[喪屍][愛情][奇幻] 滅屍救港: 二十二 便利店(2)
「咁我哋有咩可以幫到你?」允恆問。
「等陣。點解要信佢?」英秀突然說。
「英秀,你睇唔起佢喳嘛。」幼羚說。
「er...sorry。」英秀被幼羚說中了,連忙道歉。
「可唔可以同你哋一齊行? 我冇能力,驚俾喪屍搞。」老闆提出他的請求。
「等我搵下有冇啱用嘅武器啦,咁你咪唔洗同我哋一齊行,都可以保護自己囉。」我說。
「其實我最驚係有技能嗰班人,唔係喪屍。佢哋又唔敢打喪屍,打人類就最大力,對人類要求去到一個癡線嘅程度,邊個唔幫佢哋就話佢唔係人。」老闆說。
「唉,批鬥真係幾時都有。」一心說。
我們討論過後,決定先和老闆帶走所有店內有用的東西,走出去,去鑽石山。
我們走到一半,突然發現有一羣人衝過來!
「停低!」為首的人說。
不知怎的,直覺告訴我,一定要和這個幫派的人決一死戰。
「攔我者,必不饒恕!」允恆說。
「呯呯呯! 呯呯!」他以一敵百,開始槍戰。
我們決定包抄:我,小華和幼羚在敵人後方; 允恆和英秀在前面和敵人槍戰; 一心和老闆看準時機向敵人不為意的地方劈去。(老闆拿了一把水果刀)
「點解你要保嗰條友? 佢係殺人犯!」為首的人說。
「證據呢? 我同你哋講咗幾日話要證明我同爆炸有關先可以殺我,你哋依家即係屈我啫!」老闆說。
「依家我問緊你隊友,唔係你啊!」為首的人說。
「呯!」突然,允恆一槍打中了領頭人的頭部。
「走啦!」英秀說。
「如果我哋依家先向佢哋妥協,即係話我哋縱容佢哋繼續害其他無辜嘅人!」允恆說。
「呯!」又是一下槍聲。
「上啊!」整個幫派的人向我們衝過來,我們怎能以一敵百呢?
「變!!!」我用盡有的資源和我讀了2年化學的知識,操控不同的化學反應。
「你哋停手啊!」一心大吼。但其他人和敵人沒有理會,大家都被仇恨沖昏了頭腦,包括我在內。
「電能!」敵陣中有幾個人有電的技能,是最能影響我們的技能。
有敵人扮成一心等我方的人,我看穿了,打算把生鏽的鐵棒刺向敵人時,我卻受傷了。
「啊!」我看一看隊友,他們都有傷痕... 我看看一心,她突然嘔吐了!
我靈機一觸。「唔好意思呀,今次核突啲啦,同埋照顧唔到你。」我說。
我用化學方式令嘔吐物溶於空氣中的水蒸氣,然後令那些粒子降成雨!
「快啲開遮!3,2,1!」我命令眾人。
嘔吐物傾瀉到敵人身上!有些人還吞了!
「哇!咦!」他們驚呼。這時,我們趁機撤到安全地方: 彩虹站的僅餘出口。
「你哋冇事嗎?」我問。
「我ok。但你塊面流晒血喎!」一心說。
「我幫你睇睇啊。」小華從口袋裏取出紗布。
「多謝你哋啊。如果冇你哋,我都唔知點算好。」老闆說。
「唔好咁講。幫人係應份。我哋唔好喺度留咁耐啦。」允恆說。
我們簡單地包紮過,就決定離開了。
突然,我被一隻爪抓住了! 低頭一看,是一隻奄奄一息的喪屍。