。」

梓恩：「嗯！！咁可唔可以同我咀返啖先？」

我：「你鍾意點就點啦。」然後佢就貼近我塊面咀左我一啖，其實我已經Feel到佢係鍾意我，不過我同佢係無可能。

漫長嘅放學亦都終於來臨，我同梓恩好快執好書包就準備出發去佢嘅秘密基地，佢本身係諗住慢慢行，但如果比珮恩見到我又同其他女仔一齊行嘅話，實比佢砍斷我兩隻腳。

於是一行到學校門口我就捉住佢隻手跑，直至跑到去巴士站先放開佢，我一拎轉個頭就見到佢塊面紅哂，唔知佢係怕羞定跑步跑到熱得滯。



梓恩：「阿燕呀，其實我一直都好奇...你嘅中學生活係點樣？」

我：「唔？點解咁問？我嘅中學生活咪同大家差唔多，無乜特別呀。」

梓恩：「我想知嘅係，由你一變做男神個刻，你係有啲咩感覺？」

我：「呢層呀...一開始都幾爽嘅，日日都有女仔搵我傾計，有啲仲請我食野，當你受到咁多人喜愛嘅時候，自自然然就會覺得一切都好夢幻，好似做左明星一樣。」

梓恩：「咁...係咁多女仔入面，你有無試過鍾意左佢地其中一個？」

我：「都可以話有嘅，只不過無一個可以行得遠啲，通常一兩個禮拜就會散。」

佢本身想再問落去，但啱啱好到站要落車，所以就無問到，但係我都幾肯定佢想問嘅野係啲咩。

梓恩：「行多一陣就到架啦，我地快啲行啦。」跟住佢就一馬當先行係前面。



咁一於就等我滿足下你啦，我跑到去佢隔離拖起佢隻手，佢比我嚇一嚇呆左咁望住我，而我又用一次路飛招牌笑容黎回應。

行到咁上下，我地黎到一大片嘅空地，而空地上面有一間屋，係出面睇落去都幾殘舊，不過我相信就係呢間屋。

梓恩：「就係呢到啦，你唔好睇佢好似好核突咁，其實係我影印左啲爛屋嘅相貼落去，令到其他人見到都唔會諗住入去。」

我：「咁你都諗到，你真係可以去哈佛到睇下攞唔攞到一個學位返黎。」

跟住我地行到間屋到，佢打開左對門同我一齊入去，一入到去你會覺得自己置身係成個銀河系入面。

我抬起頭望上去天花板，上面嘅星星根本數都數唔哂，而且每一粒都係到發光。

我：「呢到...全部都係你一個人整出黎...？」



梓恩：「嗯，我平時好鍾意夜晚去睇星星，但係朝早無得睇，咁不如我自己整一個出黎。」

我：「咁睇黎你真係好得閒，講笑，不過你真係好勁。」我已經沉醉係呢個空間入面，望住身邊嘅星體，好似同我只係隔住5cm嘅距離一樣。

梓恩：「你飲唔飲野呀？我呢到有利賓納。」

我：「好呀唔該。」佢伸手比左一支我，但係我嘅視線仲未離開到呢個銀河系到。

梓恩：「有無咁誇張呀？雖然我都知我整到幾靚。」

我：「好靚，根本無野可以形容到呢到有幾靚...」

佢衝過黎攬住我，令到我好似啲昏迷左好耐嘅病人終於醒返咁，抽離左嘅靈魂亦都返左黎。

梓恩：「如果你想嘅...我可以每日都同你黎呢到睇星星...」



有一刻我心動左，而呢份心動間接咁令到我心軟，呢個Moment我好想應承佢。

佢呢個計劃簡直就可以用天衣無縫黎形容，一開始就令到我迷失係呢個空間，再乘人之危同我表白，今次嘅表白根本就唔會失敗。

「不過...你唔會再有多一個女仔架何...？」我個腦彈左Tracy嘅說話出黎。

我鬆開左梓恩，我隻眼已經流低左眼淚，我同佢注定左係無可能，即使大家都深愛著對方。

我：「對唔住...我唔可以...唔可以背叛佢地三個...」我個人跪左係地下。

梓恩：「嗯我明白架啦，唔緊要啦，我知道你有鍾意過我就夠架啦，就算只係得宜家嘅呢一刻，我都會好好記住今日發生嘅野。」

好可惜、好可憎、好可恨，望住眼前呢個識左三年嘅女仔，望住眼前呢個鍾意我嘅女仔，望住眼前呢個我鍾意嘅女仔......



「個天比一樣野我，我就預左佢會拎返一樣野走。」

我忍唔住咀左落佢個嘴到，但係好快就鬆開左佢，雙眼同佢對望住，我明白到呢一次嘅扑野唔係扑野。

而係真真正正嘅...「做愛」......