《共的迫奶》: 第六集-警嫂野味會
深受尹智娜討厭嘅「唔驚」大媽們留喺屋企咁耐就耍樂咁耐，佢哋唔悶，啲錢都會冇晒。唔好睇大媽們個樣成日都烚下烚下咁，愛國、生活技能方面係大媽們嘅一技之長，食蝙蝠多過我哋食米，見佢哋上次喺元朗屋企食埋啲外國勢力就知。早喺上年，佢哋每人買咗部Smitch玩Maria食蕉皮。
-
眾所周知，近日某遊戲公司出咗一款主打動物嘅遊戲。正當疫情發展，唔少人WFH減少出外。而遊戲喺呢個時間推出，成功吸引炒狗炒賣，SSP黃金或成最大贏家。
-
大媽們嘅儲蓄習慣值得我哋借鑒，以應付海底撈加價後嘅負擔，唔似得啲休班狗偷張信用卡嚟買兩部電話。動物遊戲推出佢哋就捷足先登買咗，可惜嘅係，大媽們屋企嘅音響系統駁唔到，要去元朗屋企玩。
-
尹智娜渾渾噩噩咁喺屋企思考淫生嘅時候，大媽們當元朗屋企係冇掩雞籠，自出自入。佢哋見到尹智娜喺度，先覺得唔好意思。「哎呀對唔住呀，打擾咗你㖭。」尹智娜問佢哋做咩，知道咗大媽們咁鍾意打機，又唔好意思開口介紹Airport警察佢哋睇。尹智娜諗起......
-
「元朗同大媽們一齊做體操，大媽一失平衡元朗就扶住佢，溫暖嘅雙手緊緊於懷；元朗大汗淋漓，大媽就攞條毛巾幫佢抹汗，晶瑩嘅汗水一滴滴咁滴落嚟；元朗捉住大媽隻手操作手掣，雙手沾滿緊張冒出的手汗.......」
-
尹智娜豐富嘅想像力，大媽們已熟能生巧駁完電線。尹智娜睇住佢哋玩，啲動物走嚟走去令佢諗起美味嘅野味。三個大媽改自己個名都好鬼馬，「無宅冬」、「你赫強」、「閘巾評」，每個人嘅無人島係大白象人工島嘅開始。那麼，今天也要祝大家在中共的生活愉快！
-
「有菜可以摘喇！」
「譚生菜！好新鮮呀！」
-
世界上最貴嘅一棵菜可能就係呢棵譚生菜，一菜難求兼有奶。嗰個叫「閘巾評」嘅大媽用咗偉大嘅國家主席張相嚟做塊田，透過遊戲歌頌國家，本應係英勇嘅事。但係有玻璃心網民發現，咁樣咀咒國家領導人耕田講咗事實出嚟，礙交部發言人耳火爽去信該遊戲商反映。遊戲商並冇因14億玻璃心而放棄全世界，暫停祖國嘅server......冇得玩嚕。
-
大媽們玩到傍晚6點，遊戲突然顯示無訊號，要檢查連接裝置。今次真係考起大媽們，佢哋為咗種幾棵樹而試晒幾抽電線。佢哋打畀元朗求救，元朗識埋咁多女人，佢對程嘉藍嘅愛係咪真誠㗎？學「死臭姐」話齋成日喺度玩女人！死臭__（自行填上）。
-
執緊樹枝起爐BBQ嘅元朗同佢哋講，個game啱啱禁咗玩唔到，係因為佢哋嘅好朋友耳火爽投訴惡搞。元朗叫佢哋去game舖買「猛男撿樹葉」（簡稱執葉律師）嚟玩頂下癮先。
-
大媽們旋即買咗呢隻game，正所謂祖國製造遠比外國勢力好，「國產野味」嘅遊戲內容更寫實。種農作物？落多啲農藥、拔苗助長，吐啲痰落啲泥度茁壯成長。狗馬貓兔蝙蝠馬騮諗到嘅Emoji統統有，成個遊戲都幾無聊，劈完柴就切咗啲肉倒落個鍋度好鬼冇癮。大媽們話不如嚟個真實版，起碼有啲手感同血水。大媽們整返好啲電線就走咗，聽佢哋嘅對話係去華藍海鮮批發市場斬啲野味食。咁就好喇，唔去挖松鼠洞燒森林！
-
慵懶地坐咗喺屋企成日嘅尹智娜，電話終於有message。係B緊BQ嘅元朗，元朗send咗個潛入香港唔使隔離14日嘅方法，犯法就是犯法！
-
「你好尹小姐，光陰走得太快，重傷一次你會長大，抱歉浪費了你很多青春。我計劃了一個天衣無縫的方法「阻」你順利到達香港。首先......」冇乜特別唔寫喇。
-
你話尹智娜係咪好PK？唔隔離14日就會有機會傳染班同僚囉，NMSL！尹智娜已讀不回冇講唔該，元朗話佢很不該，唔讚佢周到嘅方法。某國家啲人就係咁，要求人哋稱讚自己，厚顏無恥。NUTS！
-
尹智娜執好啲嘢出門口，尋晚個泊車先生幫佢換埋條呔，整裝待發！尹智娜享受最後嘅祖國時光，喺馬路上彳亍而行。佢見到全部共享單車都俾鎖鎖實晒，有啲台灣風？不不不，係祖國風！沿途有部電單車，係國寶送外賣，人家的國寶只是外賣仔！
-
晚上8點，尹智娜揸住部Teslady經過只有寥寥可數金巴奔馳嘅港豬澳大橋，聽住特首抽火水嘅歌手嘅歌曲。「三張幾野紮起辮仔，青春美麗就冇失禮~」尹智娜唱咁高音，因住中武漢肺炎，到時有高音嘅呼吸聲啊。想起當初上大灣區，係去冇汗同班警嫂賞櫻花、同三小花食海底撈慶祝，尹智娜係不幸中之大幸，冇肺花。
-
「肚餓㖭。」尹智娜諗起泰國茉莉香米烹調嘅泰式菠蘿炒飯，泰式奶茶......食咗咁多日，警察代表都攰喇。某國嘢食得多傷身，蝙蝠湯不了，冬蔭功good！飲杯奶茶隨時飲咗個元素週期表，解體就唔好啦。
-
感謝你習大哥！元朗兄是我的偶像，講話又有力、又敢言、又好看、又有台型！
-
尹智娜成功避開關口檢疫，揸車離開禁區範圍，佢跟住前面部機場巴士行.......「專利巴士除外。」前面進行修路工程，尹智娜被交通警指揮向左走。Right！兜兜轉轉，離離合合嘅離合器，1212隻腳，尹智娜行錯路去咗......
-
（待續 To be continued）
-
元朗：「娜姐！淫蕩的警嫂！」
-
我唔想講，費事又話我挑釁，就係下星期六見啦！只係感情抒發啫，唔好抬走Rachel住啊，飲杯珍奶先啦！
-
IG：chingchingstory