[hehe]《知音人》: 六十三：擔憂

籃球校隊沒有因為贏得大專邀請賽而減慢練習的強度和步伐，繼續維持高強度的練習以備戰三月底開始一連三周舉行的精英賽。這被譽為大專籃球界最高殊榮的賽事將會是今年已經大四的Steven最後一次率領港島大籃球校隊出戰的比賽，所以他精神狀況沒有比大專邀請賽來的輕鬆。
 
同時Steven也從Horace和Edmund口中得知Oscar的事情，也擔心他和Wilson持續在練習中見面，兩人會否出現令人擔心的互動。除了擔心影響球隊運作外，Steven作為朋友更擔憂Oscar的心理狀況。然而，近來的恆常練習中，他沒有發現Oscar的精神狀態有什麼不妥，甚至比以往更積極。相反，Wilson的狀態比之前有點下滑，看起來有點力不從心的感覺。
 
有一次練習完結後，當大隊都起行返回更衣室的時候，Steven叫住了Oscar。
 
Steven：「Oscar，過黎講兩句呀。」
Oscar：「做咩呀？」
Steven：「我唔轉彎抹角啦，你三個兄弟叫我多D關心下你。我知你可能覺得佢地多事，但佢地都係擔心你啫。」
Oscar：「哦，無野啦，唔使擔心喎。」




Steven：「我見你練習都無咩野，不過如果有咩想我幫手你記得開聲。」
Oscar：「OK啦高佬，知你有心。」
 
兩人回到更衣室後，Steven發現Oscar明顯刻意避開Wilson，除了走到很遠的角落換衣服外，也多番迴避Wilson的說話和揮手示意。
 
Darren：「高佬，望咩呀，仲唔沖涼？」
Steven：「哦，無呀，轉頭同你講。」
Darren：「唔使交人咩？」
Steven：「唔使呀，佢同朋友練歌，我今日可以跟你地食。」
Darren：「哇，難得呀。咁你快D沖涼啦，再唔係我話比Edmund仔知你係更衣室昅仔。」




Steven：「頂你啦，你地班友無一個好昅囉。」說完便去洗澡。
 
Steven難得地跟大隊一起晚飯，不少隊友都有點驚訝。前往餐廳的路上，他拉開了Darren並簡單說了他剛才擔心的事情，換來了Darren一句回覆：「算啦，你咩都做唔到架啦。」
 
Steven：「我知呀，但有D擔心啫。」
Darren：「佢地兩個自己搞得掂啦，你不如諗下點處理佢啦。」他指著遠處一個人走著的Gary。
Steven：「做咩要處理佢？」
Darren：「你無發現佢練習果陣係咁痴埋你度咩？」
Steven：「邊有呀？」
Darren：「你拎波準備佢又係你隔離，放break又係你隔離，分組佢係鬼死咁遠個位都要衝去你度。」




Steven：「你地太敏感啦。」
Darren：「你好自為之啦，我提左你架啦。」
 
兩人及後在馬路位置跟大隊再次相遇，然後Gary很快出現在Steven的身旁。
 
Darren馬上在Steven耳邊細聲說了句：「話左架啦。」
 
Steven聽完無奈地繼續站在原地等過馬路，Gary在他旁邊也沒有做什麼、說什麼，所以他就覺得Darren過份敏感。
 
到了餐廳後，Darren把Gary拉到了Oscar那一張桌子，Steven則和Wilson及兩位隊友同一桌。
 
一坐下，Steven就問Wilson：「你無野呀嘛？好似好攰咁。」
Wilson：「呢排訓得麻麻。」
Steven：「出左pool之後就開始攰啦？」
Wilson：「唔關事啦。」




Steven：「哦，見你個樣，好似出左pool仲愁過之前。」
Wilson：「無呀，有D野諗唔通啫。」
Steven：「有咩同我講啦，睇下哥哥幫唔幫到你。」
 
Wilson聽完輕輕一笑，然後食物來了，大家也開始進餐。