從那天起我愛上了我師姐: 溫度

嗰日我去佢學校門口接佢，我一路行一路諗，陣間見到佢應該點算？講啲咩好？行下行下，離遠已經望到佢企正係學校門口，我即刻攞部手機出黎扮睇手機，故作鎮定咁行過去，其實我緊張到個心都就快跳出黎，當我行到過去嘅時候，佢好主動咁打左聲招呼。 

「Hi! 」 
佢笑住咁講。 
「早...早晨... 」 
我緊張到食螺絲... 
「不如我地去食野啦？」 
望住佢嘅笑容，腦海浮現出一句野，微微一笑很傾城。 
我並冇答佢，只係點一點頭。 





食完野之後，我諗住停車場食支煙，等自己冇咁緊張，點知佢係都要跟埋我去，食煙嘅時候，我一直背對住佢，保持一段距離，費事又開始緊張，食到一半，佢出其不意咁係後面攬住我。 

「做咩呀..唔好咁啦... 」 
我紅都面曬咁講。 
「我好凍呀，攬住你我先會暖返。」 
「咁不如我除件衫比你著啦？」 
我塊面越黎越紅，越黎越熱，好似就快發燒咁。 
「唔要，我淨係想攬住你。」 
佢係我耳仔邊講。 
唔知邊到黎嘅勇氣，比左我一個大膽嘅想法。 




「你放手先，我有啲野同你講。」