《夾出一個她》: 第二十六集-初夜（下）
警告：本章節不會含有少量成人情節，各位讀者可以放心。
楚翹：「如果有一日，我突然消失，你會點？」
-
我：「我會得返一部電話，之後問 Brian Cha 點樣搵第二個女朋友。」
-
楚翹：「佢會叫你quit咗做人佢，因為你冇咗一個咁靚嘅女朋友。」
-
我：「可能佢會話：每分鐘6個女朋友，一個鐘360個女朋友，一日21600個女朋友。」
-
楚翹：「咁你係咪計A380之後嘅繼承者-A21600？」
-
我：「梗係啦！我咁靚仔，咩女都受我溝啦！」
-
楚翹：「頂你咩！認真啲啦！快啲講啦！究竟我突然有一日突然消失，你會點？」
-
我：「無論咩事，我都會一直保護你。」
-
楚翹：「如果係我啲有錢屋企人搞暴政呢？」
-
我：「A餐雞蛋撞石牆，不怕壯烈下場。」
-
楚翹：「決不退讓。」
-
我：「你可以放心，我點都會保護你嘅。」
-
楚翹：「應承我？」
-
我：「我歐陽浚彥，儘管天塌下來，都會保護你，終身承諾，永不反言。」
-
楚翹：「你話㗎！如果第時我第時有咩冬瓜豆腐死咗，我一定做冤魂纏住你。」
-
我：「我而家去學定法術先，驅走你。」
-
楚翹：「你夠膽咩？」
-
我：「點會唔夠膽，我而家都捉咗全港最有錢嘅靚女住喺我屋企啦！」
-
楚翹：「我自願㗎喎。」
-
我：「我而家咪捉住你囉！」
-
楚翹：「你呢啲叫攬。」
-
我：「你係咪要試下俾我捉住先？」
-
楚翹：「你大我吖！」
-
我：「一捉就捉成世㗎喎？」
-
楚翹：「願我可花足一生和你甜蜜。」
-
我：「嗱！我捉實你就以後就走唔甩㗎喇！」
-
楚翹：「好吖！不如今晚攬住我瞓？」
-
我：「嗯！」
-
呢一晚，我攬住楚翹瞓，我哋亦都係第一次一齊瞓，平時佢都係瞓客房或者同阿妹瞓。A0嘅我，正式成為O1，第一次有女朋友（呢句係廢話）亦都係第一次同異性同床。
-
攬住楚翹瞓，原來都幾溫暖下，佢嘅出現就好似照亮咗我嘅人生咁。雖然攬住人瞓係好幸福，但係……我隻手好痺吖！
-
日上三竿，楚翹終於醒喇，而我同時都失去了一隻左手，感覺就好似搭巴士托住頭瞓覺，一落車，隻手就唔屬於你咁樣。
-
我：「你終於醒喇？」
-
楚翹：「尋晚好好瞓，好似有個壯男保護我咁樣，但係你隻左手咩事，咁白嘅？」
-
我：「冇嘢，我隻左手痺咗啫？」
-
楚翹：「點解嘅？」
-
我：「因為你紮住咗我隻左手成晚。」
-
楚翹：「咁我以後就做你隻左手啦！」
-
我：「我係咪要唱從那天我戀上我左手？」
-
楚翹：「梗係啦！」
-
我：「我左手有好多嘢做㗎喎。」
-
楚翹：「例如呢？」
-
我：「例如喺冇嘢做嘅時候就打機啦！」
-
楚翹：「我打機都有一手㗎。」
-
我：「點勁先？」
-
楚翹：「我好少打機，但我覺得自己好勁。」
-
我：「玩嘢吖你！」
-
楚翹：「唔得咩？玩你都得啦！」
-
我：「梗係啦！我淨係俾你玩咋嘛！」
-
楚翹：「咁你快啲嗌我主人啦！你而家係我嘅跟班。」
-
我：「係嘅主人。」
-
楚翹：「狗仔乖！主人最錫你呢隻狗仔。」
-
［幾時變咗羞恥 Play 㗎！］
-
「叩叩叩」
-
希逸：「狗仔，我好肚餓吖！幾時有得食嘢吖？」
-
阿妹：「狗仔，我都好肚餓吖！」
-
希逸同阿妹又嚟阻住我同楚翹兩個人嘅親密時間。
-
我：「你哋兩個廢㗎？自己煮啦！」
-
希逸：「尋晚有人玩大富翁輸咗，而家睇嚟唔找數喎。」
-
阿妹：「係囉，而家有人賴皮囉！」
-
我：「係係係！我而家去煮。」
-
希逸：「咁咪啱囉 ！」
-
阿妹：「乖，狗仔。」
-
我：「你兩條茂利小心啲，我衷心建議食之前睇下啲嘢食有冇加料。」
-
楚翹：「浚彥，我哋去煮嘢食嚕！」
-
我：「雪櫃好似得返啲點心同啲雞蛋，我去蒸點心就得喇！」
-
楚翹：「我幫你吖！」
-
我：「好吖！淨係擺啲點心入蒸爐就得㗎喇！」
-
楚翹：「大家想食咩？」
-
希逸：「我要小籠包。」
-
阿妹：「我要燒賣同粉果。」
-
楚翹：「係呢！呢度有冇魚翅餃㗎？」
-
我：「呢度有魚翅餃，但啲魚翅餃冇魚翅㗎喎。」
-
楚翹：「魚翅餃梗係冇魚翅啦！我都唔鍾意食魚翅嘅，咁殘忍。碗仔翅都冇翅啦、菠蘿包都冇菠蘿、雞尾包都冇雞尾啦！」
-
我：「我以為你哋啲有錢人食真係有魚翅嘅魚翅餃㖭。我哋呢度就得冇魚翅嘅魚翅餃，唔知你啱唔啱？」
-
楚翹：「我屋企人就好鍾意食魚翅，但我覺得好殘忍，所以我都唔食。但我超級鍾意食冇魚翅嘅魚翅餃。」
-
我：「大家等下，好快就有得食，大家想飲咩茶？」
-
希逸：「肥哥，你屋企係咪茶樓嚟㗎？成個茶樓咁嘅？點心又有、茶葉又有。」
-
我：「我同阿妹都鍾意食點心，之前咪網購咗一大堆點心趁呢個假期慢慢食。而你識咗我咁耐都知我係茶道fans嚟㗎啦！有大量嘅茶葉都係好正常嘅啫。」
-
希逸：「咁大家知唔知我係咩嘅fans？」
-
（待續 To be continued）
IG：chingchingstory