愛戀心惶惶: 第一章:初見花開之博君一笑

「喂，唔好訓啦，話說你知唔知會有新嘅女仔入嚟依班？」啊斑問。

「吓，暑假臨完嗰幾日先嚟呢度？」被嘈醒嘅我依然睡眼惺忪，神智十分不清。

「你知喇，託管所依度無野多，係出名多仔咋嘛，可能係入嚟識男仔啩~」我頓咗下，依個答案感覺好不切實際。

「邊會有人喺暑假完前嗰幾日突登嚟啲咁嘅地方補習、做功課，被迫做埋啲垃圾練習，最弊仲要被人鳩鬧...」我瞬間破口而出。

「喂！韻余琛！」我話未說完之際，一把聲如洪鐘嘅聲音從門口發出。





不出所料，應該又係嗰個神通廣大嘅馬miss又不可思義地知道我漏嘴講粗口。

但今次佢將道門打開時竟然無撞埋向牆身度，聽唔到平時嗰下爆門聲令我有啲唔自在。

我抬住頭合埋雙眼，嘆氣道:「Miss，今次我已經比上次無咁大聲，不如考慮放過我一馬？」

「無得傾！上次講過再漏嘴就罰你做值日生做到暑假完為止！」

「啊…」我隱隱作語。





依刻其實我好想笑但選擇忍住，只好喺嘴角微微一揚，哩句野佢上個月先同我講，睇嚟馬miss嗰腦已經開始生銹。

但估唔到，有位不速之客多事。

「但離暑假結束，唔係好快啫咩？」

...

...





哩句話，直接插中咗落我心口，刺激咗我大腦。幾秒後，我先反應過嚟，我望向成間房嘅人，明明全部都係我嘅人，點解...

「唔？今日係8月31日，咁暑假得返...」馬miss開始屈指一算。

「係零。」一把清徹嘅女聲從後方傳出，聽落彷彿帶有幾分高雅矜貴而不可侵犯嘅氣息。

我轉身一看，發現原來一直有一個女仔企係馬miss隔離，但係我坐住嘅位置背向住佢地所以先睇唔到。

「你好，我係新嚟嘅，我叫詩璇。」我面向住佢，發覺係個同我差唔多大嘅女仔，而且同齡之中算係面貌幾靚，並且散發住嗰種猶如冰山美人般嘅美。唯一嘅缺點係......

「你......」我向詩璇舉出食指。

「係......？」她一面疑惑，明顯不明我嘅舉動。

「你...有....」我如老人般緩慢地吐出每一隻字，當中加入泰國口音。　





「李又咩yeah man 涕」我吐出六字真言。

...

...

整個埸面被沉默覆蓋咗兩至三秒，但喺我心入面哩幾秒就好似過咗成幾個鐘咁，宜家嘅我，係無比尷尬嘅存在。

但願如此拼盡嘅我，能博君一笑。

「唔..唔..哈哈...」詩璇用手掩着嘴，但遮唔住嗰雙跳動嘅眼眸與笑聲。

佢內歛嘅一笑，亦證明我無白費功夫。