男神呢個稱號令我食左唔少女(有甜）: 陸運會(五)

呢一次應該係我中學六年最認真跑嘅一次，首先我要幫所有受過佢傷害嘅女仔攞返一個道歉，然後就係我唔想裸跑。

「呯！」

衝啊！！屌你老母！！我嘅視線一直無停過係終點線，出左十倍平時扑野用嘅力向前跑，我只係知輸左就咩都無。

好快就跑完，不過我根本都唔知邊個跑左第一，因為我到終點個陣佢都係到，同佢差唔多時間，但我已經攰到想郁都郁唔到。

我坐左係條終點線到，隻腳未有力比我企返起身，雖然阿彥伸手扶我起身，但係我都決定坐一陣先。



然後珮恩慢慢行左過黎，個表情仲好可惜咁，好似話比我地我輸左咁。

我：「我始終都係...輸左...？」

珮恩：「你一陣頒獎個陣咪知邊個贏左囉。」

我：「你不如宜家同我講啦，呢場贏輸好重要，阿彥呢？一係你話比我聽邊個贏呀！」

阿彥：「你唔好咁激動住先，雖然我都攞左第三，但你兩個嘅速度都差唔多，我係後面根本睇唔到邊個先。」



呢個時候我見到志霖係到傻笑，跟住自己一個on99行返上去看台，點解就無人肯同我講邊個贏？定係佢地驚我知自己要裸跑會接受唔到而做傻事？

跟住阿彥同珮恩慢慢扶返我上看台，本身諗住坐多陣，但係條仆街訓導催人上返去。

然後就黎到最後嘅社接同埋班接，正如我所講，雯雯的確有叫我幫手玩社接，所以我對珮恩又唔算講大話。

社接我同阿彥都一齊玩，再加埋兩個幾勁嘅人，好輕鬆就贏哂其他社。

至於黎到班接，中六嘅班接並唔係一個比賽，只不過係全體中六係運動場慢慢跑一圈，同所有師弟師妹講啲鼓勵性嘅說話。



我望住看台上面嘅女仔，每一個食過嘅我都差唔多記得哂，有時候我會諗我係咪毀左佢地嘅未來，因為佢地好多都比我破左處，好多男仔都介意自己嘅女朋友唔係處，呢一點真係要講聲對唔住同唔好意思。

不過諗返當初我會變成食家，但係多得一個女仔觸發左我呢方面嘅天賦，係我中一個陣，佢係學校嘅女神，你當佢係五六年前有住同雯雯差唔多地位嘅女仔就得。

有次我係小食部見到佢，佢個份仙氣我相信無男仔唔會比佢吸引到，我望住佢望到呆哂，而佢好快注意到我呢個傻仔，仲對我單一單眼，個下我仍然仲記得。

佢行埋黎我到，叫我比自己嘅電話號碼佢，跟住就係佢慢慢教哂所有撩人地，睇穿人地諗咩，點樣可以令到人地對自己有興趣嘅技巧比我聽，令到我由中一就開始搭上食家呢個生涯。

我：「點解你會揀左我？」

女仔：「因為我睇得出你天生就係同我一樣，注定左要行呢條路，而我地...永遠都唔會得到所謂嘅...真愛。」

個陣我都唔明佢講咩，直到宜家先開始有少少領悟到，唔知幾時先可以見返佢呢。

話咁快就完成埋呢個班接，因為我同阿彥都有獎攞，所以比雯雯叫我地落去坐低，聽完校長鳩up然後等攞獎。



頒左好耐獎都仲未黎到我最期待嘅100m，我已經等唔切想知邊個贏，再唔同我講我真係會爆炸。

主持：「即將頒發男子甲組100m比賽得獎者，第三名係藍社嘅趙浩彥。」

然後阿彥就係我隔離起身行過去，臨走前仲拍一拍我膊頭，黎啦！快啲講邊個贏！！

主持：「第二名係...」唔好係我...唔好係我...唔好係我...

主持：「綠社嘅黃志霖。」

我：「啊啊啊！！！！！！！！」我向住個天咆哮，所有人都比我嚇親，直至雯雯行過黎揞住我個口。

主持：「第一名係藍社嘅蔡煒燕。」



我一聽到之後忍唔住係到跳黎跳去，我抑制唔到內心嘅興奮。

跟住我慢慢行過去同校長握手，耷低頭比佢將個金牌頒落我到，我已經開心到唔知講咩好。

影張相之後，志霖行過黎同我講左幾句。

志霖：「估唔到我會輸左比你，世事嘅野真係好可笑。」

我：「唔該你遵守自己嘅承諾，唔好做埋啲偽君子嘅野。」

志霖：「放心，我願賭服輸，反正我同你一直已經玩到厭哂，再玩落去都滿足唔到我，不過我有樣野想同你講。」

志霖：「睇得出你有潛質成為一個食家嘅人，其實係我。」佢講完就行返上看台。

睇得出我有潛質成為一個食家嘅人...係佢...？



無可能...點都唔會係佢...明明就係個嗰女仔...無可能嘅...無可能嘅...

然後我就比阿彥捉返上去，因為我企左係頒獎台到呆左，仲搞到差少少比人鬧。

我相信佢只係知道我嘅過去，講大話黎呃我姐，我先唔會咁蠢比佢呃到。

點都好，呢場比賽嘅勝利者就係我，我一返到去就望住塊金牌，總算幫所有女仔報哂仇。

好快校長亦都宣佈今次嘅陸運會完結，不過大家都諗住留低影一陣相先走，而我就比差唔多全校嘅人搵影相，可能我就係咁出名。

最後一個搵我影相嘅人就係珮恩，我張開雙手，然後佢就衝過黎攬住我。

我望住佢個嗰咁得意嘅樣，一啖咀左落去，已經唔理其他人仲係唔係到。



但係我個腦到卻不由自主地諗返起一句說話。

「而我地...永遠都唔會得到所謂嘅...真愛。」

到底珮恩...可唔可以幫我打破呢個宿命...？

(終於完左成個陸運會，希望大家唔好介意我用左五章黎寫。)