女兒，希望你能彌補我的遺憾: 第八節 - 世界開始不像你預期
「你表弟女朋友都幾nice啊，同大家都玩得埋啊。」回過頭來，我們和恩琳已在回家途中。
「ok la，無咩特別。」我專心開車，沒有特別理會太太。
「佢同你同一間大學架wor，之前有無見過佢啊？」
「無印象啦，都唔同科。間學校咁多人，就算見過都唔記得啦。啊，我番去要沖涼先，有波睇，曼聯對愛華頓。」我極不願意談及任何有關大學的話題，所以立刻轉移視線。
「無問題。估唔到曼聯越來越屎，你都仲咁支持啊。」太太在我熏陶下，略略知道足球世界的動向。
「支持左二十幾年，邊會話輸波就轉會架，呢d唔係真球迷。」我從1996年足總杯決賽，簡東拿在舊溫布萊球場，於臨完場一腳射死利物浦開始愛上曼聯，到今天足足二十四年。
要是說曼聯皇朝由盛轉衰的轉捩點是費Sir在2013年退休的一刻，我相信沒有人有異議。
而我人生的轉捩點，我認為就是進入了這間大學的一刻。
-------------------------------------------------------------------------------------
不幸地，我在A Level失手了，只考到1B4C，別說Oxford，本地Big 3 的商科都進不了，最後只淪落到九龍塘商場裡面，那所真正位於城市中的大學。我和媽媽為此哭了幾個晚上，感覺就像曼聯青年軍球員，最終無法升上一隊比賽，沉淪到香港甲組聯賽繼續足球生涯。
由始至終，我對自己被派到這所大學心有不甘，即使在今天，我FB 的biography都只列了我的中學。大家嚮往的大學生活-住Hall，上莊及拍拖，我一律沒有試過。唯一參與的活動就是Marketing 本科的O Camp，人稱的細O，始終大部分Marketing科目都需要做group project，還是需要認識朋友，方便日後有個照應。
升讀Year 1 的一年，阿恩升讀中五。她要開始準備會考，而我除了上學，就是替人補習，多賺外快，為日後無法找到好工作時積穀防飢。即使見面的時間越來越短、次數越來越少、接觸的層面越來越相異，我們仍然努力維繫這段感情，從沒有放棄計劃或幻想未來。
每逢星期日下午，我盡量不安排任何補習或活動，希望可以專心陪她。有一次，我在細O 組員的盛情邀請下，回校與組爸拍畢業照，唯有無奈更改和阿恩的約會時間，因此打亂了她的溫習時間表。
「我地咁難得先可以見，你又要改時間，我溫書d schedule 比你搞亂啦！」
「唔好咁啦，我去蒲一蒲頭就走架啦，咁要同佢地friend d，之後攞貼士，走堂都有人幫下我take attendance 嘛。」
「你啊，如果你唔係first hon 畢業，你唔洗旨意我會黎同你影相啊。」阿恩貌似認真地命令著。
「ok，我一定會考到既！唔會影衰我個叻老婆！」
阿恩真的是個叻女孩，她會考成績5科5**，可惜差一點點才可成為拔尖分子。英文科一如所料地聽、講、讀、寫，四個部分都5** 。而我的Year 1 生涯亦平平淡淡的在補習和上學中渡過，而我們的關係亦開始變得平淡...
個人認為這所大學的唯一一項德政就是交換生計劃，Year 2 的同學可以申請在下學期到海外的大學交流半年。我起初都對此不感興趣，一來花費龐大，二來不想離開香港和阿恩。但她卻覺得這是一個體驗獨立生活，開闊眼界的機會，十分鼓勵我去申請。
「你快d報名啦，眞係會對你好有用架！揀去歐洲d 學校啦，放假可以周圍去玩，你成日想親身入球場睇波嘛，千載難逢機會啦。」阿恩不斷的遊說我。
「咩你好唔想見到我咩？一去就半年架...」
「半年好快過姐, 我地可以講電話同MSN 嘛。如果你真係confirm 去歐洲既，我試下問媽咪，可唔可以暑假一齊過去搵你啊，我想同你去冰島環島遊啊。」當時的冰島，還沒被強國人和香港人攻佔。當時的Juno，還沒進化為潮流教主和唱雷克雅未克。當時的阿恩，已經脫俗地不會於迷戀日台韓。
我Year 2 的生涯，生活繼續是圍繞上學，補習和阿恩。而她升上中六後，開始參加不同的課外活動，其中一項是聯校的leadership programme，讓一眾名校的中六學生互相交流的活動，一個摧毀了我和阿恩的活動...
自從她參加了那個活動，我們在九月至十一月內，見面的次數漸漸由一星期一次變為到兩星期一次，講電話的時間由每晚半小時，縮短至數分鐘，到後來重回半小時，因為我們開始每晚都會嘈架。
她的精神和時間，幾乎全情投入在那個programme內，我不禁開始動搖，是否她在那邊另結新歡呢？