《夾出一個她》: 第十六集-雞子之爭
我：「我話，你咁暴力，冇男仔鍾意你㗎！」
-
阿妹：「妖！食屎啦，歐陽浚彥。」
-
我：「枉我咁好心幫你㖭。」
-
阿妹：「你有幾好心吖？」
-
我：「我約咗希逸聽日上嚟打邊爐。」
-
阿妹：「真嘅？」
-
我：「呃你有錢賺咩！」
-
阿妹：「阿哥，You are my bro forever. 咁佢聽日幾點上嚟？我要準備啲咩？我好緊張吖！楚翹，聽日你要幫我化個靚妝。」
-
楚翹：「當然冇問題啦！」
-
阿妹：「聽日使唔使幫手買餸？」
-
我：「我同希逸負責買餸就得㗎喇，你哋兩位千金留喺屋企準備啦！」
-
阿妹：「知道！錫晒你喇，阿哥！」
-
我：「我錫楚翹多啲。」
-
楚翹：「最錫你！」
-
阿妹：「你哋兩個真係好嘔心。」
-
楚翹：「你哋之後都係咁㗎喇。」
-
阿妹：「真嘅？諗起同希逸放閃，真係好浪漫吖！」
-
我：「唉！有啲後悔咗叫希逸上嚟打邊爐㖭。」
-
阿妹：「點會呢？你見到咁靚嘅阿妹有一個大隻男朋友，你都笑到見牙唔見眼啦。」
-
楚翹：「第時結婚一定要請我做伴娘吖！」
-
阿妹：「梗係會啦，大嫂。」
-
我：「喂喂喂！你哋兩個係咪發夢發到傻咗？」
-
阿妹：「你就傻咗。」
-
楚翹：「我呢啲叫放眼看未來吖！」
-
我：「真係服咗你哋兩個。」
-
阿妹：「唔好講咁多喇，煮你嘅雞子、煎你嘅牛扒啦！」
-
我：「係嘅！兩位小姐，請問仲有咩需要呢？」
-
楚翹：「最好就整啲表現嚟睇下啦！」
-
我：「表現跳火圈好唔好？」
-
楚翹：「好！就咁話。」
-
我：「你都黐線嘅。」
-
楚翹：「又係你話表現㗎嘛！」
-
我：「唔講咁多，我去煮啲「兄弟」先。」
-
阿妹：「本來雞子係一樣好好食嘅嘢食嚟，俾你講兩句就污穢咗。」
-
我：「咁你仲食唔食吖？」
-
阿妹：「梗係食啦，咁好食嘅嘢，唔食咪嘥晒。」
--------
我：「各位，食得飯喇 ！」
-
楚翹：「正喎，竟然係麻辣雞子。」
-
阿妹：「呢間車仔麵啲麻辣醬好好食㗎！阿哥特登落銅鑼灣買㗎！」
-
楚翹：「等我試下先，睇下有冇你講得咁好食。」
-
「嘩！好辣吖！」
-
楚翹一放粒雞子落口，麻辣醬嘅功力瞬間打敗楚翹。楚翹塊面紅晒，而我哋兩兄妹就笑到趴街。
-
楚翹：「仲笑，拿拿淋攞嘢飲俾我啦！真係好辣吖！」
-
阿妹：「唔記得同你講，呢隻麻辣係快攻嘅辣嚟，一食落口，啲辣就飆上嚟。」
-
楚翹：「真係好辣，啲麻痺配埋啲勁辣嘅感覺好正。」
-
我：「你哋鍾意食就好，我真係打破唔到食雞子嘅心理陰影，真係好核突。」
-
阿妹：「楚翹，捉住阿哥。」
-
楚翹：「收到。」
-
我：「你哋想點吖？」
-
阿妹：「擘大阿哥個口。」
-
我：「唔要吖！」
-
去到呢度，我已經知道佢哋大概想點。
-
我：「好難食吖！」
-
佢哋兩個變態婆夾住我，將充滿「精華」嘅雞子塞落我個口到。
-
我：「我對唔住啲兄弟吖 ！」
-
楚翹：「以形補形吖！可能第時有用呢！」
-
阿妹：「咁喺邊度有用呢？」
-
楚翹：「多事啦你！」
-
我：「食雞子真係滿清十大酷刑之一。」
-
楚翹：「食多幾次，你就會愛上咗呢樣咁好食嘅嘢喇！」
-
我：「食雞子仲慘過食屎吖！」
-
楚翹：「之後我日日都要食雞子。」
-
我：「自己買、自己整。咪搞我。」
-
楚翹：「BB吖！我要食雞子。」
-
阿妹：「講到明唔準放閃。」
-
我：「你慳啲啦，我哋就日日放閃。B吖，你想食雞子，我就日日整俾你食。」
-
阿妹：「當初嘅堅持呢？你要振夫綱吖！」
-
我：「我最聽楚翹講㗎喇。」
-
楚翹：「嗱！你講㗎喇，咁你以後要日日食雞子，打破你嘅心理陰影。」
-
我：「頂，我想收返啱先嗰句話㖭。」
-
楚翹：「覆水難收吖！施主。」
-
我：「擺開雞子先，諗下聽日食咩好？」
-
阿妹：「我要食雞子。」
-
我：「希逸仲憎雞子。」
-
阿妹：「咁聽日唔好買。」
-
楚翹：「你條友仔吖！冇義氣嘅，我哋嘅雞子群組去咗邊？」
-
阿妹：「唔好嚇親人呀嘛！」
-
我：「咁想食咩吖！」
-
阿妹：「是但你啦，求其買啲菜、執啲丸、買啲海鮮就得㗎喇！同埋記得…」
-
我：「買沙嗲醬呀嘛！呢個一定會買。B吖，你一定要試下隻沙嗲醬，超好食，食過返唔到轉頭。」
-
楚翹：「有冇咁誇吖！我聽日留肚試下隻醬先。」
-
阿妹：「我喺度預祝我出pool成功先，飲杯。」
-
「飲杯。」
--------
食完飯後，阿妹沖緊涼，楚翹入咗廚房問我。
-
楚翹：「望住阿妹出家，有咩感覺呢？」
-
（待續 To be continued）
IG：chingchingstory