《夾出一個她》: 第六十五集-求婚（下）
首先同各位講聲唔好意思，由於小弟啱先正值考試月份，冇咩時間寫文，所以之前就停咗連載，而家考完試就會陸陸續續咁出返文喇！
------
阿妹：「嘩！呢的係咩Boy Love情節嚟㗎？不過我好鍾意吖！」
-
楚翹：「基味濃嘅情節囉！兩碌淫棍喺度揈下揈下。」
-
阿妹：「你一講揈下揈下，我就諗到一首兒歌，不如你估下係咩歌？」
-
楚翹：「邊首歌會唱到揈下揈下呀？」
-
阿妹：「雪姑七友七個小矮人。」
-
楚翹：「雪姑七友七個齊齊䟴。」
-
阿妹：「七個矮仔有七支棍。」
-
楚翹：「齊齊瞓喺山窿嗰度䟴䟴䟴。」
-
阿妹：「估唔到你都識呢啲歌喎。」
-
楚翹：「個個小朋友嘅時候都會唱呢啲鹹濕歌㗎啦！咁多年冇唱都記得，真係好懷念以前細細個單純嘅時候。」
-
希逸：「䟴你老闆，我唔係gay㗎！我係直嘅。」
-
阿妹：「得㗎喇，心照啦！我唔介意你鍾意男人，我都會咁愛你㗎！」
-
我：「我真係鍾意女仔㗎！冤枉吖大人。」
-
希逸：「你鍾意女人就咪搞我啦，我點會理你啫。」
-
我：「咩喎，你平時都係咁照顧我㗎啦……」
-
希逸：「咁我而家關心下你幾時落街返工，你知唔知你哋兩夫婦喺度阻住我哋過二人世界㗎。」
-
我：「喂！呢度係我屋企嚟喎，做咩搞到好似你係主人咁，我嬲吖！」
-
希逸：「唔好嬲啦！錫啖先囉。」
-
我：「嚟啦~muah。」
-
阿妹：「唔得吖！我接受唔到吖！」
-
楚翹：「但係你個表情睇落好似幾享受喎，你塊面已經紅過關公喇！」
-
阿妹：「係咩，望住佢哋……唔得吖！」
-
楚翹：「唔使理呢個壞咗嘅人，我哋走，去返工嚕！」
-
我：「阿妹壞咗，希逸快啲拎佢去維修啦！」
-
阿妹：「用咩維修先？」
-
我：「話知你哋兩個，總之唔好搞出人命就得啦！」
-
希逸：「你呢句說話好隱晦喎。」
-
我：「係咩！我唔知喎。」
-
希逸：「一定係咁啦！」
-
我：「就係咁囉！」
-
希逸：「我實信你㗎！」
-
我：「咁你就信啦！唔同你拗，走先。」
-
楚翹：「總之你哋萬事小心啦！」
------
或許你會問，點解我要咁快求婚？明明我同楚翹都係啱啱踏入咗成年人嘅界別，喺唔少人嘅眼中仲係一個未成熟嘅細路仔。但我覺得正所謂「打鐵趁熱」，雖然我哋一齊嘅時間都係得兩個月多啲，不過我哋同其他嘅情侶有一樣嘢唔同，就係我哋兩個好多時候都係朝夕相對，完全清楚而且習慣晒大家嘅生活習慣啦！
-
早啲求婚、早啲結婚減低楚翹屋企嗰邊嘅變數呀嘛，如果之後楚翹媽又改口都麻煩啦！不過最緊要嘅係，我真係好想俾個承諾楚翹，證明俾佢聽，我係會照顧佢一生一世，等佢可以確確實實咁知道我係一個好男仔、好男人、好老公。
------
［從相愛到相處，無疑是一個哲學命題。］
-
求婚成功！隆重為大家介紹-歐陽太。
-
我心入面喺度諗緊之後同班friend食飯，希逸、歪仁、孟治雞佢哋就帶住個女朋友嚟，而我就帶住老婆，不知幾威。
-
幻想嘅情節固然好，但現實中嘅我原來喺度淫笑緊，喺我隔離嘅楚翹就睇到一頭霧水，以為我喺度諗啲十八禁嘅嘢，不過大家都知我係sell正經㗎啦！
------
之後返壽司鋪嘅情節，我就唔同大家分享啦，因為真係好悶，都係放下啲飯入壽司機，跟住放魚生喺面，最後放碟壽司落輸送帶就搞掂。
-
返工時段固然悶，返到屋企沖完涼就直接攤喺張床到已經瞓著咗。但每日臨瞓前又諗埋啲濕鳩人生道理喎，搞到自己又瞓唔到，搞到啲睡眠質素唔好，唔知你哋又係唔係咁樣呢？
-
我作為一個學生，肯定覺得返工好悶，日日都係做啲重複又重複嘅動作，每日無限loop，唔多唔少都想辭職，做返個廢青。不過望返自己屋企，有阿妹同埋老婆要照顧，每日辛苦完，見到佢哋開開心心，我都已經好滿足，繼續有返工嘅動力。
-
［或許，呢個就係每個男人返工嘅目的，每日放工見到鍾意嘅人開心咁笑，就算返工幾悶、幾辛苦都可以一下子消失晒！］
-
正所謂「年少放縱，時常有藉口，太多嗜好與太多損友，得七歲智慧胡亂闖未曾善後。」相信每個男仔都應該可能覺得自己未玩夠，仲想闖一鋪勁嘅先返嚟照顧屋企人，但點解唔同屋企人一齊闖呢，我相信佢哋一定會支持你嘅。
-
［唔知點解，我真係好鍾意臨瞓前諗嘢，不過一諗啲有深度少少嘅嘢就完全瞓唔到，要焗住做一晚諗樣。］
-
成為男人，其實唔容易，自己仲喺度摸索緊。可謂一個好男人，唔需要好靚仔、唔需要六嚿腹肌、唔需要好有錢，但需要對自己屋企人好、對自己頭家好、負上一個「男人」嘅責任。
-
［我盡力學習成為男人，有了你我會做事認真。］
-
好喇夠喇！再諗埋啲人生道理就唔使瞓喇！瞓啦，人哋老公。
-
聽日一定會比今日更開心嘅啫，係咪吖？歐陽浚彥。
-
（待續 To be continued）
IG：chingchingstory