《夾出一個她》: 第三十一集-牛歡喜（上）
我：「起身喇！夠鐘返工喇！」
-
楚翹：「係嘅BB！」
-
我：「咦！你今日靚咗喎。」
-
楚翹：「咩叫今日靚咗！即係之前唔靚啦！」
-
我：「我嘅意思係今日靚過之前，我咁講其實係有原因㗎。」
-
楚翹：「係咩吖！」
-
我：「你估下。」
-
楚翹：「因為呢度好食好住？」
-
我：「呢度梗係冇你之前咁好食好住啦！」
-
楚翹：「唔估吖！你開估啦！」
-
我：「你有冇聽過一個道理？」
-
楚翹：「咩道理？」
-
我：「近朱者赤，近墨者黑。」
-
楚翹：「你條茂利係咪想講因為我黐住你呢個所謂「靚仔」嘅人所以靚女咗？」
-
我：「你真係聰明嘅啫！你而家日日跟住我，梗係越嚟越靚啦！」
-
楚翹：「你真係核突佬嚟！咁嘅屎橋都俾你諗到。」
-
我；「屎橋佬配屎婆，掂晒！簡直係金童玉女啦！」
-
楚翹：「屎你條毛，我就梗係唔係屎婆啦！」
-
我：「你係屎婆。」
-
楚翹：「我俾多次機會你，我係咩？」
-
我：「屎婆！屎婆！屎婆！」
-
楚翹：「食屎啦你！嬲吖！」
-
我：「你大人咁有大量，又點會嬲我呢？」
-
楚翹：「收皮啦你！本小姐係就係咁小氣㗎喇！你今晚做廳長啦！」
-
我：「唔好意思，今晚要返工吖！同埋屋企有客房，唔驚。」
-
楚翹：「我要瞓你間房吖！」
-
我：「我間房香啲咩？你唔同阿妹瞓，冇人同阿妹瞓㗎喇！」
-
楚翹：「佢有希逸啦！唔使理佢啦！」
-
我：「我間房淨係容納屎婆咋喎。」
-
楚翹：「哎！咁我難為啲！做住屎婆先啦！」
-
我：「咩風將顏家大小姐吹到變屎婆吖？」
-
楚翹：「冇辦法啦！要同屎佬瞓，自己都要同化咗先。」
-
我：「都話你係屎婆㗎啦！」
-
楚翹：「係喇！屎佬彥！」
-
我：「我哋刷牙、換衫執埋嘢就走喇！」
-
楚翹：「咁早？我哋返7點喎。」
-
我：「而家已經五點半喇！」
-
楚翹：「乜咁晏㗎喇！」
-
我：「係吖！我哋玩完Outlast 2 都已經今朝7點啦！天都光晒喇！」
-
楚翹：「咁我哋拿拿淋刷牙換衫喇！」
-
我：「嗯！好啦！」
-
「咿咿」
-
一出房，見到希逸同阿妹坐喺梳化睇緊電影。
-
希逸：「屎佬同屎婆出嚟喇！」
-
阿妹：「啲對話sweet到呢？屎佬屎婆喎。」
-
楚翹：「乜你哋聽到嘅咩？」
-
阿妹：「你哋講得咁大聲，聾嘅都聽到啦！」
-
我：「哎！要你哋食閃光彈㖭！」
-
希逸：「你哋唔係要返工咩？我哋ready好個肚去試你哋啲手勢㗎喇！」
-
我：「楚翹B，我哋趁佢哋睇唔到，幫佢哋加料先。」
-
楚翹：「好吖！加啲口水落去。」
-
我：「加埋鼻屎好唔好？」
-
楚翹：「梗係好提議啦！燒燶咗睇唔出。」
-
希逸：「而家可唔可以取消booking？」
-
我：「梗係唔可以啦！我哋預備晒啲食材㗎嘛！」
-
阿妹：「我突然有啲驚阿哥整嘅餸，分分鐘可能加咗料㖭！」
-
我：「講笑啫！我對食物咁執著，點會糟蹋啲食材呢！大家拿拿淋執嘢出發啦！」
-
希逸：「係嘅！牛歡喜！我嚟喇！」
-
我：「你好似好興奮咁嘅？」
-
希逸：「人生第一次食呢啲嘢呀嘛！」
-
我：「真心？」
-
希逸：「呃你做咩吖？」
-
我：「好彩！我都可以遲一日做舅父。」
-
阿妹：「阿哥！你又講咩吖！」
-
我：「有食唔食，罪大惡極吖！」
-
希逸：「咁你答我，你有冇食楚翹？」
-
我：「黐線！我哋都未ready！」
-
希逸：「我哋都未Ready啦！」
-
阿妹：「我未滿16㗎！歐陽生。」
-
我：「咁你哋ready，我都要ready做舅父喇！」
-
阿妹：「你擔心你自己先啦！」
-
楚翹：「我ready做人媽咪㗎喇！」
-
希逸：「嗱嗱嗱！都話你哋㗎啦！」
-
我：「等經濟穩定啲先啦！」
-
希逸：「書又未讀完，DSE又未考，咁快plan 定儲錢生B嚕！」
-
我：「做人梗係要有計劃啦！」
-
希逸：「究竟係『做人』定『造人』呢？」
-
楚翹：「Why not both？」
-
阿妹：「連楚翹都ready，阿哥你食啲補品補下佢喇！」
-
希逸：「係要補下啲『子彈』，陣間唔得就麻煩嚕。」
-
我：「希逸，做男人呢！就要負責任嘅，唔可以講就算數，亦都唔可以開空頭支票嘅。要承擔吖，知唔知？」
-
楚翹：「梗係啦！我就係鍾意你會承擔，係個好男人。」
-
希逸：「浚彥兄同我講耶穌吖！」
-
阿妹：「希逸豬，你學嘢啦！」
-
希逸：「我盡力學習成為男人。」
-
我：「又抄我金句，冇新意。」
-
大家喺希逸屋企收拾行裝之後，就浩浩蕩蕩咁出發返屋企……大家唔好諗衰嘢先，我哋唔係蛇王，我哋返屋企擺低行李，再搭lift落去返工啫。一上、一落，三分鐘都唔使啦！唔通慳返幾分鐘，擺背囊喺「燒夜店」咩，分分鐘返到屋企打開背囊，有太安樓馳名嘅巨型曱甴同埋好似隻貓咁大嘅老鼠做屋企嘅來賓，見到都會嚇到命都冇吖！
-
（待續 To be continued）
IG：chingchingstory