[hehe]《知音人》: 九十三：通關

和Jordan簡單吃了一點東西後，Horace便陪同他回家，一上巴士就收到Charlie的來電。
 
在接聽之前，Horace把手機遞給Jordan，並問了他一句：「你同唔同佢講幾句？」
 
Jordan點頭。
 
Horace按了「接聽」一下後，便跟Charlie說：「喂，我地返緊你度啦。」
Charlie：「哦，佢無野嘛？」
Horace：「無咩野啦，我比佢同你聽啦。」
Charlie：「好呀，唔該你。」




 
Jordan從Horace手上接過手機，跟Charlie說了幾句「沒事」、「放心」等後，便掛斷了。
 
Horace：「係喎，你有無同屋企人講？」
Jordan：「無呀，好少事啫，唔想佢地擔心。」
Horace：「嗯，好啦。」
Jordan：「Sorry呀，要你擔心左咁耐，仲要返去同呀爸呀媽解釋咩事。」
Horace：「傻啦，你係我男朋友嘛，唔擔心你擔心邊個。不過下次用個好D既方法，返屋企打電話比我點都好過係我樓下等，你幾時變得咁傻豬架。」
Jordan：「我腦海真係一片空白，淨係想快D見到你。」
Horace：「得啦，明架啦。」




 
說完這句，Horace靜悄悄在Jordan的臉上吻了一下。Jordan笑了一下，然後在Horace耳邊說了句：「I love you。」
 
送完Jordan回家，跟Charlie聊了兩三句後，他又乘車返回大西北的家，到家時已經晚上十一時多。
 
回程的路上，他一直準備如何跟父母交代剛才發生的事，思考應向出櫃還是編藉口的方向處理，過程中他有透過WhatsApp問到Edmund的意見，但他心底也知道，自己的事也只能自己決定。
 
踏進家門的一刻，Horace的心從未如此沉重過，這種很像把自己最內心深處的秘密拿出來坦白的感覺，並不好受。
 
Horace媽：「返來啦？」




Horace：「嗯。咁夜都未訓既？」
Horace媽：「擔心你嘛。」
Horace：「係咩，我無事呀。」
Horace媽：「你個樣咁都叫無事？」
Horace：「我朋友有D意外啫，頭先無嚇親你嘛？」
Horace媽：「朋友？」
 
這兩個字仿佛重擊了Horace心房的防護罩，把原來打算編故事逃避現實的計劃徹底打破得粉碎。
 
大家沉默了一兩分鐘後，Horace開聲說：「你地知道左啦？」
 
Horace媽倒是輕鬆地回應：「你一直覺得我地唔知？」
 
Horace瞪大了雙眼看著媽媽，他自以為自己一直隱藏得很好。
 




Horace媽繼續說：「做得你呀媽點會唔知，有時想等你講比我地知，但我知道唔容易既，我見今日有機會咪再試下你。」
 
Horace：「er…咁你地…」
 
Horace媽：「其實做人呀媽，都只係想仔女開心，正如你上年問我關於做歌手既野咁，我都無諗過要反對，因為我知道你中意做。今次都係，只要你中意，你開心，我就開心。」
 
Horace：「咁呀爸…」
 
Horace媽：「其實佢無你諗得咁古板既，我之前都同佢提過你唱歌既野，佢又無咩反應喎；頭先食飯我問佢覺得你地點，佢話『而家D後生都唔到我地理啦』，你自己get下啦。」
 
Horace聽到這裡，已感動得眼泛淚光。
 
雖然今天一切事情來得很突然，但似乎突然把很多難關一併打通了。