《夾出一個她》: 第二十五集-初夜（上）

希逸入咗房之後，楚翹突然攬住我，一嘢嘴埋嚟。我當然唔介意啦！繼續返啱先嘅活動。嘴咗一陣之後。
-
阿妹：「阿哥你哋……」
-
天時地利不人和，阿妹同希逸又喺我哋最情到濃時嘅時候出嚟，真係「阻人情侶二人組」。
-
希逸：「年青人血氣方剛係咁㗎喇！哎！冇眼睇。」
-
我：「你兩條茂利同我講呢啲，你哋第時咪又係咁。」




-
希逸：「真係唔應該！這種人唔要得！請問這是正式錄用的男朋友嗎？」
-
我：「你哋兩個……」
-
楚翹：「浚彥個嘴有啲污糟，我幫佢抹返嘴咋嘛。」
-
阿妹：「你唔吹脹啲？」
-
希逸：「算啦！呢啲小事咋嘛，唔好阻住人啦！」




-
我：「我哋真係冇嘢呢！」
-
希逸：「冇嘢就冇嘢啦！我哋不如玩大富翁？」
-
楚翹：「好吖！我都好耐冇玩過。」
-
我：「副旗喺我間房，我去攞先。」
-
嘩頂！啱先個場面尷尬到一個點，好彩冇做其他嘢，否則水洗都洗唔清。




-
我：「大家揀角色先，我要車。」
-
楚翹：「有冇老漢吖？」
-
希逸：「未到凌晨，咁快嚟料？」
-
楚翹：「越等越心急呀嘛！」
-
阿妹：「不如用情侶分隊。」
-
我：「你新嚟？大富翁點組隊吖！」
-
阿妹：「同平時玩法一樣，但其中一個輸，就兩個罰。」
-




楚翹：「好吖！反正我哋唔會輸。」
-
我：「咁罰咩先？」
-
阿妹：「輸咗要喺大家面前打茄輪10秒。」
-
楚翹：「驚你吖！啱先你哋都睇到啦！」
-
希逸：「呢個唔似懲罰，似獎勵多啲喎！」
-
阿妹：「一係聽日三餐嘅由輸咗嘅情侶負責煮同洗。」
-
我：「好！我哋挑戰。」
-
阿妹：「阿哥，你知我地產霸王嚟㗎啦！」




-
我：「哦！拿拿淋擲骰仔開波。」
-
大富翁玩法係點玩，我都唔喺度詳細講喇，都係咁啦，擲骰仔跟住格仔行，啱就賣地，途中有唔同嘅機會卡，有機會暴富，亦都有機會突然變窮。如果踩中人哋嘅地就要俾錢通行。留守到最後嘅玩家就為止贏。
-
明明係大富翁王子嘅我今次遇到個豬隊友，楚翹可能平時太有錢嘅關係，咩濕鳩爛地都買，但又唔起樓，最後踩中阿妹起滿樓嘅太平山。冚家剷收場。
-
阿妹：「廢柴阿哥，你又輸喇！」
-
我：「我讓賽啫，如果我出盡力，你哋輸到底褲都冇吖！」
-
希逸：「輸就輸啦！喺度死雞撐飯蓋！」
-
阿妹：「聽日三餐靠你哋喇！」
-




楚翹：「冇問題吖！我願賭服輸。聽日煮啲屎俾你哋食。」
-
希逸：「我哋淨係食新鮮嘅屎咋喎。」
-
我：「女神唔屙屎㗎！」
-
希逸：「咁咪食你嗰啲囉！」
-
我：「痴孖根，你係咪有嗰啲抖M性格？」
-
希逸：「我唔抖M，亦都唔玩強國抖音，但晚晚抖陰。」
-
阿妹：「咩叫抖陰？」
-
我：「即係打飛機囉！」




-
阿妹：「嘩！乜你咁核突㗎！」
-
希逸：「你阿哥咪又係咁，佢唔話俾你知啫。」
-
我：「喂！你唔好扯我落水喎！我都唔係啲咁變態嘅人嚟嘅。」
-
楚翹：「浚彥BB又點會自己打飛機呢！有我喺度㗎嘛！」
-
我：「喂！今次真係水洗都洗唔清。」
-
楚翹：「唔係咩？尋晚我瞓緊覺，你突然摷醒我，揸我波㗎喎。」
-
我：「我真係冇吖！尋晚你同阿妹瞓㗎！」
-
阿妹：「咩吖！你同楚翹兩個瞓㗎！」
-
希逸：「肥哥，你仲有咩好解釋！」
-
我：「我真係冇做到吖！尋晚我自己一個瞓㗎咋！」
-
希逸：「而家證據確鑿，你認唔認罪？」
-
我：「各位法官，我有得唔認罪咩？我而家係「莫須有」吖！」
-
楚翹：「本席宣判，犯人歐陽浚彥，涉嫌深夜偷偷摸摸罪名。現判處終身監禁，要成為我嘅老公，兼要以後聽我話。犯人有冇嘢講？」
-
我：「我保持箴默。」
-
楚翹：「今晚要罰你同我瞓。」
-
我：「吓！男女授受不親喎！」
-
楚翹：「講呢啲！驚咩吖！你又唔會食咗我嘅。」
-
我：「但你會食咗我呀嘛！」
-
楚翹：「點會呢！」
-
希逸：「咁我今晚瞓邊？」
-
我：「梗係瞓廳啦！女生閨房，男士勿進。」
-
阿妹：「希逸梗係入嚟同我瞓啦！係咪吖！希逸BB。」
-
希逸：「梗係啦！蕊心BB。」
-
阿妹：「最錫你喇！」
-
希逸：「錫啖先。」
-
「mua~~」
-
楚翹：「浚彥，我哋都唔可以輸俾佢㗎！」
-
我：「我哋又要？」
-
楚翹：「梗係啦！我哋要鬥閃。」
-
就係咁，兩對情侶就喺度互錫咗成分鐘。錫完之後，大家就返自己房瞓覺。當然楚翹同我同房，而阿妹同希逸都一齊瞓啦！臨瞓前，楚翹問我一個問題。
-
（待續 To be continued）

IG：chingchingstory