《夾出一個她》: 第十五集-二變四
我：「我哋擺低啲嘢就走喇。」
-
阿妹：「哦！阿哥你有女就唔理我喇！說好了要賠罪呀嘛！我要食雞子吖！」
-
我：「唔係唔整，我哋去買牛扒，今晚加餸。」
-
阿妹：「咁好啦！順便買condom啊！」
-
楚翹：「你都黐線嘅，留返俾你啦。」
-
阿妹：「我都冇仔。」
-
我：「冇仔先好，我唔想咁快做人舅父。」
-
楚翹：「阿妹，等你開學，我帶你去識男仔啦！」
-
阿妹：「多謝阿嫂，我夜晚一定唔會阻住你哋兩個「造人」㗎！」
-
我：「歐陽蕊心小姐，我哋仲係學生嚟㗎，同埋我係唔會做埋啲違反道德嘅事。」
-
阿妹：「你唔想，可能人哋想呢？」
-
楚翹：「浚彥，唔好理你阿妹，佢應該缺仔缺到傻咗。」
-
我：「係囉！我哋走喇，你自己乖乖哋留喺屋企看門口啦！」
-
阿妹：「你哋兩個唔要我喇！」
-
楚翹：「送首靚歌俾你-被世界遺棄不可怕。」
-
我：「楚翹，你好毒吖！送首《垃圾》俾人，暗串人係垃圾。」
-
阿妹：「你哋兩個快啲走吖！兩個夾攻我一個，都唔公平嘅。」
-
我：「呢個世界有公平嘅咩？我哋真係走喇，Bye。」
-
阿妹：「小心俾車撞吖！」
----------
又到我同楚翹獨處嘅時間，念在阿妹咁孤單，我決定…
-
我：「係呢，聽日你哋兩個係咪去行街？」
-
楚翹：「係吖！聽晚有咩節目？」
-
我：「陣間你咪知囉！我去打個電話先。」
-
「嘟…嘟…嘟…」
-
我打俾我嘅老死，同我一樣都係冇女（雖然我而家有女）嘅希逸。
-
希逸：「喂！做乜聖誕節打俾我呢個單身狗吖！你冇女陪咩？睇你IG，知道你有女啦！有冇食咗佢吖？」
-
我：「細聲啲啦！佢聽到㗎！」
-
希逸：「Sor9ly阿嫂，我冇心㗎！」
-
楚翹：「唔緊要。」
-
希逸：「你哋搵我有咩事？」
-
我：「我搵得你梗係有好嘢益你啦！」
-
希逸：「有咩好嘢吖 ！」
-
我：「你成日話冇女，我有好介紹俾你。」
-
希逸：「係咪你阿妹先？」
-
我：「你真係太聰明喇，就係我可愛嘅阿妹喇！」
-
希逸：「講咗想溝你阿妹已經好多年，你今年終於都諗開咗喇？」
-
我：「我真係唔明阿妹有咩正？又暴力、又公主病。」
-
希逸：「你阿妹不知幾正，嗰次一齊出嚟去海馬公園，佢又識照顧人、又有禮貌、仲要好靚㖭！真係一見鍾情。」
-
我：「得喇！聽日有冇嘢做，上嚟我屋企打打邊爐？」
-
希逸：「幾忙都嚟啦！你平時咁保護你阿妹，連我單獨約出街都唔俾。」
-
我：「咁我預埋你㗎喇！聽日晏晝西灣河地鐵站等，一齊買餸。」
-
希逸：「我識做㗎喇！」
-
我：「咁聽日見啦！Bye。」
--------
楚翹：「咁樣幫阿妹搵男朋友會唔會太求其咗啲吖？」
-
我：「梗係唔會啦！希逸好仔嚟，佢好nice㗎，佢成日喺我面前提起阿妹，問我點樣溝阿妹㖭。」
-
楚翹：「咁你都唔可以幫阿妹亂咁配對人㗎？」
-
楚翹應該覺得我係求其搵條友塞俾阿妹…
-
我：「最大問題就係阿妹都鍾意希逸，阿妹都成日喺我面前提起希逸。」
-
楚翹：「嘩！佢哋兩個有冇咁夾吖？」
-
我：「我都唔知吖！我哋三個之前去咗海馬公園，佢哋兩個就一拍即合。嗰次我哋三個去玩鬼屋，佢哋兩個拖晒手咁入鬼屋，明明係第一次見面咋嘛。」
-
楚翹：「睇嚟有人妒忌喎！」
-
我：「自此之後，佢哋就交換咗電話號碼，仲日日傾計㖭！我作為佢阿哥，佢都唔係成日同我傾計。希逸條粉腸又係，同阿妹傾計又唔陪我打機。」
-
楚翹：「你阿妹都dry咗咁耐，有仔埋身梗係開心啦！」
-
我：「咁又係嘅。」
---------
我：「我哋返嚟喇。」
-
阿妹：「又放閃。你哋兩個對我用完即棄，我好傷心吖！冇我，你哋兩個都唔會喺埋一齊，更加唔會識到對方。」
-
我：「睇嚟你真係缺仔缺到傻咗。嗱！你阿哥，即係我，就係一個好人嚟嘅。你幫咗我，我就一定會報答你嘅，我介紹我嘅兄弟俾你識啦！」
-
阿妹：「真係㗎！可唔可以介紹同你好frd嗰個男仔，黑黑實實，又好多肌肉嗰個呢？」
-
我：「你講嗰個大隻gay佬，希逸？」
-
阿妹：「Exact7ly。」
-
我：「咁多個好男仔唔揀，係要揀個gay佬嘅？」
-
阿妹：「嗰次我哋去海馬公園玩鬼屋，人哋不知幾man，喺我驚嗰陣時又會拖住我，又對我好，而且仲要好靚仔㖭！」
-
我：「我幫你諗諗佢啦！你要人哋，人哋都唔要你啦，你咁暴力。」
-
阿妹：「咩話！你夠膽就講多次！」
-
（待續 To be continued）
IG：chingchingstory