喺末世被個巨劍少女Carry？！: 06

「咁所以呢，而家要做乜。」我搔着頭問。

「咁就梗係...打交啦！」說畢，她便舉起劍並府身沖刺到我身前。

「喂，你細細個呀媽冇教你唔好攞啲危險嘢指住人㗎咩。」我退後一步，說。

她眉頭一皺，並停下了攻擊。

「算。戰鬥方面嘅嘢教你都冇用。」她走了出去，坐到沙發上。





「你咩意思呀...」我沒有這麼不行吧。

「講起上嚟，你會唔會太過悠哉？無論係我攞刀指住你嘅時候，定係面對嗰隻嘢嘅時候都係，你永遠都係一副冇所謂嘅樣，冷靜？又好似同冷靜有啲唔同...總之，就係一種奇怪嘅感覺。」她突然認真地看向我。

「唔好轉換話題喎...」話雖如此，但她的確說得沒錯，一般而言，遇到這種事都會怕得要死吧。難道我是被選中的細路，沒有害怕這種感覺嗎？不對...從小時候到現在，我也常常感到害怕，被狗追的時候，在街上走失的時候，比賽時對手快要追上的時候，我絕對不是不會感到害怕的，那麼，這次又是為什麼呢？



「不過算啦，哩啲嘢點都好，都唔重要，應該話，喺哩啲情況，唔會驚反而係好事。」她躺在沙發上，並蓋上了被子。





「喂你瞓啦？唔係教我㗎咩？咁我點算呀，我俾人襲擊會唔會死㗎。」我坐到地上，問。

「你俾人襲擊就當然會死啦，不過，我嘅話，就算係John Wick揾你尋仇都唔驚。所以，冇事嘅，大概。」她說。

為什麼殺神要找我尋仇？

「即係，你會保護我啦？」

「我只係，冇辦法放你喺度唔理啫。」這是她睡著前，說的最後一句。





什麼嘛，傲嬌嗎？