《共的迫奶》: 第五集- 警嫂冇得OT
尹智娜食食下海底撈個頭隊咗入個煲度，因為見到佢嘅「自己人」-老鼠。可能鼠王掛住飲燉湯睇劇冇處理鼠隻衛生問題，而導致今次事件發生。尹智娜抬起個頭，條眉甩咗色未能重現恆生指數大跌，尹智娜戴返個美國隱形納米口罩。三小花就打畀元朗。
-
元朗聽到電話後，繼續同程嘉藍打情罵俏，由此可見佢今宵對嘉藍嘅愛係幾咁珍重。佢今晚冇返自己屋企，如果俾程嘉藍發現佢喺屋企收埋第二個，元朗仲慘過全黨死清光。喺程嘉藍嘅角度拉闊個畫面嚟諗尹智娜，俾咗你就係你㗎喇？尹智娜完全唔同意不偏不倚嘅講法。
-
海底撈嘅經理親眼睇住尹智娜自隊入個煲度，根本毋須負責，尹智娜仲搞到啲湯瀉晒，可以再收50%清潔費。三小花一齊帶走咗尹智娜搭的士，但唔係去醫院。
-
尹智娜：「啊啊啊啊！我塊面.....」
-
三小花：「唔好啦，司機會聽到㗎！」
-
司機好驚尹智娜整污糟佢架車，快到未睇完班垃圾官員啪啪啪手掌就到咗目的地。三小花好好人，拆咗啲元朗賄賂佢哋嘅打賞畀的士錢，請尹智娜搭的士。三小花送尹智娜返元朗屋企，跟住就返香港隔離14日。為咗幫元朗做嘢甘願家居檢疫，睇嚟收咗唔少錢。
-
尹智娜喺佢哋走咗之後先入門口，佢依稀記得個密碼鎖number：721831。佢入到廁所照一照妖鏡，本來個樣已經好豬扒，撻落個煲之後變埋牛扒，又老又韌。佢用極元朗嗰枝洗面奶洗塊面都有陣辣油味。佢換件衫就瞓落張床，紅都面晒。
-
尹智娜嚟咗呢幾日嘅天氣都麻麻，尋晚臨瞓尹智娜睇「國家棄象焗」都話陰天。晨早起床清新開朗，尹智娜被燦爛嘅太陽刺醒。講清楚啲，係「人造太陽」，佢可以用10秒高溫消毒，咁就好喇，尹智娜而家又美麗又涼快。
-
唔似某套處境劇，屋企有人落街買炒麵油炸鬼。尹智娜浪完2020年嘅李屍得霖之後去廚房搵嘢食......佢發現元朗間屋好高科技。
-
人工智能：「Who are you working for?智娜？」
-
尹智娜：「I'm working for HK.」
-
人工智能：「 Who're you with?」
-
尹智娜：「......」
-
到呢一刻尹智娜都唔敢講自己喺全港最大犯罪集團工作，開唔到人臉識別系統嘅智能儲物櫃，冇俾個櫃困住，但可能個鏡頭已經Zoom咗佢個靚樣喇。尹智娜喺洗手盤隔離搵到枝香檳，確定咗唔係洗潔精之後開嚟飲。得枝香檳做早餐，當係開香檳慶祝有嘢食啦，佢開住套墨魚丸class嘆香檳......尹智娜冇咗元朗喺隔離，慘絕狗寰，就如廢老今年冇得睇港姐咁、就如動物遊戲冇蘿蔔種咁.......
-
尹智娜打畀巨波Man，接聽嘅係巨波Man。每15分鐘搵老公一次，冇OT唔使呃咁盡喎，驚減薪10%？
-
尹智娜：「喂！我呀！你而家點呀？」
-
巨波Man：「我去咗駿洋邨啊！嗰日我俾個大聲公嚇到標尿，同個伙記去廁所，原來佢有肺炎呀！另外嗰121個都係啊！」
-
尹智娜：「咁你去住下啦！有咩嘢食就拎啲返屋企！睇下有冇50慢張機票！」
-
喺度我替佢哋問候，最緊要狗有事、30000THX！攞二十萬嚟改座右銘，呢三萬算啲咩喎。尹智娜開始擔心警隊，見到投考狗數大跌，有返香港嘅念頭。佢又打電話畀元朗，咁啱冇汗解封，程嘉藍一早出咗去冇汗和你塞（希望呢度冇省份嘅歧視），元朗即刻聽咗佢電話。佢同元朗講佢想返香港，元朗手舞足蹈，跳住舞嚟搬棺材......元朗怕佢俾尹智娜發現自己嘅心情，同佢講之後迷信個返香港唔使隔離14日嘅方法。
-
尹智娜喺屋企百無聊賴，有個門鐘響起。佢係尋晚食海底撈嘅代客泊車先生，幫智娜揸返部Teslady返嚟。佢話部車好好揸，仲幫智娜入咗230蚊油。尹智娜講，佢自己畀個入油員tips都500蚊，呢啲算啲乜。尹智娜好寸，搞到個泊車先生好尷尬，佢聽到尹智娜啲口音似香港人所以拉開話題。佢話有7個警察打人5個判罪，真係走得太前好慘，仲講呀媽教細路都打佢哋啦！嗯。得喇，唔好R水吹，返去繼續泊車啦！共衛個譚生都話唔好政治化啦、對你人生攻擊係啱㗎！
-
尹智娜上網搵極都搵唔到大台套甚麼「Airport警察」，哎呀，成日話跨平台總收視自high收視率好多點，又唔識分點擊率，而家連套劇都搵唔到......去睇廿幾萬嘅何妖嚟同港台對比，尹智娜唔忿氣一定要返香港睇！係囉，敬老有咩問題？投票唔得，而家尹智娜睇返自己職業劇都唔得？呢啲不實嘅劇集特別係由某個台播出嚟，我覺得係不負責任。
-
尹智娜冇因為通脹喺疫情下加人工，但匿喺屋企個肚脹咗。尹智娜收到元朗嘅message，個計劃仲令尹智娜畀9000蚊元朗，想睇就下集見啦（可能今集相對悶啲請見諒）。
-
（待續 To be continued）
-
Ps.盡量唔好出街乖乖睇文啦，要出街都要注意衛生。雖然九巴係咁削減班次，但容許我用早排穿越劇《二月廿九》嘅對白：「搭巴士，唔好搭地鐵啊！」即使7月減20%「車廢」都盡量唔好搭！唔知林鄭幾時俾7個人抬呢？
IG：chingchingstory