[hehe]《知音人》: 六十二：初醒

Horace坐到Oscar身旁，並示意思穎離開及關門。
 
Horace：「做咩呀你？」
Oscar：「原來一直以來都係我諗多左。」
Horace：「你指？」
 
Oscar將手上的電話遞給他，顯示著的明顯是Wilson的IG。
 
Horace按了按Wilson IG頁面的頭像，馬上彈出第一個Story，是Wilson牽著一位女孩子的手，並附上文字「My Love」和兩個心形圖案。
 




Horace擔心地看著Oscar，他臉如死灰地坐著。
 
Horace：「想喊就喊啦，最多我比個膊頭你啦。」
 
Oscar聽完後起初沒有反應，既沒有把人挨到Horace的肩膀上，也沒有大哭，只是維持著同樣沉重的氣場。Horace把手摟住Oscar的另一邊膊頭，示意他作為兄弟的支持。
 
過了十多分鐘，Oscar總算打破沉默。
 
Oscar：「我都係第一次因為一個人令自己情緒有咁大起伏。」
Horace：「嗯，咁你打算點呀？」




Oscar：「無咩可以點啦，人地有女，唔通我去拆散人地咩？」
Horace：「我知你唔會，但我擔心你啫。」
Oscar：「失戀咋嘛，唔係，都無得過，何來失。」
Horace：「當年Jordan走左果陣，都係靠你陪我過啫，雖然你果陣應該唔知咩事。」
Oscar：「咁你果陣慘好多。」
Horace：「唔鬥慘啦，咁你點呀，仲如常咁對佢，同佢打波食飯？」
Oscar：「唔知呀，我都唔知佢想點。」
Horace：「我覺得佢其實由始至終都當你好朋友，有時直男係咁乞人憎，硬係中意做D勁曖昧、令你誤會既野。」
Oscar：「唉，沉左船，順其自然啦。」
Horace：「嗯，可能有一日佢會發現你既好呢。」




Oscar：「算啦唉。」
Horace：「你食左野未呀？同你落去食野啦。」
Oscar：「我無咩胃口啦，你一係帶楊思穎落去食野囉。」
Horace：「一齊啦，你唔去，你呀妹都唔會想去啦。」
Oscar：「好啦。」
 
三人到附近的快餐點食飯，Oscar坐低霸位，Horace和思穎去買飯。
 
思穎：「鈞哥哥，呀哥無野呀嘛？」
Horace：「點會無野呀，不過同佢傾左陣好好多，你呢幾日都陪下佢啦，不過唔好問佢咁多野啦。」
思穎：「嗯，頭先佢個樣真係嚇親我。」
Horace：「係，我都嚇親，但佢需要既係空間同陪伴。」
 
簡單晚飯後，思穎陪Oscar回家，Oscar的臉色雖然仍令人擔憂，但至少比剛才來得精神。
 




Horace回到家後，簡單向Roy發了訊息交代事情，讓Roy之後可好好關心Oscar，然後便致電Jordan。
 
Jordan：「今日咁夜既？」
Horace：「頭先搵Oscar，佢失戀。」
Jordan：「失戀？佢有拍拖咩？」
Horace：「嚴格上係單戀失敗。」
Jordan：「哦，你上次同我提過果個男仔。」
Horace：「咦，好記性喎，你都見過架應該。」
Jordan：「果日睇波，唔記得邊個打邊個啦。佢做咩呀？佢對象比人溝左先？」
Horace：「直仔黎啦，岩岩開始拍拖，不過好似成日做D曖昧野，或者純粹係楊俊朗佢自己諗多左。」
Jordan：「咁佢而家點呀？」
Horace：「陪左佢一陣佢好返D啦，希望佢無咩野。」
Jordan：「嗯。係喎，月尾Charlie生日，我同班同學搞個Party，你黎唔黎呀？」
Horace：「會唔會尷尬架？」
Jordan：「哦，你擔心既話就算啦，唔想你咁大壓力。」




Horace：「我諗下再覆你啦，你比日子時間我，我都要check下練習時間表。」