《病港２》: １８

「你想將我，變做食物？」

「因為我最睇唔順眼，你啲外鄉人喺我哋鯨寨周圍行行企企。」魯杜一邊說，一邊向我靠近：「乖乖哋，企定定……」

我默默站在原地，待他步步靠近。

魯杜身後的兩名跟班，相相而笑：

「真係好乖咁企喺到喎。」





在魯杜的小刀準備往我頸側一抹時，我才伸手捉住他的手腕。

「哈？做咩突然反抗，但你覺得可以……」魯杜臉上掛住的笑容，因為無法伸前郁動的手而消失：「點……點解……」

「佬大，有埋劇本添啊？哈哈哈哈。」兩名跟班笑嗤著。

「我……」魯杜表情急得快死了。

我手力稍為再用勁，就迫使他的小刀脫手而出。





「噹啷……」

魯杜馬上用腳踏在小刀上，再往後一踢傳給同伴：「佢唔係講笑！佢……」句子未說完，他面門就被我賞了一拳。

其餘兩名同伴見狀，想要上前相救，我立即擺出在病獵學校習到的格鬥姿勢，去應付眼前二人。

閃躲、出拳、閃躲、出拳，乃格鬥的最基本之初，基本上只要專心一致觀察現場情況，加上無數次的實戰經驗，要對付這些持刀的小混混根本就不成問題。

還記得在病獵學校的訓練強度，大約就如同舊社會成為消防員的標準，要是有一項不達標的話就不合格。





「啊啊啊……」轉眼間，三名小混混已倒卧地上。

我俯身撿起他們唯一的小刀，從刃身看上去十分破鈍，砍人都要花費好大的功夫，賣不到什麼好價錢。

我蹲下身，兩隻手指捉住刀柄，把小刀懸吊在魯杜的頸喉上：「你叫魯杜吧？點樣可以去到巴爾市。」我只問一條問題。

「去……去……去。」魯杜吞一吞喉：「去電照街交界……」

「之後？」

「要穿過北角嘅疫區同天后嘅疫區……」

「疫區，即係有好多病者嘅地方？」我記得貓吉，是這樣說的。

「係……」突然，魯杜彈了一下手指：「炎帝！！咬死呢條粉腸呀！」





「汪！」一直在旁待著的惡犬，終於收到攻擊的指示。

隨即，魯杜想要站起，我立馬用其中一邊膝蓋將他鎖骨位置壓住，然後直視那隻不顧一切直跑而來的惡犬。

「佢叫炎帝？」我暗暗笑了一聲。

「嗚噫噫！」鎖骨承受我人重量的魯杜，仍想站起反抗。

最終，我放棄壓制魯杜，並伸出一隻腳讓惡犬很自動的咬上。一般來說，狗想要攻擊某人的話，會張口大咬他最易最快接觸到的位置，如果你主動將腳呈給他的話，他就會很自動地咬上，但前題是，你要像我一樣是穿著堅韌的特製皮靴。

在牠咬著鞋子的同時，我開始撫摸牠的皮毛，希望舒適漸漸減低牠的惡意，到後來我更索性掉出小鈍刀讓牠咬回來，借此令牠鬆口。

「噹」我把小鈍刀掉到遠處的街邊去。





鬆口了。

「汪！」牠馬上去追趕。

「點解……」魯杜不敢相信，眼前發生的事情。

在牠鬆口後，我亦轉身打算離開這濕漉的街道。

「佬大……個傻仔唔殺我哋……」那兩名小跟班，在地面上竊竊私語：「仲背脊向我哋，係好機會……！」

「等陣啊！」魯杜叫住了我。

「佬大！？你咁大聲做咩！？」兩名跟班慌問。

魯杜沒理會二人，繼續向我提問：「點解唔殺咗我，明明啱啱係個落手嘅好機會……」





我想了一想，繼續步行：「因為無主人嘅狗……好可憐。」

魯杜聽完後瞳孔都漸漸擴大，可能是在鯨寨太長時間沒遇過好人吧，當他遇見一個在乎生命價值的人後，一股莫名的感動湧上腦海。

「等、等陣啊！」魯杜追住我，說：「你呢種諗法太天真喇……喺鯨寨呢到……根本無可能會有咁嘅人……同埋你想去巴爾市，太遠！你一把刀都無，根本無機會去到，唔好講到時可能仲需要請病獵同行……」

「病獵？」魯杜這麼多廢話中，我只聽到這個關鍵字：「宜個地方，有病獵？」

「當然有啊……！」氣喘喘的魯杜單手按住剛才被我壓著的鎖肩，看來仍很痛的樣子：「但有冇錢請得起係一回事……」

「好貴？」

「睇嚟你真係個徹徹底底嘅外鄉人……我哋有必要好好飲杯酒了解下。」





在魯杜的邀請下，我沒有防備的跟他去了寶石樓一間酒吧。畢竟，他好像知道不少事情，而他也迫不及待的想告訴我一些事情。

沿途上，我發現鯨寨有不少倒塌的樓房、滿地的碎瓦、山高的垃圾，跟我之前在渣華道上見到的光景大為不同。

這裡沒有奇裝異服的人，只有一看就知樸素且貧窮的人。

「點解同我喺登記護籍嗰到見到嘅唔一樣？」我問。

「你話條街？咁係因為呢個先係鯨寨真正嘅一面，滿地嘅垃圾，就好似我哋咁。」魯杜不介意自嘲：「你見到嗰條叫狂歡街，係鯨寨嘅特權區域，即係有錢人專區～幕後有唔少黑勢力，唔好亂咁招惹。」

寶石樓，總共有三座，每座都有十多層高，每家每戶都附有窗台。從外面看來，入面沒多少人在活動，因為照明的火光不大。

但實際行入去後，我才見到入面居住了不少人，大概一個單位就躺臥著二十至三十人左右，他們普遍都睡在地上，有的是一家四口抱住入眠、有的是老眷相睡、有的是年幼孤兒。

單位的門沒有關著，所以走廊經過的我能看到入面情況。

「係呢，未知你叫咩名？」魯杜問。

「葉青茶。」

「咁青茶，你其實已經犯咗鯨寨第一個禁忌……」

「嗯？」

「唔好相信任何陌生人。」

「如果唔係，下場會係點？」

「大概每年，都有八十個外鄉人橫屍街頭，死因大部份都係得一個，唔係因為出面啲病者，而係俾鯨寨嘅人殺死。」

「因為好似你咁，想打劫？」我說。

「其一啦哈哈……」魯杜尷尬一笑，續說：「其二係，呢到嘅人好排外。」

「排外？」

魯杜走入五樓某個亮著火炬的單位，入面的擺設像間簡陋的小餐館，寬闊的空間內只擺有幾張餐桌和餐椅，另外設有小吧台。

「就係我哋唔會打劫自己人，只會對外鄉人咁做。」魯杜找了位子一起坐下。

「你哋講嘅「外鄉人」，係代表唔屬於夕鯨國嘅人？」

「係代表一開始就唔屬於鯨寨倖存區嘅人。」魯杜舉起一隻手指，詳細解釋：「就連其他倖存區嘅人，都一律當外鄉人處理。」

「點解要咁做。」排外，原因終歸仇恨吧。

「因為，呢個地方係俾「不破眾」拋棄嘅一群。」魯杜微笑。

「不破眾，好似聽貓吉講過……」我隱約記得。

「「不破眾」你可以當係成係個政府組織，一直統領住成個夕鯨國嘅運作。」魯杜彈一彈手指，喊：「整碟炸香蟲啊唔該！」

「收到。」廚房那邊回應。