[喪屍][愛情][奇幻] 滅屍救港: 二十三 便利店(三)
「呀! 」我驚呼。我立刻甩掉它。小華向它使出「致命一擊」,它立即斷了氣。
「喂,你好驚呀? 估唔到你都會驚喎。」小華說。
「我...咁我...」我一時說不出話來,捉住他的手臂。
「喂,你哋幾襯啊。」幼羚邊說邊偷笑。
「我都係咁話。𡃁仔,你有心追女仔嘅,就俾啲安全感佢啦。」老闆說。
我心裏還沒放下對一心的感情,不知道自己應否和這個只相識了一個星期的男生發展...
但我心裏說不,身體卻很誠實,還是扣住了小華的手臂。
「喂,5點幾啦,繼續行啦。btw你哋真係幾襯啊。」允恆說。
我們繼續朝鑽石山方向走。
過了大概一個小時,我們到了荷里活廣場。
「我哋入唔入去好?」。
「我諗呢度可能好似麗晶咁,係人類嘅安全區。」允恆說。
「我就覺得入面可能有喪屍...」一心說。
「你哋睇下! 呢度嘅告示寫住忠誠勇毅。」英秀指著店舖門外的告示說。店舖的大門上鎖了,但有一個錄音機,猜想是要我們說「支持警察」吧。(忠誠勇毅是香港警隊的口號)
「唉...我唔想講咩支持香港警察...」我說。
「冇錯,做人要有骨氣,就算打喪屍期間都唔應該同黑警合作!」允恆說。
「允恆...」一心有點猶豫地說。
「咁入定唔入啫?」老闆說。
「但我都好肚餓...」允恆說。
「佢哋會唔會有咩附加條件?」我提出。
「咁去嗰個咩靜院?」英秀提出。
「去教會好啲。」允恆說。
於是,我們來到了浸信會。
「歡迎你哋啊。唔好意思,我哋教會提供唔到咩食物或水俾你哋,所以食嘢同沖涼都要你哋用翻自己啲資源。
同埋我哋呢度冇房俾你哋瞓,要喺大門呢度瞓。」一個女人迎接我們。
「唔緊要,我哋淨係喺度落腳一晚,聽朝就走。」允恆說。
「咁你哋喺度坐低呀。」女人說。
我們吃過飯後,便利店老闆和我們聊天。
「其實...我想留低喺度。宗教嘢可能會令我有多啲安全感。我又冇隊友,唔想麻煩到你哋。」便利店老闆對我們說。「唔緊要啦。其實都多謝你肯信我哋。」一心說。
「另外,我有啲嘢要同你哋講。」老闆說。
「其實,點解我舖頭係叫「預言便利店」,係因為...我係預知者。
所以,我同一心有感應,我知佢係預知者,同埋你哋一定會幫我。
有一樣嘢一定要同你哋講。依家暫時九龍嘅喪屍疫情最嚴重,喪屍已經衝過咗三條過海隧道。
重點係,你哋會有次end game,一定要翻到你哋嘅起點: A學校,打呢場仗。
如果你哋唔諗住翻去,你哋可能會有性命危險。
不過... 我預知到你哋最後會淨翻四個人。」
我們都沉默了...
我們早早梳洗過後就睡了,準備迎接明天的來臨。
但我輾轉反覆,久久不能入眠。
想起一心,想起小華,想起家人...
硝煙... 爪牙... 血盤大口... 剩下四人...
一片空白,一片混亂。