男神呢個稱號令我食左唔少女(有甜）: 結婚

我係條街到等左一陣，終於見到有架的士停左過黎，我偷望下入面係邊個黎，咁當然就係Tracy啦。

佢一落車就衝過黎攬住我，令好多人嘅目光都係哂我地到。

我：「冷靜少少，我地比人望住啦，可能會比佢地告行為不檢架。」

Tracy：「邊有咁嚴重呀，人地真係好耐無見你，好掛住你。」

我：「好啦好啦，咁快啲去食野啦，唔係嘅話唔夠時間。」



然後我地好快就搵左一間同其他枱隔住所謂1.5米嘅餐廳食野，而且貪佢無乜人係入面。

叫完野食之後佢就一直望住我，搞到我好唔自在。

我：「做咩眼甘甘咁望住我，我塊面有野咩？」

Tracy：「我係到諗緊點解你會咁靚仔。」

我：「應該係遺傳左我阿爸掛，我阿爸以前都好靚仔，好多女主動追佢。」



Tracy：「不過我係真心鍾意你，而唔係覺得你靚仔先想接近你。」

我：「係咪架？我唔係好信喎。」

Tracy：「真係架，當初係文具店個到見返你，好似終於比我等到你嘅出現咁，其實由小學開始我就已經鍾意左你...但係個陣見你同桐桐一齊左...所以我先...」

我點一點頭，示意佢繼續講埋落去，而且諗緊應唔應該同佢講桐桐宜家都係我女朋友。

Tracy：「所以我先無勇氣去同你表白，上到中學之後我以為自己會鍾意其他男仔，但即使我拍左四次拖都好，我個心一直都係你到。」



Tracy：「係自修室個陣，我之所以咁驚係因為我驚你想搞完我就算...我唔知你諗咩...」

我：「我搞你係因為我鍾意左你，雖然的確上左中學我已經差唔多唔記得哂小學啲人，不過見返你個刻，我先發現原來我鍾意你。」

阿燕，你明明見佢波大先想搞佢，幾時變左你係鍾意左佢先搞佢？講完先覺得好對唔住自己良心。

Tracy：「咁不如我地兩個遲啲即刻結婚，好唔好？」

我成支叉掉左落張枱到，呆左咁望住佢，DSE都未考，大學都未讀，你同我講結婚？

我：「Er...有件事我想同你講左先，你要有心理準備。」

Tracy：「嗯，你講啦。」

我：「你記得我講過我原本已經有一個女朋友架何？」



Tracy：「我記得呀。」

我：「咁你仲叫我同你結婚？雖然我係想，但係我都唔可以拋低佢地。」

Tracy：「佢地？你咁講係咩意思？仲有第二個？」

我：「Er...算啦，其實桐桐宜家都係我女朋友，簡單啲計埋你嘅話，我宜家有三個女朋友。」

今次到佢呆左咁望住我，一時比唔到啲反應。

我：「所以...如果真係要講結婚呢樣人生之中咁重要嘅事，我都唔知應該揀邊個黎結...因為你地三個都唔可以離開我...」

Tracy：「你希望嘅係，我地三個接受到對方嘅存在？又或者遲啲我地四個人一齊住？」



我：「你都可以咁講啦，我知佢兩個都無所謂，不過如果你介意嘅話，我都希望你會搵一個無我咁花心嘅男仔黎結婚。」

Tracy：「我幾時有講我介意喎...我都無所謂架...只要我都可以係你身邊...我咩都無所謂！！」

我：「果然係我愛嘅女仔，我肯定未來你地三個一定會好幸福，而且幫我生好多小朋友。」我摸一摸佢塊面再咀落去。

我唔夠膽講係我「最」愛嘅女仔，因為我將呢個位一早留左比珮恩。

Tracy：「嗯！！無論點我都會咁愛你！！不過...你唔會再有多一個女仔架何...？」

我：「如果有嘅話，我到時咪變左講係「你地四個」囉~」

Tracy：「唔得呀！！唔可以呀！！」佢激動到拎住支叉黎對住我。

我：「好好好！！我投降我投降！！唔會有第四個！！！冷靜啲放低支叉先！！」



Tracy：「算你啦，要快啲食啦，再唔食就會遲到。」然後佢就大啖大啖咁食完個意粉。

好快我送到佢去搭的士，當然今次我有比返錢佢，送完之後咀左佢一啖我就準備行返學校。

呢個傻妹一講就講到結婚，但係我覺得自己都無咩可能結到婚架啦，只要我一日都未打破到我嘅命運，佢地任何一個都有機會離開我。

至於可以點先打破到我嘅命運...我都唔撚知...或者只有遇返個嗰女仔先有機會知...不過我同佢可能呢世都見唔返。

我諗我宜家要好似啲人所講，活在當下，珍惜有三個咁愛我嘅女仔。

就算最後佢地都走哂都好，我都會開心自己曾經有過一段咁美好嘅...真愛...