《夾出一個她》: 第四十七集-阿妹的姊妹（中）
希逸：「你講得好啱，我聽日真係唔使考試。」
-
安琪：「但係我哋要呢！費事阻住你哋兩個喺屋企啦。」
-
慧妍：「咪係，我哋識做㗎嘛，點會做人電燈膽呢！」
-
阿妹：「估唔到你哋識做喎！」
-
安琪：「蕊心妹大個喇！我哋唔可以霸住佢，要留佢俾啲『重要』嘅人先得㗎嘛。」
-
慧妍：「冇錯！阻人扑嘢，死咗會俾人燒春袋㗎嘛，雖然我冇春袋。」
-
安琪：「可能咒落你未來男朋友嗰度。」
-
慧妍：「閘住，我唔要男朋友冇春袋嘅，我都係唔好阻住你哋兩個，我要開始為我嘅未來著想。」
-
阿妹：「食嘢啦，兩位老姑婆。」
-
安琪：「姑你阿媽個女啊！」
-
慧妍：「媽媽聲邊度好聽㗎，母母聲好聽啲。」
-
安琪：「唔得㗎，我講粗俗說話會打冷震㗎。」
-
阿妹：「打尿震就有你份。」
-
我：「食嘢啦，打打打，真係打咩㗎喇。」
-
希逸：「打咩先？」
-
我：「打咩囉！」
-
希逸：「咁你打咩呀？」
-
我：「妖！你蠢真係唔係扮㗎喎，我講緊日文『打咩』啊！」
-
希逸：「又玩食字gag，你悶唔悶啲啊！」
-
我：「你get唔到個笑點咪悶囉。」
-
阿妹：「其實冇人明你個笑點係咩。」
-
楚翹：「而且都唔好笑嘅。」
-
安琪：「我懷疑彥哥係想講鹹濕嘢，但費事講得太白先兜去另一個爛gag。」
-
慧妍：「唔好講個事實出嚟啦！留返個落台階俾佢。」
-
我：「我驚我突然開黃腔嚇親大家，因為我要留住我嘅好好先生形象。」
-
慧妍：「乜你有嘅咩？」
-
我：「不溜都有，係你哋唔發覺啫。」
-
安琪：「鹹濕好好先生呀嘛，我明白嘅。」
-
楚翹：「『鹹濕好好先生』，我第一次聽到有人嘅花名係咁長。」
-
安琪：「再長啲都仲得。」
-
希逸：「有幾長先？」
-
安琪：「好似你咁長。」
-
阿妹：「你哋兩個唔好咁過份啊！人哋有女朋友㗎。」
-
希逸：「吓！我好短㗎咋喎。」
-
安琪：「咁要試下先知喇！」
-
阿妹：「喂！希逸你係咪想死，妻目前犯，勾引第二個。」
-
希逸：「唔係我勾引，係人哋撩我先㗎。」
-
安琪：「喂呀，乜你咁㗎，尋晚你先……」
-
阿妹：「林希逸，你哋尋晚究竟做過啲咩嚟，你好好哋同我解釋。」
-
希逸：「我哋都唔識大家，係今日你介紹安琪同慧妍，我先識咋嘛。」
-
安琪：「不過我哋之前真係見過㗎……」
-
希逸：「有啲咁嘅事咩？」
-
安琪：「有啊！喺我哋個夢入面。」
-
阿妹：「喂！你哋究竟咩關係，你哋唔解釋，唔使行出呢個門口。」
-
安琪：「就係嗰啲關係囉。」
-
阿妹：「你哋……」
-
希逸：「我哋真係唔識㗎。」
-
安琪：「蕊心妹，玩下你咋嘛！傻豬，我哋嘅關係就係陌路人嘅關係囉。」
-
阿妹：「你哋兩個，想嚇鬼咩？」
-
安琪：「對唔住囉！等你珍惜呢個絕世好男朋友呀嘛。」
-
希逸：「有幾絕世啊！」
-
安琪：「寧願滯留在此處嗰啲friend囉！」
-
希逸：「即係點？」
-
安琪：「即係甚麼叫絕望囉！」
-
希逸：「屌你！原來係曲線踩返我轉頭嚟嘅，枉我仲咁期待。」
-
安琪：「可以笑的話，不會哭。」
-
阿妹：「你又對佢有咩期待呢？我發覺你哋熟咗就開始放肆喇喎。」
-
希逸：「冇啲咁嘅事，你諗多咗啫。」
-
安琪：「有筍盤喺隔離，唔通唔爭咩？」
-
慧妍：「人哋講嘢風趣幽默，仲要有肌肉，唔爭就笨實啦！」
-
安琪：「可惜俾蕊心妹溝到啦！」
-
慧妍：「不如講下你哋點識，蕊心妹都冇同我哋講過。」
-
阿妹：「講起上嚟都有少少怕醜㖭。」
-
安琪：「有故仔聽，霸定個靚位先。」
-
阿妹：「件事係咁嘅，咁我哋第一次見面就係阿哥帶我去海馬公園嗰次。我好驚玩鬼屋而希逸就拖住我，同我一齊行。」
-
慧妍：「好羨慕啊！點解我冇阿哥帶我去識仔仔㗎。」
-
安琪：「執到寶啦你！」
-
阿妹：「玩完鬼屋之後都對希逸有啲好感嘅，因為喺鬼屋入面佢真係好man，我就成日唔覺意咁喺阿哥面前講希逸個大名。」
-
我：「閘住，我補充先，希逸去完鬼屋都係咁提起阿妹。」
-
慧妍：「直情襯到絕啦！」
-
阿妹：「所以阿哥為咗撮合我哋，就約希逸上嚟打邊爐，打打下，阿哥同楚翹就留時間俾我哋獨處，而我哋咁就一齊咗喇！」
-
安琪：「咁你哋獨處嗰陣時做咗啲咩嚟？」
-
阿妹：「講起當時嘅情況就真係好尷尬。」
-
慧妍：「講啦！唔好收收埋埋啦！」
-
阿妹：「是咁的，我唔記得希逸講咗啲咩鹹濕笑話，跟住唔知輸咗啲咩，我就話做我男朋友，咁佢就話唔好。正當我就嚟喊，佢就話表白呢啲嘢梗係由男仔去講啦，咁佢就同我表白喇！」
-
安琪：「咁就一齊咗㗎喇？」
-
阿妹：「係吖！係咪估你唔到呢！」
-
我：「安琪嘅反應同當時嘅我反應係完全一模一樣。」
-
安琪：「冇辦法，件事發展得太快，完全load唔切。」
-
慧妍：「估唔到你哋係用鹹濕笑話喺埋一齊。」
-
阿妹：「Ha……像關係親密的戀愛。」
-
希逸：「Ha……但比戀愛更清楚。」
-
阿妹：「Woo……是超越表面的恩愛。」
-
希逸：「Ha……沒有人如此恩愛。」
-
安琪：「我都係第一次聽有男仔用鹹濕笑話溝女。」
-
（待續 To be continued）
IG：chingchingstory