《夾出一個她》: 第四十五集-安琪與慧妍
安琪：「不如去你屋企食啦！反正有彥哥大廚喺度坐鎮。」
-
楚翹：「彥B煮嗰啲都係普普通通嘅家常便飯啫，你哋唔介意都可以上嚟食嘅。」
-
慧妍：「咁就打攪晒喇！」
-
我：「喂！乜我有話可以咩？」
-
楚翹：「黐線，使Q問你咩？呢度我話事㗎嘛。」
-
阿妹：「啱啊！姊妹們，今晚係咪上嚟食？」
-
慧妍：「我冇問題。」
-
安琪：「我都冇問題啊！」
-
我：「你哋聽日要考試，早啲返屋企溫啦！」
-
阿妹：「一齊溫書先有動力㗎嘛。」
-
希逸：「肥哥你都唔識嘢嘅，獨樂樂，不如眾樂樂呀嘛。」
-
阿妹：「阿哥毒開，佢平時一個人，習慣咗。」
-
我：「你哋幾條茂利吖！啱先又話我係最大，而家我嘅地位即刻跌落谷底。」
-
楚翹：「股票都有升有跌啦！好正常啫。」
-
阿妹：「你又話我哋要溫書，快啲行去巴士站等車啦！」
-
我：「女人吖！真係估佢唔到啊！一時一樣㗎。」
-
阿妹：「咁你咪去摸清楚啲女人囉。」
-
安琪：「摸~清楚呀？」
-
慧妍：「你哋兩個唔好開黃腔啦，有男仔喺度㗎。」
-
楚翹：「你哋唔使擔心，呢兩個鹹濕仔嚟，一開金口講鹹濕嘢，你哋兩個可以彈開。」
-
我：「楚翹B，你唔好抵毀我嘅好好先生形象喎。」
-
楚翹：「乜你有嘅咩？你喺我心目中嘅分數已經跌到冇得再跌。」
-
我：「超，呢啲分數我唔稀罕，我啲分數越低，你先著緊我。」
-
楚翹：「唔係㗎！我會放棄太低分嘅人，呢啲衰人冇得救吖嘛。」
-
我：「有呢個靚仔加分改進課程，唔驚。」
-
楚翹：「咩咩加分改進課程，你估呢度揸車咩？衰咗就冇得加返，同埋，我講咗千千萬萬次，你唔係靚仔。」
-
我：「咁我今晚會令你加我分。」
-
慧妍：「Wow！你哋……做足安全措施吖！」
-
安琪：「大嫂同彥哥一齊住嘅咩？」
-
楚翹：「係吖！我而家都係喺彥B屋企住。」
-
慧妍：「羨慕死人喇！可以同男朋友一齊瞓。」
-
安琪：「夜晚又可以……」
-
我：「挑！講呢啲。」
-
安琪：「咁你哋做咗未先？」
-
楚翹：「黐線啦！我哋做女仔要潔身自愛㗎。」
-
慧妍：「同愛人做就冇所謂啦！」
-
安琪：「反正屋企夜晚都係得蕊心妹，無所謂嘅。」
-
阿妹：「喂！我唔通入去吶喊助威，定係匿埋笑吖！我唔要隔住房門收聽直播啊！」
-
安琪：「去大隻仔屋企瞓咪得囉。」
-
慧妍：「係囉！人哋咁大隻，夜晚咪可以……吖！好爽吖！」
-
阿妹：「我真係識錯你哋，對你哋好失望囉。」
-
安琪：「有做又有乜所謂呢？我哋嘅蕊心妹妹大個女喇！」
-
慧妍：「唔捨得蕊心妹嫁出去㖭！」
-
阿妹：「我都仲喺度㗎。」
-
安琪：「有大隻仔就唔要我哋喇，真係有異性無人性。」
-
慧妍：「第時跟住老公去探索大世界嚕，留返我哋兩個老姑婆喺度。」
-
阿妹：「點會唔要你哋兩個，我最錫就係你哋兩個八婆，我哋八婆三人組唔可以解散㗎。」
-
我：「點吖，三位八婆，上車啦！」
-
安琪：「作死你啊！夠膽死嗌我哋八婆，叫我哋大小姐。」
-
希逸：「係嘅，八婆大小姐。」
-
慧妍：「蕊心妹，好好管教你條仔啦！」
-
阿妹：「得㗎喇！而家就威，今晚就跪玻璃㗎喇！」
-
安琪：「蕊心妹做得好！支持蕊心妹。」
-
我：「大家今晚有冇興趣食榴槤？」
-
安琪：「好啊！我哋超級鍾意食榴槤。」
-
楚翹：「你係咪特登㗎！」
-
我：「跪完玻璃又要清潔，如果掃得唔乾淨，可能仲會整親大家。榴槤就無事喇！又可以食，仲可以睇表演㖭，一個價錢，兩份享受。」
-
阿妹：「阿哥你真係好聰明啊！」
-
我：「使乜講，最睇唔起啲男人咁話女仔㗎喇！」
-
慧妍：「楚翹姐，你有個咁嘅男朋友真係執到寶啦！」
-
我：「乜你哋識嘅咩？突然咁熟嘅？」
-
阿妹：「佢哋今日先識㗎！我小息去咗帶楚翹落去搵慧妍同安琪，跟住大家一傾就熟，然後晏晝仲一齊食埋飯㖭。」
-
安琪：「楚翹姐講咗好多你嘅嘢俾我哋聽，你要對佢好啲啊！唔係我就爆你啲秘密出去。」
-
我：「點敢對佢差呢？話晒呢度咁多監察專員24小時全天候監視住我，我就嚟去廁所都會俾人mon到實一實㗎喇。」
-
楚翹：「咁先好呀嘛！你就唔會周圍去溝女喇！」
-
我：「哎吔，可惜返學嗰陣時唔可以監視我。」
-
希逸：「啱啊！我哋可以為所欲為。」
-
我：「嗱嗱嗱！呢句唔係我講㗎，我嘅意思係就算冇人監視，都唔可以偷食㗎。」
-
安琪：「希逸真係一個壞咗嘅男人。」
-
慧妍：「換過一個新㗎啦！你要唔要我哋好姊妹介紹啲正嘢俾你吖？」
-
阿妹：「你哋搵咗俾自己先啦！自己都冇就俾其他人。」
-
安琪：「我哋要睇住你有男朋友照顧先得㗎嘛！你冇男朋友或者我哋，你照顧唔到自己㗎。」
-
阿妹：「我大個女㗎喇！我可以自己照顧自己。」
-
慧妍：「唔得，你又唔可以自己睇地圖啦！食嘢又會跌啲嘢食落件衫到。我哋唔放心你自己一個生活。」
-
［我完全認同阿妹啲姊妹講嘢，佢真係照顧唔到自己㗎，因為喺呢度嬌生慣養，有我呢個專業嘅阿哥喺度服侍到成隻豬咁。］
-
阿妹：「我要證明我可以自己照顧自己。」
-
安琪：「咁你識唔食煮飯呀？」
-
阿妹：「唔識喎，平時有阿哥煮俾我食，唔係就落街食。」
-
慧妍：「咁咪係囉！彥哥第時有同楚翹生活，仲點會照顧你呢？」
-
（待續 To be continued）
IG：chingchingstory