從那天起我愛上了我師姐: 回憶

係小學嘅時候，我係一個無惡不作嘅壞學生，就係因為咁，我係學校嘅知名度上升得好快，都係因為咁，所以我最愛嘅女人-雲夢瑤先會識我，當時我完全冇印象有見過佢，嗰日我準備去青年軍訓練嘅時候，途經一個球場，雖然係冇印象見過佢，但係當刻見到佢嘅時候我已經知佢係邊個，佢見到我嘅時候O曬嘴咁望住我，我一路行一路同佢對望，因為我怕羞，所以望左陣就唔敢望，當時我已經對佢一見鐘情...因為佢嗰陣已經升左上中學，所以已經冇機會見到佢，所以我唯有大膽咁抄左佢牌，然後開始同佢傾計，有日我Whatsapp佢，點知.... 

「你搵我條女咩事？」 
當刻我心諗，乜原來佢有男朋友架...當時成個人灰左 
我覆返佢 
「都係冇事啦」 

之後我就冇再搵過佢，後來我入左三合會，開始食煙飲酒打人，結果就衰左野。一年之後出返黎，唔知點解成日嘔，之後就係IG story到求解答，冇諗過佢會覆我，之後我地又好似之前咁樣傾計，直到有一日我地約左去旺角，見返佢之後......